திடீர் ட்விஸ்ட்.! தாராபுரத்தில் அதிமுக முன்னிலை..! பின்னுக்கு தள்ளப்பட்ட தவெக, திமுக.!!

தமிழகத்தில் மதுராந்தகம் மற்றும் தாராபுரம் சட்டப்பேரவைத் தொகுதிகளுக்கான இடைத்தேர்தல் வாக்கு எண்ணிக்கை இன்று காலை எட்டு மணிக்குத் தொடங்கியது. கடந்த அக்டோபர் ஆறாம் தேதி நடைபெற்ற வாக்குப்பதிவில் மதுராந்தகத்தில் சுமார் எண்பத்தாறு சதவீதமும் தாராபுரத்தில் எண்பது சதவீதத்திற்கும் மேற்பட்ட வாக்குகளும் பதிவாகியிருந்தன. இவை கடந்த பொதுத்தேர்தலை விட குறைவான சதவீதமாக இருந்தாலும், இரு தொகுதிகளிலும் அமைதியான முறையில் வாக்குப்பதிவு நடந்து முடிந்தது.

வாக்குப்பதிவு பெட்டிகள் பாதுகாப்பாக ஸ்ட்ராங் ரூம்களில் வைக்கப்பட்டு, இன்று காலை அவை திறக்கப்பட்டு எண்ணும் பணி தொடங்கப்பட்டது.வாக்கு எண்ணிக்கை முதலில் தபால் வாக்குகளுடன் தொடங்கியது. தபால் வாக்கு எண்ணிக்கையின் தொடக்கத்தில் இரு தொகுதிகளிலும் தமிழக வெற்றிக் கழக வேட்பாளர்கள் முன்னிலையில் இருந்தனர். மதுராந்தகத்தில் தமிழக வெற்றிக் கழகத்தின் மரகதம் குமரவேல் முன்னிலை பெற்றிருந்தார். தாராபுரத்திலும் தமிழக வெற்றிக் கழகத்தின் சத்தியபாமா ஆரம்பத்தில் முன்னிலையில் இருந்தார். தபால் வாக்குகள் முடிந்தபின் மின்னணு வாக்குப்பதிவு இயந்திரங்களில் பதிவான வாக்குகள் சுற்று சுற்றாக எண்ணத் தொடங்கின.

தாராபுரம் தொகுதியில் முதல் சுற்று எண்ணிக்கை முடிந்த நிலையில் நிலவரம் மாறியது. அதிமுக வேட்பாளர் பானுமதி 5573வாக்குகள் பெற்று முன்னிலைக்கு வந்தார். இரண்டாம் இடத்தில் தமிழக வெற்றிக் கழக வேட்பாளர் சத்தியபாமா இருந்தார். அவரது வாக்குகள் பானுமதியை விட சற்று குறைவாகவே இருந்தன. திமுக வேட்பாளர் சுகன்யா மூன்றாம் இடத்திற்குத் தள்ளப்பட்டார். இந்த சுற்று முடிவில் அதிமுக சிறிய வித்தியாசத்தில் முன்னிலை வகித்தது. வாக்கு எண்ணிக்கை விறுவிறுப்பாக நடைபெற்று வருவதால், அடுத்தடுத்த சுற்றுகளில் நிலவரம் மேலும் மாறக்கூடும் என எதிர்பார்க்கப்படுகிறது.

இதையும் படிங்க: மைனாரிட்டி ஆட்சி... சீரழியும் சட்டம் ஒழுங்கு..! முதல்வர் விஜயை விமர்சித்த எடப்பாடி பழனிச்சாமி..!!

மதுராந்தகம் தொகுதியிலும் வாக்கு எண்ணிக்கை இணையாக நடைபெற்று வருகிறது. தபால் வாக்குகளில் தமிழக வெற்றிக் கழகம் முன்னிலையில் இருந்த நிலையில், முதல் சில சுற்றுகளிலும் அதே கட்சியின் வேட்பாளர் மரகதம் குமரவேல் முன்னிலையைத் தக்கவைத்துக் கொண்டார். இங்குவும் திமுக வேட்பாளர் மூன்றாம் இடத்திற்குத் தள்ளப்பட்டார். இரு தொகுதிகளிலும் திமுக மூன்றாம் இடத்திலேயே இருக்கும் நிலைமை தொடர்ந்து கவனத்தை ஈர்த்து வருகிறது.

இதையும் படிங்க: ரசிகர் மன்றத்தில் இருந்து வந்த எங்களை புறக்கணிப்பதா? – த.வெ.க. தலைமைக்கு எதிராக அதிருப்தி குரல்!