தமிழக பாஜகவை வேவு பார்க்கும் டெல்லி SPY!! தாமரை மலராதது ஏன்? கோட்டை விடுவது யார்? அலசல்!
தமிழக பாஜவின் நிலை கவலைப்படும் விதமாக இருப்பது ஏன் என்று பாஜ மேலிடம் சிந்திக்க ஆரம்பித்து விட்டது.
by
தமிழகத்தில் பாரதிய ஜனதா கட்சி (பாஜக) செல்வாக்கு அதிகரித்தாலும் தேர்தல் வெற்றி கிடைக்காததற்கான உண்மை காரணங்களை கண்டுபிடிக்க பாஜக மேலிடம் ரகசிய சர்வே நடத்தி வருகிறது. இதற்கு மஹாராஷ்டிரா மற்றும் கர்நாடகாவைச் சேர்ந்த பாஜக விசுவாசிகளை பயன்படுத்தி வருவது கட்சி வட்டாரத்தில் பெரும் பரபரப்பை ஏற்படுத்தியுள்ளது.
பிரதமர் நரேந்திர மோடி தலைமையில் மூன்றாவது முறை மத்தியில் பாஜக ஆட்சி நடக்கிறது. தமிழகம் தவிர அனைத்து மாநிலங்களிலும் பாஜக செல்வாக்கு அதிகரித்துள்ளது. கேரளாவில் திருவனந்தபுரம் மாநகராட்சி, மஹாராஷ்டிராவில் மும்பை மாநகராட்சி போன்றவை பாஜக கைப்பற்றியுள்ளது.
ஆனால் தமிழகத்தில் பாஜக வளர்ச்சி தடைபட்டுள்ளது. கடந்த சட்டசபை தேர்தலில் 4 தொகுதிகளில் வெற்றி பெற்றதற்கு அதிமுக கூட்டணியே முக்கிய காரணம் என்று பாஜக வட்டாரங்கள் கூறுகின்றன.
இதையும் படிங்க: பாஜகவில் அண்ணாமலைக்கு புதிய பொறுப்பு!! நயினார் நாகேந்திரன் வெளியிட்ட அறிவிப்பு! தொண்டர்கள் உற்சாகம்!
தமிழக மக்களிடம் ஆன்மிக உணர்வு அதிகம். திமுக ஆட்சியில் வாரிசு அரசியல், அனைத்து துறைகளிலும் ஊழல் போன்றவை உள்ளன. இவற்றை பயன்படுத்தி திமுகவை வீழ்த்தி பாஜகவை வளர்க்க அனைத்து வாய்ப்புகளும் இருந்தும், கட்சி நிலை கவலைக்குரியதாக இருப்பது ஏன் என்று பாஜக மேலிடம் சிந்திக்கத் தொடங்கியுள்ளது.
சில முக்கிய நிர்வாகிகள், மாவட்டத் தலைவர்கள் மக்களுடன் தொடர்பில்லாமல், டெல்லி மேலிட உத்தரவுகளை கண்துடைப்புக்கு மட்டும் செய்வதே முக்கிய காரணம் என்று புகார்கள் சென்றுள்ளன.
இதனால் தமிழகத்தில் பாஜக வளர்ச்சிக்கு முட்டுக்கட்டையாக இருப்பது எது என்று கள நிலவரம் அறிய மஹாராஷ்டிரா, கர்நாடகா பாஜகவினரை ஈடுபடுத்தியுள்ளது மேலிடம். இவர்கள் சுற்றுலாப் பயணிகள் போல் பல இடங்களுக்குச் சென்று மக்களுடன் பேசி, பாஜக மீதான எண்ணங்களை சேகரித்து அனுப்பி வருகின்றனர்.
கட்சி நிர்வாகிகளில் கோஷ்டி அரசியல் செய்பவர்கள் யார், கட்சியை வளர்க்காமல் தங்களை முன்னிலைப்படுத்துபவர்கள் யார் என்ற விவரங்களையும் சேகரிக்கின்றனர்.
இந்த ரிப்போர்ட் அடிப்படையில் வழக்கமான இடங்களைத் தவிர்த்து புதிய இடங்களில் பிரதமர் மோடி, உள்துறை அமைச்சர் அமித் ஷா போன்றோரின் சுற்றுப்பயணங்கள் திட்டமிடப்படும் என்று பாஜக வட்டாரங்கள் தெரிவிக்கின்றன. தமிழகத்தில் பாஜகவை வலுப்படுத்த இந்த சர்வே முடிவுகள் பெரும் மாற்றத்தை ஏற்படுத்தும் என எதிர்பார்க்கப்படுகிறது. 2026 சட்டசபை தேர்தலில் பாஜக எப்படி அணுகும் என்பது இப்போது பெரும் எதிர்பார்ப்பாக உள்ளது.
இதையும் படிங்க: பாஜக வசூல் வேட்டை! காங்கிரசை விட 10 மடங்கு அதிக நிதி வசூல்! தேர்தல் அறக்கட்டளை மூலம் வாரி சுருட்டியது இவ்ளோவா?
