தேர்தல் ஆணையம் அதிரடி: 6.48 லட்சம் புதிய விண்ணப்பங்கள்! ஏப்ரல் 6-ல் இறுதி பட்டியல் வெளியீடு!

தமிழக சட்டமன்றத் தேர்தலுக்கான வாக்காளர் பட்டியலில் பெயர் சேர்க்க வழங்கப்பட்ட கால அவகாசம் நேற்றுடன் (மார்ச் 26) நிறைவடைந்தது. இறுதி வாக்காளர் பட்டியல் வெளியிடப்பட்ட நாள் முதல் நேற்று வரை, தமிழகம் முழுவதும் புதிய வாக்காளராகத் தங்களை இணைத்துக்கொள்ள மொத்தம் 6.48 லட்சம் பேர் விண்ணப்பித்துள்ளதாகத் தேர்தல் ஆணையம் அதிரடித் தகவலை வெளியிட்டுள்ளது.

ஏப்ரல் 23-ஆம் தேதி நடைபெறவுள்ள ஒரே கட்ட வாக்குப்பதிவிற்காகத் தமிழகம் முழுவதும் பலத்த பாதுகாப்பு மற்றும் விடுமுறை ஏற்பாடுகள் செய்யப்பட்டு வரும் நிலையில், இந்தப் புதிய விண்ணப்பங்கள் மீதான நடவடிக்கை குறித்து ஆணையம் விளக்கம் அளித்துள்ளது.

புதிய வாக்காளராகச் சேர இதுவரை 6.48 லட்சம் விண்ணப்பங்கள் பெறப்பட்டுள்ளன. (முன்னதாக மார்ச் 26 காலை நிலவரப்படி இது 3 லட்சமாக இருந்தது குறிப்பிடத்தக்கது). நேற்று வரை பெறப்பட்ட அனைத்து விண்ணப்பங்களும் தற்போது தீவிரமாகப் பரிசீலிக்கப்பட்டு வருகின்றன. தகுதி வாய்ந்த விண்ணப்பதாரர்களின் பெயர்கள் அனைத்தும் பட்டியலில் சேர்க்கப்படும்.

இதையும் படிங்க: மக்களே கவனிங்க... வாக்காளர் பட்டியலில் பெயர் சேர்க்க இன்றே கடைசி நாள்...!! மிஸ் பண்ணிடாதீங்க...!!

வேட்புமனுத் தாக்கல் செய்வதற்கான கடைசி நாளான ஏப்ரல் 6-ஆம் தேதி, முறைப்படி துணை வாக்காளர் பட்டியல் தயாரிக்கப்படும். இதில் இடம்பெறும் புதிய வாக்காளர்கள் மட்டுமே வரும் தேர்தலில் தங்களது வாக்கைப் பதிவு செய்ய முடியும்.

தமிழகத்தில் தேர்தல் களம் சூடுபிடித்துள்ள நிலையில், தவெக தலைவர் விஜய், அதிமுக பொதுச் செயலாளர் எடப்பாடி பழனிசாமி மற்றும் நாம் தமிழர் கட்சி ஒருங்கிணைப்பாளர் சீமான் ஆகியோர் தீவிர பிரசாரத்தில் ஈடுபட்டுள்ளனர். மதுரவாயல் போன்ற இடங்களில் உரிய ஆவணங்களின்றி கொண்டு செல்லப்பட்ட ₹1 கோடி ரொக்கம் பறிமுதல் செய்யப்பட்டுள்ள நிலையில், தேர்தல் ஆணையம் தனது கண்காணிப்பை மேலும் தீவிரப்படுத்தியுள்ளது.
 

இதையும் படிங்க: நெருங்கும் தேர்தல்..!! வாக்காளர் பட்டியலில் இன்னும் பெயர் சேர்க்கலையா..?? 26ம் தேதி தான் கடைசி நாள்..!!