முதல்வர் விஜயின் தனி தீர்மானம்..! முழு ஆதரவு... கிரீன் சிக்னல் காட்டிய திமுக..!!

முதல்வர் விஜய் கொண்டு வந்த மேகதாது அணை திட்டத்திற்கு எதிரான தீர்மானத்திற்கு திமுக ஆதரவு தெரிவித்துள்ளது. முதல்வர் விஜய் கொண்டு வந்த தீர்மானத்தை வரவேற்பதாக எதிர்க்கட்சித் தலைவர் உதயநிதி ஸ்டாலின் உரையாற்றினார். ஆட்சிக்கு வந்த ஒரு மாதத்திலேயே மேகதாது விவகாரத்தில் முன்னாள் முதலமைச்சர் மு.க. ஸ்டாலின் நடவடிக்கை எடுத்தார் என்று குறிப்பிட்டார். முதலமைச்சர் விஜய் கொண்டு வந்துள்ள தீர்மானத்தை மனதார வரவேற்பதாகவும் கூறியுள்ளார். கடந்த ஆட்சியில் கூட்டணியில் இருந்தாலும் கர்நாடகா அரசின் செயல்பாட்டை கடுமையாக எதிர்த்தோம் என்றும் தெரிவித்துள்ளார்.

அனைத்து கட்சி கூட்டம் கூட்டி மத்திய நீர்வளத்துறை அமைச்சரை நேரில் சந்தித்து வலியுறுத்தியதாகவும் தெரிவித்தார். மேகதாது அணைக்கு ஆயிரம் கோடி ரூபாய் ஒதுக்கிய போதும் தாங்கள் அதனை தொடர்ந்து எதிர்த்ததாகவும் குறிப்பிட்டுள்ளார். தொடர்ந்து மேகதாது ஆணை விவகாரத்தில் திமுக ஆட்சியில் எடுக்கப்பட்ட நடவடிக்கைகளை பட்டியலிட்டு உதயநிதி ஸ்டாலின் பேசினார். 2021 ஜூன் மாதமே மேகதாது அணைக்கு எதிராக பிரதமருக்கு கடிதம் எழுதப்பட்டதாகவும், ஜூலை மாதம் ஜல்சக்தி அமைச்சருக்கு கடிதம் எழுதப்பட்டதாகவும் தெரிவித்துள்ளார்.

திமுக அரசின் தொடர்ச்சியான முயற்சிகளால் தான் மேகதாது திட்ட அறிக்கை திருப்பி அனுப்பி வைக்கப்பட்டதாகவும் கூறியுள்ளார். தொடர்ந்து பேசிய உதயநிதி ஸ்டாலின், தமிழக விவசாயிகளின் வாழ்வாதாரத்தை அழிக்க முயற்சிக்கும் மேகதாது அணைக்கு எதிர்ப்பு தெரிவிப்பது திமுகவின் நிலைப்பாடு என்று குறிப்பிட்டுள்ளார். காவிரி விவகாரத்தில் உச்சநீதிமன்ற தீர்ப்புக்கு திமுக சட்ட போராட்டமே காரணம் என்பதை அனைவரும் அறிவார்கள் என்பதையும் குறிப்பிட்டுள்ளார்.

இதையும் படிங்க: யோக்கிதையே இல்ல..! இது ஜனநாயக சோஃபா... அமைச்சர் அருண்ராஜ் விளாசல்..!

கூட்டணியில் இருந்த போதே கர்நாடகாவின் செயல்பாட்டை எதிர்த்ததாகவும் கூறினார். காவிரி நதிநீர் தொடர்பாக புதிய நடுவர் மன்றம் அமைக்க மத்திய அரசை வலியுறுத்த வேண்டும் என்று உதயநிதி ஸ்டாலின் கேட்டுக்கொண்டார். காவிரி மேலாண்மை ஆணையத்தில் பேசி, நமக்கான காவிரி நீரை பெற்றுத் தர வேண்டும் என்று கூறினார். தனி தீர்மானத்தை டெல்லிக்கு நேரில் கொண்டு சென்று கொடுக்க வேண்டும் என்று கேட்டுக் கொண்டார். 

இதையும் படிங்க: சென்னை உயர் நீதிமன்றத்தில் முக்கிய தீர்ப்பு..! முதல்வர் விஜய், உதயநிதிக்கு எதிரான வழக்குகள் தள்ளுபடி..!!