ஜப்பான் ஓபனில் பி.வி.சிந்து வரலாற்று சாதனை! சாம்பியன் பட்டம் வென்ற வீராங்கனைக்கு பிரதமர் மோடி வாழ்த்து!

ஜப்பான் ஓபன் 2026 பேட்மிண்டன் (Japan Open 2026 Badminton) தொடரின் மகளிர் ஒற்றையர் பிரிவில் இந்தியாவின் நட்சத்திர வீராங்கனை பி.வி.சிந்து (P. V. Sindhu) சாம்பியன் பட்டம் வென்று அசாத்திய சாதனை படைத்துள்ளார். ஜப்பான் ஓபன் வரலாற்றிலேயே பட்டம் வெல்லும் முதல் இந்தியப் பிளேயர் என்ற புதிய வரலாற்றுச் சாதனையை அவர் நிகழ்த்தியுள்ளார். சிந்துவின் இந்த இமாலய வெற்றிக்கு இந்தியப் பிரதமர் நரேந்திர மோடி தனது எக்ஸ் (ட்விட்டர்) பக்கத்தில் நெஞ்சார்ந்த வாழ்த்துகளைத் தெரிவித்துப் பாராட்டியுள்ளார்.

பிரதமர் மோடி விடுத்துள்ள வாழ்த்துச் செய்தியில் குறிப்பிட்டுள்ளதாவது, இந்திய பேட்மிண்டன் வரலாற்றில் இது ஒரு மிக முக்கிய வரலாற்றுச் சாதனை! ஜப்பான் ஓபன் 2026 தொடரில் சாம்பியனாக உருவெடுத்துள்ள பி.வி.சிந்துவிற்கு எனது மனமார்ந்த நல்வாழ்த்துகள். இந்தத் தொடர் முழுவதும் அவரது அசாத்திய மன உறுதியும், அபாரமான ஆட்டத் திறனும் மிகச் சிறப்பாக வெளிப்பட்டன.

இதையும் படிங்க: பிரதமர் மோடிக்கு 'Guardian of the Blue Horizon' பட்டம் வழங்கி சீஷெல்ஸ் அரசு கௌரவம்!

இந்த உயரிய பட்டத்தை வெல்லும் முதல் இந்திய வீராங்கனை பி.வி.சிந்து தான் என்பது இந்த ஒட்டுமொத்தப் பெருமையையும் இன்னும் சிறப்பானதாக மாற்றுகிறது. இந்த வரலாற்றுச் சிறப்புமிக்க வெற்றி, நம் நாடு முழுவதும் உள்ள எண்ணற்ற இளம் விளையாட்டு வீரர்களை விளையாடவும், சர்வதேச அரங்கில் ஜொலிக்கவும் நிச்சயம் பெரிய அளவில் உத்வேகம் அளிப்பதாக அமையும்.

ஜப்பான் ஓபன் தொடரின் இறுதிப் போட்டியில் தனது அசாத்திய ஆட்டத்தால் எதிரணியை வீழ்த்தித் தங்கம் வென்ற பி.வி.சிந்துவிற்கு, விளையாட்டு உலகினரும் ஒட்டுமொத்த இந்திய ரசிகர்களும் தங்களது வாழ்த்து மழையைப் பொழிந்து சமூக வலைத்தளங்களில் கொண்டாடி வருகின்றனர்.

இதையும் படிங்க: நெல் மூட்டைக்கு 50 ரூபாய் லஞ்சம் ஊழியர் சஸ்பெண்ட்! கடலூரில் அமைச்சர் வெங்கடரமணன் அதிரடி!