சி.எம்.சார் இதுக்கு உங்க பதில் என்ன?... விருதுநகரில் நெசவாளர்கள் மாஸாக கூடி எடுத்த அதிரடி முடிவு...!

கூலி உயர்வு மற்றும் நிவாரணம் வழங்க கோரி ஸ்ரீவில்லிபுத்தூரில் நெசவாளர்கள் தொடர் போராட்டத்தில் ஈடுபட்டு வரும் நிலையில் கண்டு கொள்ளாத தமிழக அரசை  கண்டித்து நெசவாளர்கள் அறப்போராட்டத்தில் ஈடுபட்டனர். தங்களின் போராட்டத்தை ஊர் மக்களுக்கு தெரிவிக்கும் வகையில் ரத வீதிகளில் ஊர்வலம் சென்ற நெசவாளர்கள்.

கூலி உயர்வு மற்றும் நிவாரணம் வழங்க கோரி ஸ்ரீவில்லிபுத்தூரில் நெசவாளர்கள் தொடர் போராட்டத்தில் ஈடுபட்டு வரும் நிலையில் கண்டு கொள்ளாத தமிழக அரசை  கண்டித்து நெசவாளர்கள் அறப்போராட்டத்தில் ஈடுபட்டனர். தங்களின் போராட்டத்தை ஊர் மக்களுக்கு தெரிவிக்கும் வகையில் ரத வீதிகளில் ஊர்வலம் சென்ற நெசவாளர்கள்.

விருதுநகர் மாவட்டம் ஶ்ரீவில்லிபுத்தூர் நகரில் 6 நெசவாளர் கூட்டுறவு உற்பத்தி மற்றும் விற்பனை சங்கங்கள் மூலம் 3000-க்கும் மேற்பட்ட பெடல் தறிகளில் பிரதானமாக பொங்கல் தொகுப்பில் அரசு வழங்கும் சேலை  நெசவு செய்யப்பட்டு வருகிறது. 2027 பொங்கல் பண்டிகைக்கு அறிமுகப்படுத்தப்பட்ட பார்டர் உடன் கூறிய புதிய ரக சேலைக்கு கூலி நிர்ணயம் செய்ய வேண்டும். 4மாத கால வேலை இழப்புக்கு நிவாரணம் வழங்க வேண்டும். 
இருப்பில் உள்ள பழைய ரக சேலைகளை கொள்முதல் செய்ய வேண்டும் நெசவாளர்களின் 17 அம்ச கோரிக்கைகளை நிறைவேற்ற வேண்டும் என்று தமிழக அரசுக்கு கோரிக்கை விடுத்துள்ளனர். மேற்படி கோரிக்கைகளை வலியுறுத்தி ஸ்ரீவில்லிபுத்தூரில் உள்ள ஸ்ரீவில்லிபுத்தூர் மாயாண்டிபட்டி தெரு, நந்தவனத் தெரு, கீழப்பட்டி, முதலியார்பட்டி தெருவில் உள்ள நெசவாளர் கூட்டுறவு சங்கங்கள் முன் கஞ்சித் தொட்டி திறந்தும், பிச்சை எடுத்தும்,சாலை மறியலில் ஈடுபட்டும் கடந்த 10 நாட்களாக நெசவாளர்கள் தொடர் போராட்டத்தில் ஈடுபட்டு வருகின்றனர்.

இதையும் படிங்க: காமராஜர் படித்த பள்ளிக்கு வரும் முதல்வர் விஜய்? விருதுநகரில் தீவிர ஏற்பாடுகள்!! மதுரைக்கு விசிட்?! எகிறும் எதிர்பார்ப்பு!

