Breaking News! விஜய்க்கு க்ரீன் சிக்னல் கொடுத்த திருமாவளவன்!! ஆதவ் கையில் ஆதரவு பத்திரம்?

சென்னை: தமிழக சட்டமன்றத் தேர்தல் முடிவுகளுக்குப் பின் அரசியல் களம் இறுதிக் கட்டத்தை நெருங்கியுள்ளது. தமிழக வெற்றிக் கழகம் (த.வெ.க.,) 108 தொகுதிகளில் வெற்றி பெற்ற நிலையில், காங்கிரஸ், இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகளின் ஆதரவுடன் 116 எம்.எல்.ஏ.க்களின் பலத்தைப் பெற்றுள்ளது. ஆட்சி அமைக்க இன்னும் 2 எம்.எல்.ஏ.க்கள் தேவைப்படும் நிலையில், விடுதலை சிறுத்தைகள் கட்சியின் (வி.சி.க.,) முடிவு மிக முக்கியமானதாக மாறியுள்ளது.

வி.சி.க., தலைவர் தொல். திருமாவளவன் இன்று மாலை 4 மணிக்கு த.வெ.க.,வுக்கு ஆதரவா? என்பது தொடர்பாக தனது இறுதி நிலைப்பாட்டை அறிவிக்கவுள்ளார். இந்நிலையில், த.வெ.க., தேர்தல் மேலாண்மை பொதுச் செயலர் ஆதவ் அர்ஜுனா, திருமாவளவன் தங்கியுள்ள மீனம்பாக்கம் அருகிலான தனியார் ஓட்டலுக்கு வந்துள்ளார். வி.சி.க.,வின் ஆதரவுக் கடிதத்தைப் பெறுவதற்காக அவர் வருகை தந்திருக்கலாம் என தகவல்கள் வெளியாகியுள்ளன.

தகவலின்படி, வி.சி.க., தலைவர் திருமாவளவன் த.வெ.க.,வுக்கு நிபந்தனையற்ற ஆதரவு அளிக்க முடிவு செய்துள்ளதாகக் கூறப்படுகிறது. இந்த ஆதரவு உறுதியானால், த.வெ.க., 118 எம்.எல்.ஏ.க்களுடன் ஆட்சி அமைக்கும் நிலை உருவாகும்.

இதையும் படிங்க: ஆட்சி அமைப்பதற்கான வாய்ப்பு தவெகவுக்கே உள்ளது! கம்யூனிஸ்ட் கட்சியில் இருந்து வந்த ஆதரவுக் குரல்!

தேர்தல் முடிவுகளுக்குப் பின் த.வெ.க., தலைவர் விஜய் தொடர் ஆலோசனைகளில் ஈடுபட்டு வரும் நிலையில், வி.சி.க.,வின் முடிவு தமிழக அரசியலை தீர்மானிக்கும் முக்கிய திருப்புமுனையாகப் பார்க்கப்படுகிறது. ஏற்கெனவே காங்கிரஸ் மற்றும் இரு கம்யூனிஸ்ட் கட்சிகளின் ஆதரவைப் பெற்றுள்ள த.வெ.க., வி.சி.க., ஆதரவுடன் பெரும்பான்மைக்கு அருகில் செல்லும் என எதிர்பார்க்கப்படுகிறது.

தமிழகம் முழுவதும் அரசியல் தொண்டர்கள், பொதுமக்கள் மாலை 4 மணிக்காக பெரும் எதிர்பார்ப்புடன் காத்திருக்கின்றனர். வி.சி.க., ஆதரவு அளித்தால் த.வெ.க., ஆட்சி அமைப்பது உறுதியாகும் என அரசியல் பார்வையாளர்கள் கருதுகின்றனர். மறுபுறம், எந்த முடிவு வந்தாலும் அது தமிழக அரசியல் சமன்பாட்டை பெரிதும் பாதிக்கும் என்பதில் சந்தேகமில்லை.

இன்று மாலை 4 மணிக்குப் பிறகு தமிழகத்தின் அடுத்த அரசியல் அத்தியாயம் தொடங்கும் என அனைத்துத் தரப்பினரும் உற்று நோக்கி வருகின்றனர். 

இதையும் படிங்க: நாமதான் ஆட்சி அமைப்போம்! உறுதியா இருங்க!! தவெக எம்.எல்.ஏ-க்களுக்கு தைரியம் சொன்ன மூத்த நிர்வாகிகள்!