இடைத் தேர்தலில் வாக்காளர்களுக்கு பணம்..!! தேர்தல் ஆணையத்தில் அதிமுக பரபரப்பு புகார்.!

தமிழகத்தில் வரும் அக்டோபர் 6ஆம் தேதி நடைபெறவுள்ள மதுராந்தகம் மற்றும் தாராபுரம் சட்டமன்ற இடைத்தேர்தல்கள் தொடர்பாக தேர்தல் களம் சூடுபிடித்துள்ள நிலையில், பணப்பட்டுவாடா தொடர்பான புகார்கள் வெளியாகியுள்ளன. அதிமுக சார்பில் மாநிலங்களவை உறுப்பினர் ஐ.எஸ். இன்பதுரை, தலைமைத் தேர்தல் ஆணையருக்கும் தமிழ்நாடு தலைமைத் தேர்தல் அதிகாரிக்கும் கடிதம் எழுதி, இரு தொகுதிகளிலும் சட்டவிரோதமாக பணம் விநியோகிக்கப்படுவதாக குற்றஞ்சாட்டியுள்ளார்.

மதுராந்தகம் தொகுதியில் உள்ள ரெட்டிப்பாளையம் மற்றும் அச்சரப்பாக்கம் பகுதிகளில் தமிழக வெற்றிக் கழகம் சார்பில் வாக்காளர்களுக்கு பணம் வழங்கப்படுவதாக அதிமுக தரப்பில் குற்றச்சாட்டு எழுந்துள்ளது. தாராபுரம் தொகுதியிலும் இதேபோன்ற சட்டவிரோத நடவடிக்கைகள் நடைபெறுவதாக தகவல்கள் கிடைத்துள்ளன.

இரண்டு தொகுதிகளிலும் கள அளவிலான விரிவான விசாரணை நடத்த வேண்டும் என இன்பதுரை தனது கடிதத்தில் வலியுறுத்தியுள்ளார்.இடைத்தேர்தல் அறிவிக்கப்பட்டதிலிருந்து பல்வேறு கட்சிகள் தீவிர பிரசாரத்தில் ஈடுபட்டு வருகின்றன. ஆளும் தவெக, திமுக, அதிமுக ஆகியவை முக்கிய போட்டியாளர்களாக களம் இறங்கியுள்ளன.

இதையும் படிங்க: மளமளவென பரவும் டெங்கு பாதிப்பு..! பாதுகாப்பு வழிமுறைகளை வெளியிடுக..! EPS வலியுறுத்தல்..!!

இந்த பின்னணியில், வாக்காளர்களை ஈர்க்கும் வகையில் பணம் மற்றும் பரிசுப் பொருட்கள் விநியோகம் செய்யப்படுவதாக எதிர்க்கட்சிகள் குற்றஞ்சாட்டி வருகின்றன. குறிப்பாக மதுராந்தகத்தில் தவெக நிர்வாகிகள் மற்றும் ஆதரவாளர்கள் சில பகுதிகளில் சுற்றி வந்தபோது, வாக்காளர்களுக்கு தொகை வழங்கப்பட்டதாக வீடியோக்கள் வெளியாகி பரபரப்பை ஏற்படுத்தியுள்ளன. இது தொடர்பாக பொதுமக்களிடையேயும் விவாதங்கள் எழுந்துள்ளன.

இதையும் படிங்க: மேகதாது தீர்மானத்தில் திருத்தம்..! அதிமுக கடும் எதிர்ப்பு..! அக்ரி கிருஷ்ணமூர்த்தி வழக்கு தள்ளுபடி..!!