2026 தேர்தல் வாழ்வா? சாவா? போராட்டம்! பாஜக வியூகம்! ஊழல் புகரால் திணறும் ஆம் ஆத்மி!

பஞ்சாப் சட்டப்பேரவைத் தேர்தல் நெருங்கி வரும் நிலையில், மாநில அரசியல் சூழல் நாளுக்கு நாள் பரபரப்பாக மாறி வருகிறது. ஆளும் ஆம் ஆத்மி கட்சி, காங்கிரஸ், சிரோமணி அகாலி தளம் மற்றும் பா.ஜ.க. ஆகிய முக்கிய அரசியல் கட்சிகள் வெற்றியை இலக்காகக் கொண்டு தேர்தல் வியூகங்களை தீவிரப்படுத்தியுள்ளன. குறிப்பாக, 117 தொகுதிகளிலும் தனித்து போட்டியிட பா.ஜ.க. தயாராகி வருவதாக வெளியாகியுள்ள தகவல் தேர்தல் களத்தை மேலும் சூடுபிடிக்கச் செய்துள்ளது.

2022-ம் ஆண்டு காங்கிரஸிடம் இருந்து ஆட்சியை கைப்பற்றிய ஆம் ஆத்மி கட்சி, தற்போது முதல்வர் பகவந்த் மான் தலைமையில் ஆட்சி நடத்தி வருகிறது. ஆனால், ஆட்சிக்கு வந்தபோது அளித்த பல வாக்குறுதிகள் முழுமையாக நிறைவேறவில்லை என்ற விமர்சனங்கள் எழுந்துள்ளன. மேலும், நிர்வாக செயல்பாடுகள் மற்றும் ஊழல் குற்றச்சாட்டுகள் தொடர்பாக எதிர்க்கட்சிகள் தொடர்ந்து கேள்வி எழுப்பி வருகின்றன.

மறுபுறம், காங்கிரஸ் கட்சியும் உட்கட்சி பிரச்சினைகளால் சவாலை சந்தித்து வருகிறது. மாநிலத் தலைமையில் மாற்றம் செய்ய வேண்டும் என்ற கோரிக்கைகள் எழுந்துள்ளதாக அரசியல் வட்டாரங்களில் பேசப்படுகிறது. இதனால், தேர்தலை எதிர்கொள்வதில் காங்கிரஸ் எந்த வியூகத்தை கையாளும் என்ற எதிர்பார்ப்பு அதிகரித்துள்ளது.

இதையும் படிங்க: அமித் ஷா - யோகி ஆதித்யநாத் பனிப்போருக்கு முற்றுப்புள்ளி! மோதலை முடித்து வைத்தது பாஜக!

ஒருகாலத்தில் பா.ஜ.க.வுடன் கூட்டணியில் ஆட்சி அமைத்த சிரோமணி அகாலி தளமும், கடந்த சில ஆண்டுகளாக அரசியல் செல்வாக்கை மீட்டெடுக்க போராடி வருகிறது. உட்கட்சி கருத்து வேறுபாடுகள் மற்றும் மாறிவரும் அரசியல் சூழல் அந்தக் கட்சிக்கும் சவாலாக அமைந்துள்ளது.

இந்த நிலையில், பா.ஜ.க. மாநிலத்தில் தனித்து போட்டியிட்டு தனது வாக்கு வங்கியை விரிவுபடுத்தும் முயற்சியில் தீவிரமாக செயல்பட்டு வருகிறது. எல்லையோர விவசாயிகளின் நலன் தொடர்பான சில நடவடிக்கைகள் மூலம் அவர்களின் ஆதரவைப் பெறவும் முயற்சிகள் மேற்கொள்ளப்பட்டு வருவதாக தகவல்கள் வெளியாகியுள்ளன.

இதற்கிடையில், மத உணர்வு, விவசாயிகள் பிரச்சினை, ஊழல் குற்றச்சாட்டுகள் மற்றும் கட்சிகளுக்குள் நிலவும் உட்கட்சி மோதல்கள் ஆகியவை பஞ்சாப் தேர்தலில் முக்கிய விவாதங்களாக மாறியுள்ளன. அடுத்த சில மாதங்களில் அரசியல் கட்சிகள் எடுக்கும் முடிவுகளும், கூட்டணி சமன்பாடுகளும் தேர்தல் முடிவில் முக்கிய தாக்கத்தை ஏற்படுத்தும் என்று அரசியல் பார்வையாளர்கள் மதிப்பிட்டு வருகின்றனர்.

இதையும் படிங்க: பேராசிரியர் நியமனங்களில் குளறுபடி..! பணத்தாசைக்காக இப்படியா..? நயினார் நாகேந்திரன் கண்டனம்.!