நிதி தர மறுக்கும் மத்திய அரசு..! வஞ்சிக்கப்படும் தமிழ்நாடு... தங்கம் தென்னரசு பகிரங்க குற்றச்சாட்டு..!

இன்று தமிழக சட்டப்பேரவையில் 2026-2027 நிதியாண்டுக்கான இடைக்கால பட்ஜெட் தாக்கல் செய்யப்பட்டுள்ளது. நிதி அமைச்சர் தங்கம் தென்னரசு இந்த நிதிநிலை அறிக்கையை சமர்ப்பித்தார். இது வழக்கமான முழு பட்ஜெட் இல்லை, ஏனென்றால் வரும் ஏப்ரல் அல்லது மே மாதத்தில் சட்டமன்றத் தேர்தல் நடைபெற இருப்பதால், தற்போதைய அரசு குறுகிய கால செலவுகளை மட்டுமே கவனத்தில் கொண்டு இடைக்கால பட்ஜெட்டை தாக்கல் செய்துள்ளது. 

துறைவாரியாக தமிழக அரசு செய்துள்ள சாதனைகள் மற்றும் பல்வேறு திட்டங்களுக்கு நிதி ஒதுக்கீடு செய்யப்பட்டது குறித்து அமைச்சர் தங்கம் தென்னரசு அறிவிப்பினை வெளியிட்டார். சமூக நலத்துறை, பள்ளிக்கல்வித்துறை, உயர்கல்வித்துறை, விளையாட்டு மேம்பாட்டு துறை என துறை ரீதியாக அறிவித்து வெளியிடப்பட்டுள்ளது. தமிழ்நாடு சட்டப்பேரவையில் நிதி அமைச்சர் தங்கம் தென்னரசு அடிக்கடி மத்திய அரசு தமிழகத்திற்கு உரிய நிதியை வழங்க மறுப்பதாகவும், பாரபட்சம் காட்டுவதாகவும் குற்றச்சாட்டுகளை முன்வைத்து உள்ளார்.

மத்திய அரசு பொறுப்பேற்ற திட்டங்களுக்கான நிதியை கூட விடுவிக்க மறுக்கிறார்கள் என்று குற்றம் சாட்டினார். ஒருங்கிணைந்த கல்வி இயக்கத்திற்கு ரூ.3,548 கோடி, ஜல்ஜீவன் திட்டத்திற்கு ரூ.3,112 கோடி நிலுவையில் இருப்பதாக தெரிவித்தார். மத்திய அரசு தர வேண்டிய ரூ.9500 கோடி, நிலுவைக் கடனில் தொடர்ந்து இருந்து வருகிறது என்றும் அமைச்சர் தங்கம் தென்னரசு குறிப்பிட்டார்.

இதையும் படிங்க: முக்கிய துறைகளுக்கு ரூ.11 கோடி கடன்..! இன்ப அதிர்ச்சி கொடுத்த நிதியமைச்சர்..!

சட்டப்பேரவையில் மட்டுமல்லாது பல்வேறு நேரங்களில் மத்திய அரசு தமிழகத்திற்கு தேவையான நிதியை ஒதுக்கவில்லை என்று தொடர்ந்து குற்றம் சாட்டப்பட்டு வருகிறது. பள்ளிக்கல்வித்துறைக்கு நிதி விடுவிக்கப்படவில்லை என தொடர்ந்து குற்றம் சாட்டப்பட்டு வருகிறது. இன்று சட்டப்பேரவையில் பட்ஜெட் தாக்கல் செய்யப்பட்ட போதும் அமைச்சர் தங்கம் தென்னரசு மத்திய அரசின் மீது பகிரங்க குற்றச்சாட்டுகளை முன் வைத்துள்ளது குறிப்பிடத்தக்கது. 

இதையும் படிங்க: தமிழ்நாடு பட்ஜெட்..! மருத்துவ துறைக்கு மாஸ் அறிவிப்பு...! ரூ.22 ஆயிரம் கோடி ஒதுக்கீடு..!