தவெக விஜய் உடன் கூட்டணி அமையாததால் அப்செட்! திமுகவை ஆதரித்து பிரசாரம் செய்ய மறுக்கும் ராகுல்காந்தி!

தமிழக அரசியலில் பெரும் எதிர்பார்ப்பை ஏற்படுத்திய த.வெ.க. – காங்கிரஸ் கூட்டணி இறுதியில் நடக்காமல் போனது. நடிகர் விஜயின் தமிழக வெற்றிக் கழகத்துடன் கூட்டணி அமைக்க சில தமிழக காங்கிரஸ் தலைவர்கள் விரும்பியபோதும், காங்கிரஸ் உயர்மட்டத் தலைமை இறுதியில் தி.மு.க. உடனான கூட்டணியிலேயே தொடர முடிவு செய்துள்ளது.

ராகுல் காந்திக்கு த.வெ.க.வுடன் கூட்டணி அமைக்கும் எண்ணம் இருந்ததாக கூறப்படுகிறது. ஆனால், சோனியா காந்தியின் தெளிவான கட்டளைக்கு இணங்கி அவர் இறுதியில் அமைதியாகிவிட்டார். தி.மு.க. – காங்கிரஸ் கூட்டணி உறுதியான பிறகும் ராகுல் இதுவரை இந்த விவகாரம் குறித்து எந்த பொதுக் கருத்தையும் தெரிவிக்கவில்லை.

இந்நிலையில், காங்கிரஸ் தலைமை அலுவலகத்தில் புதிய பேச்சு அடிபடத் தொடங்கியுள்ளது. தி.மு.க. கூட்டணியில் இருந்தாலும், காங்கிரஸ் போட்டியிடும் தொகுதிகளில் த.வெ.க.வுக்கும் ஒரு ரகசிய உடன்பாடு ஏற்படும் என்று சில மூத்த தலைவர்கள் நம்புகின்றனர்.

இதையும் படிங்க: 15 வருஷத்துல ரூ.150 கோடி சுருட்டல்?! அமித்ஷா குற்றச்சாட்டு! அசாம் சுகாதாரத் துறையில் ஊழல்?

காங்கிரஸ் மாநிலத் தலைவர் பிரவீன் சக்கரவர்த்தி, த.வெ.க. தரப்புடன் இதுதொடர்பாக ஏற்கனவே பேச்சுவார்த்தை நடத்தி வருவதாக தகவல்கள் வெளியாகியுள்ளன.

த.வெ.க.வுடன் கூட்டணி அமைக்க வேண்டும் என்று தமிழகத்தில் தீவிரமாக பாடுபட்டவர்களில் ஒருவர் ராகுல் என்கின்றனர். ஆனால் தற்போது நிலைமை மாறியுள்ளது. தமிழகத்தில் தி.மு.க. – காங்கிரஸ் கூட்டணிக்காக ராகுல் பிரசாரம் செய்வது சந்தேகமே என்று காங்கிரஸ் வட்டாரங்கள் பேசுகின்றன. ஒருவேளை சோனியாவின் வற்புறுத்தலால் அவர் வந்தாலும், ஒன்று அல்லது இரண்டு கூட்டங்களுக்கு மேல் வர வாய்ப்பில்லை என்கின்றனர்.

ராகுல் காந்தி தற்போது கேரளாவில் காங்கிரஸ் ஆட்சியை பிடிக்கும் முயற்சியில் அதிக கவனம் செலுத்தி வருகிறார். விஜயுடன் தமிழகத்தில் கூட்டணி அமைந்திருந்தால், அவரை கேரளா பிரசாரத்துக்கும் பயன்படுத்தலாம் என ராகுல் நினைத்திருந்தார். ஆனால் தற்போது கேரளாவில் இடதுசாரிகள் மீண்டும் ஆட்சியைப் பிடிக்கும் வாய்ப்பு அதிகரித்துள்ளதாக தகவல்கள் வருகின்றன.

தமிழக அரசியல் சூழல் ராகுல் காந்தியின் திட்டங்களுக்கு பெரும் தடையாக அமைந்துள்ளது.

இதையும் படிங்க: பிரதமர் மோடியே பீதியில இருக்காரு! மக்களை பயப்பட வேணாம்னு சொல்றாரு! ராகுல்காந்தி கிண்டல்!