டெல்லி போய் அமித் ஷா காலை...எடப்பாடி பழனிசாமியை விளாசித் தள்ளிய நாஞ்சில் சம்பத்...!

தமிழக வெற்றி கழகம் மூன்றாம் ஆண்டு தொடக்க விழாவை முன்னிட்டு திண்டுக்கல் கிழக்கு மாவட்டத்தின் சார்பாக கொள்கை விளக்கப் பொதுக்கூட்டம் இன்று இரவு திண்டுக்கல் நாகல் நகரில் நடைபெற்றது. இதில் தவெக கழக பரப்புரை செயலாளர் நாஞ்சில் சம்பத்  கலந்து கொண்டு சிறப்புரையாற்றினார். 

கூட்டத்தில் நாஞ்சில் சம்பத் பேசுகையில், ஒரு தனி மனிதனாக பெரியார் அண்ணாவின் கொள்கைகளை பேசி வந்த நான், டிசம்பர் திங்கள் ஐந்தாம் தேதி தமிழ்நாட்டை இனிமேல் காப்பாற்ற வேண்டுமானால் விஜயால் மட்டும்தான் காப்பாற்ற முடியும் என்ற நம்பிக்கையில் இருக்கிறேன். என்னுடைய பேச்சையும் மூச்சையும் 
 தமிழக வெற்றி கழகத்திற்கு தந்தால் ஒரு கோடி இளைஞர்களை தயார் செய்யக்கூடிய வாய்ப்பை நான் பெருவேன் என்று நம்பிக்கையோடு இன்றைக்கு நான் வந்திருக்கிறேன்.

விஜயமங்கலம் கூட்டத்திற்கு 82 நிபந்தனை, சேலம் கூட்டத்திற்கு 52 நிபந்தனை போடுகிறார்கள். உங்கள் கையில் ஆட்சி இருக்கிறது ஆனால், இப்படி ஒரு கூட்டத்தை கூட்ட முடியுமா. 37 சதவீதம் வாக்கு பிரச்சாரம் செய்யாமலே தவெகவிற்கு வருகிறது. கமலஹாசன் டார்ச் லைட்டை எடுத்துக் கொண்டு வந்து தொலைக்காட்சி பெட்டியை உடைத்து திமுகவின் மீது தீவிர எதிர்ப்பு காட்டியது மாதிரி நடித்து இப்பொழுது டார்ச் லைட்டை வைத்துக்கொண்டு அறிவாலயத்திலே கட்சி உயிரோடு இருக்கிறதா என்று தேடிக் கொண்டிருக்கிறார். 

இதையும் படிங்க: விஜயின் அடுத்தகட்ட நகர்வு... நெல்லையில் நிர்வாகிகள் சந்திப்பு நிகழ்ச்சி..! முக்கிய தகவல்..!!

மாவீரன் என்று பெயர் பெற்ற எங்கள் தம்பி பிரபாகரனை அழுக்காக்கிய அயோக்கியன் அவன். எந்த மக்களும் இன்றைக்கும் மகிழ்ச்சியாகவும் மனதிறைவாகவும் இல்லை. ஒரு தேநீர் கடையிலே 9 பேர் கொண்ட கும்பல் தேநீர் அருந்திக்கொண்டிருந்த கும்பலை வெட்டியுள்ளனர்.  தமிழர்களின் உடைமைக்கும் உயிருக்கும் பாதுகாப்பு கொடுக்காத உனக்கு எதற்கு முதலமைச்சர் பதவி.  விமான பணிப்பெண்ணை விமானத்திலேயே பாலியல் வன்கொடுமை செய்கிறார் திமுக கவுன்சிலர் ஒருவர். என்றார். 

