பிணையில் வந்ததும் அட்ராசிட்டி... பட்டாக்கத்தியுடன் டான்ஸ்... 16 வயது சிறுவர்கள் மீண்டும் கைது...!

இளம் சிறுவர்கள் பட்டாக்கத்தியுடன் நடனமாடி சமூக ஊடகங்களில் வீடியோக்களை வெளியிடும் போக்கு, சமீப காலமாக சமூகத்தில் பெரும் கவலையை ஏற்படுத்தியுள்ளது. இது வெறும் பொழுதுபோக்கு அல்ல, மாறாக சமூகத்தின் ஆழமான சீர்கேட்டை பிரதிபலிக்கும் ஒரு அறிகுறி.

சமூக ஊடக தளங்களான இன்ஸ்டாகிராம் ரீல்ஸ், யூடியூப் ஷார்ட்ஸ் போன்றவை இளைஞர்களுக்கு உடனடி புகழையும் லைக்ஸையும் தருவதால், ஆபத்தான செயல்களை அவர்கள் துணிந்து செய்கின்றனர். பட்டாக்கத்தி அல்லது அரிவாள்மனை போன்ற கூர்மையான ஆயுதங்களை வைத்துக்கொண்டு நடனமாடுவது, தமிழ்நாட்டின் சில பகுதிகளில் காணப்படும் ஒரு போக்கு.

இது திரைப்படங்களில் வரும் 'மாஸ்' காட்சிகளை பின்பற்றுவதாகத் தொடங்கி, வைரலாகும் நோக்கில் வீடியோக்களாக மாறுகிறது. ஆனால் இதன் விளைவுகள் கொடூரமானவை. சமீபத்தில் திருத்தணி அருகே நடந்த சம்பவம் இதற்கு உதாரணம்… ரயிலில் கத்தியுடன் ரீல்ஸ் எடுத்த இளம் சிறுவர்கள் குழு, ஒரு வடமாநில தொழிலாளியை தடுக்க முயன்றவரை கொடூரமாக தாக்கினர். அந்த தாக்குதலின் வீடியோவையே அவர்கள் பதிவு செய்து வெளியிட்டது, வன்முறையை கொண்டாடும் மனநிலையை காட்டுகிறது.இத்தகைய செயல்கள் சமூக சீரழிவுக்கு வழிவகுக்கின்றன.

இதையும் படிங்க: மீண்டும் ஒரு நிர்பயா சம்பவம்... லபாலியல் வன்கொடுமை செய்து ரோட்டில் வீசிய கொடூரம்...!

முதலில், இளம் சிறுவர்கள் ஆயுதங்களை விளையாட்டுப் பொருளாக கருதுவதால், வன்முறை அவர்களது அன்றாட வாழ்வில் இயல்பாகிறது. இது எதிர்காலத்தில் குற்றச்செயல்களுக்கு வித்திடலாம். இந்த நிலையில், தாம்பரம் அருகே ரங்கநாதபுரம் குடியிருப்பு பகுதியில், கொலை முயற்சி வழக்கில் சீர்திருத்தப் பள்ளியில் அடைக்கப்பட்டு, பிணையில் வந்த 16 வயது சிறார்கள் இருவர், புத்தாண்டு அன்று கையில் பட்டாக் கத்தியுடன் நடனமாடி இன்ஸ்டாகிராமில் வீடியோ வெளியிட்டு உள்ளனர்.

இந்த வீடியோ காட்சிகளை அடிப்படையாகக் கொண்டு இருவரையும் போலீசார் கைது செய்து விசாரணை நடத்தி வருகின்றனர். சீர்திருத்த பள்ளியில் இருந்து பிணையில் வந்ததும் அடங்காமல் பட்டாகத்தியுடன் ரீல்ஸ் வெளியிட்டு மீண்டும் கைதாகி உள்ள சிறுவர்களின் செயல் அதிர்ச்சியை ஏற்படுத்துகிறது.

இதையும் படிங்க: 400 கிலோ போதைப்பொருள் கடத்தல்... தட்டித் தூக்கிய போலீஸ்... 5 பேர் அதிரடி கைது...!