தவெக - பாஜக இடையே ரகசிய உடன்பாடு..? எப்ப பேசுவாரு முதல்வர் விஜய்..? உதயநிதி சரமாரி கேள்வி..!

தமிழக வெற்றி கழக அரசு பொறுப்பேற்றுள்ள நிலையில் 17 வது சட்டப்பேரவை கூட்டத்தொடர் இன்று நடைபெற்றது. சென்னை தலைமைச் செயலகத்தில் காலை 10 மணி அளவில் தொடங்கிய இந்த கூட்டத்தில் ஆளுநர் அர்லேகர் உரை நிகழ்த்தினார். கடந்த சில ஆண்டுகளாக ஆளுநர் உரை நிகழ்த்தாமல் வந்தது பேசு பொருளாக மாறிய நிலையில் தற்போது ஆளுநர் உரையை வாசித்து முடித்தார். 

ஆளுநர் இன்று உரை நிகழ்த்தியது தொடர்பாக எதிர் கட்சி தலைவர் உதயநிதி ஸ்டாலின் செய்தியாளர்களை சந்தித்து பேசினார். அப்போது, தவெக - பாஜக இடையே ரகசிய உடன்பாடு ஏற்பட்டுள்ளது என்று எண்ண தோன்றுவதாக கூறினார். திமுக அரசின் சாதனைகள் மற்றும் கொள்கைகளைதான் தமிழக வெற்றி கழக அரசு ஸ்டிக்கர் ஒட்டி இருப்பதாக விமர்சித்தார். தமிழக வெற்றிக்கழக அரசின் தோல்வியை திமுக மீது போட்டு இருப்பதாக கூறியுள்ளார். 

திமுக அரசின் நிர்வாகம் சரியில்லை என்றால் எப்படி திட்டங்களை செயல்படுத்திருக்க முடியும் என்றும் உதயநிதி ஸ்டாலின் கேள்வி எழுப்பி இருக்கிறார். நான் முதல்வன் திட்டத்தின் பெயர் மாற்றப்பட்டதை உதயநிதி ஸ்டாலின் விமர்சனம் செய்தார்.

இதையும் படிங்க: வாய திறங்க CM..! கதறல் கேக்குதா..? கருப்பு பேட்ஜ் அணிந்து திமுக எம்எல்ஏக்கள் போராட்டம்..!!

முதல்வன் என்றாலே மு.க.ஸ்டாலின் பெயர் நினைவுக்கு வரும் என்பதால் பெயரை மாற்றி உள்ளனர் என்றார். கண்ணாடியை பார்த்துக்கொண்டு முதல்வர் விஜய் பேசிக் கொண்டிருப்பதாகவும் எப்போது உண்மையான பிரச்சனைகள் குறித்து பேசுவார் எனவும் கேள்வி எழுப்பினார். ஒரு மாதத்தில் 175 பாலியல் வன்கொடுமைகள் நடைபெற்ற இருப்பதாக குறிப்பிட்ட உதயநிதி ஸ்டாலின் குற்றச் செயல்களில் ஆளுங்கட்சியினரே ஈடுபடுவதாக குறிப்பிட்டுள்ளார். 

இதையும் படிங்க: "வெள்ளை அறிக்கை தவெகவின் எஸ்கேப்பிசம்"..! வெளுத்து வாங்கிய தங்கம் தென்னரசு..!!