விஜய் அரசின் Women Power! அமைச்சரவையில் 4 பெண்கள்... எந்தெந்த துறைகள்..?

தமிழ்நாட்டின் 2026 சட்டமன்றத் தேர்தலில் தமிழக வெற்றிக் கழகம் 108 இடங்களில் வெற்றி பெற்று, சி. ஜோசப் விஜய் தலைமையில் புதிய அரசை அமைத்தது. மே 10, 2026 அன்று சென்னையில் நடைபெற்ற பதவியேற்பு விழாவில் முதலமைச்சர் விஜய் உள்ளிட்ட 10 பேர் அமைச்சர்களாகப் பொறுப்பேற்றனர். இந்த அமைச்சரவையில் ஒரே ஒரு பெண் அமைச்சராக செல்வி எஸ். கீர்த்தனா இடம்பெற்று இருந்தார்.

சிவகாசி தொகுதியில் இருந்து முதல் முறையாக எம்.எல்.ஏ.வாகத் தேர்ந்தெடுக்கப்பட்ட 29 வயது இளம் தலைவி செல்வி கீர்த்தனா, தவெக அமைச்சரவையின் ஒரே பெண் உறுப்பினராகவும் இருந்தார். தொடர்ந்து தொழில் துறை இவருக்கு ஒதுக்கப்பட்டது. முதல்வராக ஜோசப் விஜய் முதலமைச்சராக பதவியேற்று சுமார் பத்து நாட்களுக்குப் பிறகு, இன்று அமைச்சரவை விரிவாக்கம் செய்யப்படுகிறது.

சென்னை ஆளுநர் மாளிகையில் காலை 10 மணிக்கு நடைபெறும் பதவியேற்பு விழாவில் 23 புதிய அமைச்சர்கள் பதவிப் பிரமாணம் செய்து கொள்ள உள்ளனர். இதன் மூலம் தவெக அரசு கூட்டணி கட்சிகளுடன் இணைந்து வலுவான ஆட்சியமைப்பை நோக்கி முன்னேறுகிறது.

இதையும் படிங்க: #BREAKING தமிழக அமைச்சர்களாக பதவியேற்க உள்ள 23 பேர் யார்?... வெளியானது அதிகாரப்பூர்வ பட்டியல்...!

கிட்டத்தட்ட 20க்கும் மேற்பட்ட துறைகளாக உயர்கல்வி, வேளாண்மை, வருவாய், போக்குவரத்து, சமூக நலன் உள்ளிட்டவை அமைச்சர்கள் இல்லாமல் இருந்த நிலையில் இந்த விரிவாக்கம் அவசியமானதாக மாறியது. இன்று நடைபெறும் பதவியேற்பு நிகழ்ச்சியில் 3 பெண் MLA-கள் அமைச்சர்களாக பதவியேற்கின்றனர். ராஜபாளையம் தொகுதி MLA ஜெகதீஸ்வரி, அவினாசி தொகுதி MLA கமலி, குமாரபாளையம் தொகுதி MLA விஜயலக்ஷ்மி ஆகியோர் இன்று அமைச்சர்களாக பதவியேற்கின்றனர். ஏற்கெனவே ஒரு பெண் அமைச்சர் பதவியேற்ற நிலையில், தவெக அமைச்சரவையில் 4 பெண் அமைச்சர்கள் இடம்பெற்றுள்ளனர். 

இதையும் படிங்க: தமிழக அமைச்சரவை இன்று விரிவாக்கம்... அமைச்சர்களாக பொறுப்பேற்க போவது யார்?... உத்தேச பட்டியல் இதோ...!