மேலும், ஒரு லட்சத்து 29 ஆயிரம் ரூபாய் ஒரு பவுன் தங்கம் இன்னும் கூடும். 1000 ரூபாய் கொடுத்து வெள்ளி மூக்குத்தி வாங்க முடியாத தங்கைகள் ஏராளமானோர் இருக்கின்றனர்.‌ உனக்கு வெள்ளி நாற்காலி கேட்கிறதா? வெள்ளி நாற்காலியில் உட்கார்ந்து விட்டார். தமிழகத்தின் முதலமைச்சர் நாற்காலி விலக போகிறது. 18-19 வயது வாக்காளர்கள் மட்டும்.12 அரை லட்சம் பேர் . அந்த 12 அரை லட்சம் ஓட்டுகளும் விஜய் அவர்களுக்கு தான்.‌ அறிவாலயத்தில் கடலை விக்கிறவன் கிட்ட கூட்டணிக்கு வரியா என திமுகவினர் கேட்டுக் கொண்டிருக்கிறார்கள்.

நான் நாடாளும்  பிரதமரை குறை சொல்லவில்லை. ஏதோ ஹீரோ போல் தன்னை காட்டிக் கொள்கிறார். இஸ்ரேலுக்கு பிரதமர் போகலாமா?. நீ எவ்ளோ பெரிய நல்லவன்.நீ போனவுடன் யுத்தம் வருகிறது என்றால் எவ்வளவு பெரிய கைராசிக்கரான்?. முதல்வர் அவர்களே உங்கள் வீட்டிலும்  எங்களுக்கு ஒரு ஓட்டு இருக்கிறது. திமுகவும் பிஜேபியும்  கள்ளக்கூட்டணி. கண்டுபிடித்து சொன்னவர் என் தலைவன். ஸ்டாலின் அவர்களே விசில் சத்தத்தில் உங்கள் காதே கிழிய போகிறது.

மதுரையில் நடைபெற்ற தேசிய ஜனநாயக கூட்டணி பொதுக் கூட்டத்தில் எடப்பாடி பழனிச்சாமி வைத்துக் கொண்டே பிரதமர் நரேந்திர மோடி தேசிய ஜனநாயக கூட்டணி ஆட்சி அமைக்கும் என கூறுகிறார். இதைக் கேட்டுக் கொண்டு இடித்து வைத்த புளி மாதிரி உட்கார்ந்து இருந்தார் எடப்பாடி பழனிச்சாமி. பாஜக மாநில தலைவர் நயினார் நாகேந்திரன் தமிழக அமைச்சரவையில் பாஜகவை சேர்ந்தவர்கள் அமைச்சராக பங்கேற்பார்கள் கூறுகிறார்.

நயினார் நாகேந்திரனுக்கு  பதில் சொல்ல கூட வக்கு இல்லை எடப்பாடி பழனிச்சாமிக்கு. ஆப்பிளுக்கும் மாம்பழத்திற்கும் வித்தியாசம் தெரியாத வித்தியாசமான ஆள் திண்டுக்கல் சீனிவாசன் ஆப்பிளுக்கும் மாம்பழத்திற்கும் வித்தியாசம் தெரியாத மடையன் சீனிவாசன். முன்னாள் மறைந்த நிதி அமைச்சர் அருண்சேட்லி போயஸ் கார்டனுக்கு ஜெயலலிதாவை பார்க்க வந்தார் அப்பொழுது அண்ணா திமுகவுடன் கூட்டணி வைக்க பாஜக விரும்புகிறது என கூறினார். நீ இந்தியாவின் நிதி அமைச்சர் நான்  தமிழ்நாட்டு உடைய முதலமைச்சர் கூட்டணி குறித்து பேச வந்தால் நிலைமை மோசமாகிவிடும் எனக் கூறி வெளிய அனுப்பிவிட்டார் ஜெயலலிதா ஆனால் எடப்பாடி பழனிச்சாமி டெல்லி போய் அமித்ஷாவின் காலை நக்கி விட்டு வருகிறார். தமிழர் வெற்றி கழகத்துடன் சட்டமன்றத் தேர்தலுக்காக தேசியக் கட்சி ஒன்றும்,  மாநிலக் கட்சி ஒன்றும் கூட்டணி வைக்க உள்ளது என பேசினார். 

இதையும் படிங்க: காங்கிரஸ் - தவெக கூட்டணி... தற்கொலைக்கு சமம்..! காங்கிரஸ் மூத்த தலைவர் கோபண்ணா ஆதங்கம்..!!