துப்பில்லாத திமுக..! 16 வயது சிறுமியின் போதை வாக்குமூலம்... அதிமுக கடும் கண்டனம்..!

தமிழக அரசியலில் கடந்த சில ஆண்டுகளாக அதிமுக தொடர்ந்து ஒரு முக்கிய குற்றச்சாட்டை முன்வைத்து வருகிறது. திமுக ஆட்சியில், குறிப்பாக இளைஞர்கள் மற்றும் மாணவர்கள் மத்தியில் போதைப்பொருட்கள் பழக்கம் கடுமையாக அதிகரித்துவிட்டதாகவும், இதனால் சமூகத்தில் பல்வேறு குற்றங்கள் தலைவிரித்தாடுவதாகவும் அக்கட்சி வலியுறுத்தி வருகிறது. இந்தக் குற்றச்சாட்டு வெறும் அரசியல் பேச்சு அல்ல.

பல்வேறு சம்பவங்கள், புள்ளிவிவரங்கள் மற்றும் பொதுமக்களின் அன்றாட அனுபவங்களுடன் இணைந்து பரவலாக பேசப்படும் ஒன்றாக மாறியுள்ளது.அதிமுக பொதுச்செயலாளர் எடப்பாடி பழனிசாமி இதை மிகத் தீவிரமாக எழுப்பி வருகிறார். திமுக ஆட்சி பொறுப்பேற்ற பிறகு தமிழகம் போதைப்பொருள் கடத்தலுக்கும் புழக்கத்துக்கும் ஓர் மையமாக மாறிவிட்டதாக அவர் பலமுறை குற்றம் சாட்டியுள்ளார்.

பள்ளி மாணவர்கள் கூட கஞ்சா போன்ற போதைப்பொருட்களை எளிதாக அணுகும் நிலை ஏற்பட்டுள்ளதாகவும், இதற்கு அரசின் அலட்சியமும் சில சமயங்களில் ஆளும் கட்சியினரின் தொடர்பும் காரணம் என்றும் அவர் சாடுகிறார். கோவையில் சிறுமி ஒருவர் கஞ்சா போதையில் காவல் நிலையத்தில் இருந்து பேசும் வீடியோக்கள் வெளியாகி கடும் விமர்சனத்திற்கு ஆளானது. கோவையில் 16 வயது சிறுமி கஞ்சா போதையில் காவல் நிலையத்திலேயே வாக்குமூலம் அளிக்கும் இந்தக் காட்சி நெஞ்சை பதற வைக்கிறது என அதிமுக தெரிவித்துள்ளது.

இதையும் படிங்க: அதிமுக பிரமுகர் கொலையில் அதிர்ச்சி திருப்பம்..! மனைவியே ஸ்கெட்ச் போட்டுக் கொடுத்த பகீர் தகவல்..!

பிஞ்சுக் குழந்தைகள் கையில் புத்தகத்திற்குப் பதில் கஞ்சா பொட்டலங்களைக் கொடுத்ததுதான் உங்கள் திராவிட மாடல் அரசின் சாதனையா என முதலமைச்சர் ஸ்டாலினுக்கு எனக் கேள்வி எழுப்பியுள்ளது. கேமராவுக்கு முன்னால் போஸ் கொடுப்பதில் காட்டும் அக்கறையில் ஒரு சதவீதமாவது போதைப்பொருள் தடுப்பில் காட்டியிருந்தால், இன்று இந்தச் சிறுமிக்கு இந்த நிலை ஏற்பட்டிருக்குமா என்றும் ஊருக்கு ஊர் டாஸ்மாக், வீதிக்கு வீதி கஞ்சா என்றும் கூறியுள்ளது.தமிழகத்தின் எதிர்காலத்தை சீரழிக்கும் போதை கலாச்சாரத்தை வேரறுக்கத் துப்பில்லாத இந்த திமுக ஆட்சி இனியும் தேவையா என்றும் கேள்வி எழுப்பப்பட்டுள்ளது.

இதையும் படிங்க: வஞ்சிக்கும் பாஜக... ஒத்து ஊதும் அதிமுக..! நிதிநிலை அறிக்கையை கண்டித்து திமுக கூட்டணி ஆர்ப்பாட்டம் அறிவிப்பு..!