காங், அரைநிர்வாண போராட்டம்! டெல்லி ஏஐ மாநாட்டில் பரபரப்பு! மேலாடையை கழற்றி ஆர்ப்பாட்டம்!

டெல்லி பாரத் மண்டபத்தில் நடைபெற்று வரும் உலகளாவிய செயற்கை நுண்ணறிவு (ஏஐ) மாநாட்டில் அதிர்ச்சி அளிக்கும் சம்பவம் நடந்துள்ளது. இந்த ஆண்டு இந்தியா தலைமையில் நடைபெறும் இந்த மாநாட்டில் ஸ்பெயின் அதிபர் பெட்ரோ சான்செஸ், கிரீஸ் பிரதமர் கிரிகோஸ், இலங்கை அதிபர் அனுரா குமார திசநாயகே, பூட்டான் பிரதமர் ஷேரிங் டோப்கே உள்ளிட்ட உலகத் தலைவர்கள் பங்கேற்றுள்ள நிலையில், காங்கிரஸ் கட்சியைச் சேர்ந்த இளைஞர்கள் திடீரென போராட்டத்தில் ஈடுபட்டனர்.

மாநாட்டு வளாகத்திற்குள் நுழைந்த இளைஞர்கள் தங்கள் மேலாடையை கழற்றிவிட்டு, அமெரிக்கா-இந்திய வர்த்தக ஒப்பந்தத்திற்கு எதிர்ப்பு தெரிவித்து கோஷமிட்டனர். “மோடி அரசு விவசாயிகளை விற்கிறது”, “அமெரிக்காவுக்கு இந்தியாவை தாரை வார்க்காதே” போன்ற முழக்கங்களை எழுப்பியதுடன், பிரதமர் நரேந்திர மோடிக்கு எதிராகவும் கோஷமிட்டனர். இந்த போராட்டம் மாநாட்டு பகுதியில் பெரும் பரபரப்பை ஏற்படுத்தியது.

டெல்லி காவல்துறை உடனடியாக தலையிட்டு போராட்டத்தில் ஈடுபட்ட இளைஞர்களை கைது செய்தது. கைது செய்யப்பட்டவர்கள் மீது சட்ட நடவடிக்கை எடுக்கப்பட்டு வருவதாக காவல்துறை தெரிவித்துள்ளது. போராட்டம் காரணமாக மாநாட்டு பாதுகாப்பு இன்னும் தீவிரப்படுத்தப்பட்டுள்ளது.

இதையும் படிங்க: அமித்ஷா அவதூறு வழக்கு! ராகுல்காந்தி நேரில் ஆஜர்!! வாக்குமூலம் பதிவு! மார்ச்-9ல் அடுத்த விசாரணை!

#WATCH | Delhi: Indian Youth Congress workers staged a topless protest and chanted anti-Modi slogans at Bharat Mandapam

(Source: Indian Youth Congress) pic.twitter.com/WCZgCMwkFZ

— ANI (@ANI) February 20, 2026

காங்கிரஸ் கட்சி தொடர்ந்து அமெரிக்கா-இந்திய வர்த்தக ஒப்பந்தத்திற்கு கடும் எதிர்ப்பு தெரிவித்து வருகிறது. கட்சியின் மூத்த தலைவர் ராகுல் காந்தி, “இந்த ஒப்பந்தம் என்ற பெயரில் இந்திய விவசாயிகளுக்கு துரோகம் இழைக்கப்படுகிறது. அமெரிக்க நிறுவனங்களுக்கு இந்திய சந்தை திறக்கப்படுவதால் உள்ளூர் விவசாயிகள் பாதிக்கப்படுவர்” என்று தொடர்ந்து விமர்சித்து வருகிறார்.

இந்த போராட்டம் ஏஐ மாநாட்டின் உலக கவனத்தை ஈர்த்துள்ளது. உலகத் தலைவர்கள் முன்னிலையில் நடந்த இந்த சம்பவம், இந்தியாவில் வர்த்தக ஒப்பந்தம் குறித்த அரசியல் எதிர்ப்பு எவ்வளவு தீவிரமாக உள்ளது என்பதை வெளிப்படுத்தியுள்ளது.

காங்கிரஸ் இளைஞர்களின் இந்த போராட்டம் சமூக வலைதளங்களில் வைரலாகி பெரும் விவாதத்தை ஏற்படுத்தியுள்ளது. மாநாட்டின் முதல் நாளே இத்தகைய சர்ச்சை ஏற்பட்டது எதிர்கால நிகழ்ச்சிகளில் பாதுகாப்பு இன்னும் தீவிரமாக்கப்படும் என எதிர்பார்க்கப்படுகிறது.

இதையும் படிங்க: 15 நாள்தான் டைம்!! கூட்டணி பேச்சுவார்த்தையை முடிங்க!! மார்ச் -8 எல்லாரும் மேடையேறணும்! ஸ்டாலின் கறார் கண்டிஷன்!