அ.ம.மு.க புதிய நிர்வாகி.. காமராஜ் வகித்த பொறுப்பில் ஆனந்தராஜ் நியமனம் - டிடிவி தினகரன் அதிரடி!

தமிழக வெற்றிக் கழக அரசுக்கு ஆதரவு தெரிவித்த மன்னார்குடி எம்.எல்.ஏ எஸ். காமராஜ் அ.ம.மு.க-விலிருந்து நீக்கப்பட்ட நிலையில், அவர் வகித்து வந்த பொறுப்புகளுக்கு ஆனந்தராஜ் நியமிக்கப்பட்டுள்ளார்.

தமிழக வெற்றிக் கழக அரசுக்கு ஆதரவு தெரிவித்த காரணத்திற்காக மன்னார்குடி எம்.எல்.ஏ முனைவர் எஸ். காமராஜ் அ.ம.மு.க-விலிருந்து இன்று அதிரடியாக நீக்கப்பட்டார். இதனைத் தொடர்ந்து, அவர் வகித்து வந்த கட்சிப் பொறுப்புகளுக்குப் புதிய நிர்வாகியை நியமித்து அக்கட்சியின் பொதுச்செயலாளர் டிடிவி தினகரன் உத்தரவிட்டுள்ளார்.

அ.ம.மு.க தலைமைக் கழகம் வெளியிட்டுள்ள அறிவிப்பின்படி, காமராஜ் வகித்து வந்த மாவட்டக் கழகப் பொறுப்புகள் மற்றும் இதர கட்சிப் பதவிகளுக்கு திரு. ஆனந்தராஜ் அவர்கள் தற்போது நியமிக்கப்பட்டுள்ளார்.

இதையும் படிங்க: இத கட்டாயம் தெரிஞ்சிக்கோங்க... ஆதார் கார்டு வைத்திருப்பவர்களுக்கு ஜாக்பாட்... UIDAI வெளியிட்ட புதிய ரூல்ஸ்...!
இந்த நியமனம் உடனடியாகச் செயல்பாட்டிற்கு வருவதாகவும், கட்சித் தொண்டர்கள் மற்றும் நிர்வாகிகள் புதிய பொறுப்பாளருக்கு முழு ஒத்துழைப்பு வழங்க வேண்டும் என்றும் தினகரன் கேட்டுக்கொண்டுள்ளார்.

சட்டமன்றத்தில் முதலமைச்சர் விஜயைப் புகழ்ந்து பேசிய சில மணி நேரங்களிலேயே காமராஜை அடிப்படை உறுப்பினர் பொறுப்பிலிருந்து நீக்கிய டிடிவி தினகரன், அடுத்த சில நிமிடங்களிலேயே புதிய நிர்வாகியை அறிவித்திருப்பது மன்னார்குடி அரசியல் வட்டாரத்தில் பரபரப்பை ஏற்படுத்தியுள்ளது. காமராஜின் ஆதரவாளர்கள் கட்சியை விட்டுச் செல்லாமல் தடுக்கவே இந்த மின்னல் வேக நியமனம் நடந்திருப்பதாகக் கருதப்படுகிறது.

நாளை நடைபெறவுள்ள நம்பிக்கை வாக்கெடுப்பில் காமராஜ் ‘சுயேச்சை’ உறுப்பினராகவே கருதப்படுவார் என்ற நிலையில், கட்சிக்குள் ஏற்பட்ட விரிசலைச் சரிசெய்யும் முயற்சியில் தினகரன் தீவிரமாக இறங்கியுள்ளார்.

இதையும் படிங்க: ஜோதிடர் ரிக்கி ராதன் பண்டிட் நியமனம் ரத்து செய்.. முதலமைச்சர் விஜய்க்கு சிபிஐ கோரிக்கை!