காங்கிரசை கழட்டிவிட்டாச்சு?! திமுக வைக்கும் செக்!! அறிவாலயம் அறிவிச்சதும் இனி தனித்து போட்டி!

புதுச்சேரி: புதுச்சேரி யூனியன் பிரதேசத்தில் இதுவரை 15 சட்டசபை தேர்தல்கள் நடந்துள்ளன. அதில் காங்கிரஸ் தலைமையில் 7 முறை, திமுக தலைமையில் 4 முறை, அதிமுக தலைமையில் 2 முறை, என்ஆர் காங்கிரஸ் தலைமையில் 2 முறை ஆட்சி அமைந்துள்ளது. 

2021 தேர்தலில் காங்கிரஸ்-திமுக-விசிக-கம்யூனிஸ்ட்-மதிமுக கூட்டணி அமைத்து போட்டியிட்டது. காங்கிரஸ் 15 தொகுதிகளில் 2 இடங்களிலும், திமுக 13 தொகுதிகளில் 6 இடங்களிலும் வென்றது. விசிக, இந்திய கம்யூனிஸ்ட் ஆகியவை வெற்றி பெறவில்லை. 6 எம்எல்ஏக்களுடன் திமுக பிரதான எதிர்க்கட்சி அந்தஸ்து பெற்றது.

இந்நிலையில் 2026 தேர்தலை திமுக தலைமையில் சந்திக்க வேண்டும் என திமுகவினர் வலியுறுத்தி வருகின்றனர். காங்கிரஸ் இதற்கு கடும் எதிர்ப்பு தெரிவித்து வருவதால் இரு கட்சிகளுக்கும் உரசல் ஏற்பட்டுள்ளது. இரு கட்சிகளும் அதிக தொகுதிகளில் போட்டியிட முனைப்பு காட்டி வருகின்றன. 

இதையும் படிங்க: வேணாம்னா வெளியே போங்க!! வேஸ்டானது ராகுல் கடிதம்!! காங்.,யிடம் கறார் காட்டும் மு.க.ஸ்டாலின்!

2021இல் வென்ற தொகுதிகளைத் தவிர்த்து மீதமுள்ள 22 தொகுதிகளிலும் தனித்தனியாக தேர்தல் தயாரிப்பு பணிகளை மேற்கொண்டு வருகின்றன. திமுக ஒருபடி மேலே சென்று 30 தொகுதியிலும் போட்டியிட திட்டமிட்டுள்ளது. ஒவ்வொரு தொகுதிக்கும் 2 வேட்பாளர்களை தயார் நிலையில் வைத்துள்ளது.

புதுச்சேரி அரசியல் பெரும்பாலும் தமிழகத்தை சார்ந்தே உள்ளது. தமிழகத்தில் இண்டியா கூட்டணியில் திமுக-காங்கிரஸ் இடையே தொகுதி பங்கீடு பேச்சுவார்த்தை இழுபறியில் உள்ளது. இரு கட்சிகளும் முரண்டு பிடித்து வருவதால், கூட்டணி தொடருமா என்ற கேள்வி எழுந்துள்ளது. 

திமுக தலைமை தற்போதைய கூட்டணியைத் தொடர்ந்தால், உத்தரவின்படி காங்கிரஸுக்கு தொகுதிகளை விட்டுக்கொடுக்கும். கூட்டணி இல்லாத நிலை உருவானால், திமுக தனது தலைமையில் விசிக, இந்திய கம்யூனிஸ்ட், மார்க்சிஸ்ட் கம்யூனிஸ்ட், மதிமுக உள்ளிட்ட கட்சிகளை சேர்த்துக்கொண்டு தொகுதி பங்கீடு செய்து தேர்தலை சந்திக்க தயாராகி வருகிறது.

இரு கட்சிகளுக்கும் இடையேயான இந்த பதற்றம் புதுச்சேரி அரசியலில் பெரும் மாற்றத்தை ஏற்படுத்தும் வாய்ப்பை உருவாக்கியுள்ளது. காங்கிரஸ் தரப்பில் தலைமைக்கு எதிர்ப்பு தெரிவித்து வரும் நிலையில், திமுக தனித்து போட்டியிடும் முடிவுக்கு தயாராகி வருவது தெளிவாகத் தெரிகிறது. 2026 தேர்தல் புதுச்சேரியில் புதிய அரசியல் சமன்பாடுகளை உருவாக்கும் என எதிர்பார்க்கப்படுகிறது.

இதையும் படிங்க: திரும்பும் பக்கமெல்லாம் தீராத தலைவலி! தமிழகம், கேரளாவிலும் சிக்கல்! ராகுல்காந்தி அப்செட்!