காங்கிரஸே வந்தாலும் வேணாம்! மோடியை சமாளிக்க முடியாது! புது ரூட்டில் தவெக!! விஜய் எடுத்த மாஸ்டர் மூவ்!

தமிழகத்தில் 2026 சட்டமன்றத் தேர்தல் நெருங்கி வரும் நிலையில், நடிகர் விஜய் தலைமையிலான தமிழக வெற்றிக் கழகம் (தவெக) அரசியல் களத்தில் பெரும் எதிர்பார்ப்பை ஏற்படுத்தியுள்ளது. காங்கிரஸ் கட்சி தவெகவுடன் கூட்டணி அமைக்க ரகசிய சிக்னல்களை அனுப்பி வருவதாக தகவல்கள் வெளியாகியுள்ளன. ஆனால் விஜய் இந்த அழைப்பை ஏற்க தயங்குவதாக அரசியல் வட்டாரங்கள் கூறுகின்றன.

காங்கிரஸுடன் கூட்டணி வைப்பது விஜய்க்கு 'மதச்சார்பற்ற' பிம்பத்தை கொடுத்தாலும், பிரதமர் நரேந்திர மோடியின் கோபத்திற்கு ஆளாக நேரிடும் என்ற அச்சம் அவரை பின்வாங்கச் செய்கிறது. பாஜக தலைமை, மாநில கட்சிகள் காங்கிரஸுடன் இணைந்து அதற்கு புத்துயிர் கொடுப்பதை விரும்பவில்லை. 

விஜய்யின் அரசியல் பயணம் ஆரம்பத்திலிருந்தே திராவிட கட்சிகளுக்கு மாற்றாக 'மூன்றாவது சக்தி'யாக உருவெடுப்பதை நோக்கமாக கொண்டுள்ளது. இந்நிலையில் காங்கிரஸுடன் கூட்டணி வைப்பது மத்தியில் ஆளும் பாஜகவுக்கு எதிரான நேரடி சவாலாக மாறும். தற்போது அரசியலை தொடங்கியிருக்கும் விஜய், ஆரம்பத்திலேயே மத்திய அரசின் பகையை சம்பாதிப்பது தற்கொலைக்கு சமம் என்று அவரது ஆலோசகர்கள் கருதுகின்றனர்.

இதையும் படிங்க: ஐயாவுக்கும், அண்ணியாருக்கும் கதவை திறக்காத விஜய்! கேட்டை இழுத்து சாத்திய தவெக!! புது தேர்தல் கணக்கு?!

மேலும் விஜய்க்கு எதிரான சட்ட சிக்கல்களும் முக்கிய காரணியாக உள்ளன. அவருக்கு சொந்தமான இடங்களில் வருமான வரித் துறை சோதனை நடத்தியது, பழைய வரி ஏய்ப்பு வழக்குகள், 1.5 கோடி ரூபாய் அபராத தொடர்பான நீதிமன்ற தீர்ப்பு ஆகியவை அவருக்கு அழுத்தம் கொடுத்து வருகின்றன. 

கரூர் மாநாட்டில் ஏற்பட்ட கூட்ட நெரிசலால் உயிரிழப்பு ஏற்பட்டது தொடர்பாக சிபிஐ விசாரணை நடைபெற்று வருகிறது. காங்கிரஸுடன் கூட்டணி வைத்தால் சிபிஐ, வருமான வரித் துறை போன்ற மத்திய அமைப்புகள் தவெக மீது இன்னும் கடுமையான நடவடிக்கை எடுக்கலாம் என்ற அச்சம் கட்சி வட்டாரத்தில் நிலவுகிறது.

காங்கிரஸை தள்ளி வைப்பதன் மூலம் மத்திய அரசின் நேரடி தாக்குதலில் இருந்து ஓரளவு தப்பிக்கலாம் என்ற கணக்கு விஜயிடம் இருப்பதாக தெரிகிறது. எனவே சிவப்பு கம்பளம் விரித்து அழைத்தாலும், தனிப்பட்ட பாதுகாப்பு மற்றும் அரசியல் எதிர்காலத்தை கருதி விஜய் "வேண்டாம்" என்று சொல்வதற்கே அதிக வாய்ப்பு உள்ளது. தேசிய கட்சிகளின் நிழலில் வளருவதை விட, தனது சொந்த பலத்தில் நின்று மோதுவதே சிறந்தது என்ற முடிவுக்கு அவர் வந்திருக்கலாம்.

இந்த அமைதி மற்றும் தயக்கம், விஜய் தமிழகத்தில் தனி பாதையை உருவாக்க விரும்புவதை தெளிவாக காட்டுகிறது. 2026 தேர்தலில் இந்த வியூகம் வெற்றியை தருமா அல்லது பின்னடைவை ஏற்படுத்துமா என்பதை வரும் நாட்களே சொல்லும்.

இதையும் படிங்க: வாங்குறப்போ இருந்த ஆர்வம் கொடுக்குறதுல இல்லையே?! தவெகவில் திரும்பி வராத விருப்பமனுக்கள்! குழப்பத்தில் விஜய்!!