இலையில் தொடர்ந்து நெசவாளர்களை இந்தப் போராட்டம் குறித்தும் நெசவாளர்களின் கோரிக்கை குறித்தும், ஸ்ரீவில்லிபுத்தூர் தொகுதி தமிழக வெற்றி கழகம் சட்டமன்ற உறுப்பினர் கார்த்திக், மற்றும் அரசு அதிகாரிகள் கண்டுகொள்ளவில்லை எனவும் நெசவாளர்களிடம் பேச்சுவார்த்தைக்கு கூட வரவில்லை என குற்றம் சாட்டினர். மேலும் தமிழக அரசு நெசவாளர்களின் 17 அம்ச கோரிக்கைகளை நிறைவேற்ற வலியுறுத்தி இன்று ஆயிரத்துக்கு மேற்பட்ட நெசவாளர்கள் ஊர்வலமாக சென்று தெற்கு ரத வீதியில் உள்ள ஸ்டேட் பேங்க் முன்பு  அறப்போராட்டத்தில் ஈடுபட்டனர். 

இந்த அறப்போராட்டத்தில் சட்டமன்ற உறுப்பினர் அரசு அதிகாரிகளுக்கு எதிராக கண்டன கோஷங்களை எழுப்பினர் தமிழக அரசு தலையிட்டு நெசவாளர்களின் வாழ்வாதாரத்தை பாதுகாத்து 17 அம்ச கோரிக்கைகளை நிறைவேற்ற வேண்டும் என வேண்டுகோள் விடுத்துள்ளனர்.

மேலும் தங்களின் போராட்டத்தை ஸ்ரீவில்லிபுத்தூர் நகர் பொதுமக்களுக்கு தெரிவிக்கும் வகையில் நெசவாளர்கள் அனைவரும் நகையின் முக்கிய வீதிகள் மற்றும் ரத வீதிகள் வழியாக ஊர்வலமாக சென்றனர் என்பது குறிப்பிடத்தக்கது.

இது குறித்து மீனாட்சி என்ற நெசவாளர் கூறுகையில் தங்களுக்கு தாலிக்கு தங்கம் வேண்டாம், தாய்மாமன் சீர் வேண்டாம், நியாயமான கூலி வழங்கினால் மட்டுமே போதுமானது என்றும் சட்டமன்ற உறுப்பினர்களும், அமைச்சர்களும் லட்சக்கணக்கில் சம்பளம் வாங்கும் நிலையில தங்களுக்கான ஒரு நாள் கூலி 250 ரூபாய் கொடுப்பதற்கு முதலமைச்சருக்கு ஏன் மனம் வரவில்லை என்றும் தங்களுக்கான நியாயமான கூலியை விரைவில் வழங்க வேண்டும் என்று கூறினார்.

இது குறித்து ஆதிலட்சுமி என்ற நெசவாளர்  கடந்த ஒரு வாரத்திற்கு மேலாக தாங்கள் போராட்டத்தில் ஈடுபட்டு வரும் நிலையில் தற்போது வரையில் ஸ்ரீவில்லிபுத்தூர் தமிழக வெற்றி கழகத்தின் சட்டமன்ற உறுப்பினர் கார்த்திக் தங்களை சந்தித்து பேச்சு வார்த்தை நடத்தவில்லை என்றும் தங்கள் அருகில் இருக்கக்கூடிய இராஜபாளையத்தை சேர்ந்த அமைச்சரும் தங்களின் போராட்டத்தை கண்டு கொள்ளவில்லை என்றும் இதனால் வெறும் நீர் மட்டும் உணவாக அருந்தி தங்கள் ஒரு வாரமாக பெரும் கஷ்டத்திற்கு ஆளாகி வருவதாகவும் ஆகையால் தங்களுக்கான கூலி உயர்வை அரசாங்கம் அறிவிக்க வேண்டும் என்று  கேட்டுக் கொண்டார்.

இதையும் படிங்க: விருதுநகர் பட்டாசு ஆலை விபத்து... தலா ரூ.4 லட்சம் நிவாரணம்! முதலமைச்சர் ச. ஜோசப் விஜய் அறிவிப்பு!