வெத்து பேப்பர்... பொருந்தா பொய் சீக்கிரமே அம்பலப்படும்... முதல்வரை சாடிய அதிமுக...!

தமிழக முதலீடு குறித்த பேச்சுவார்த்தையை Foxconn நிறுவனம் மறுத்துள்ளதாக தகவல் வெளியாகி உள்ளது. இதனை வைத்து முதல்வர் ஸ்டாலினை அதிமுக கடுமையாக விமர்சித்துள்ளது. Foxconn நிறுவனம், முதல்வர் ஸ்டாலினுடன் சந்திப்பு நடத்தியதாகவும், 15,000 கோடி ரூபாய் முதலீடு செய்யப்போவதாகவும் திமுக அரசு அறிவித்தது என்றும் முதல்வரோ, இது தான் செயலில் ஸ்டாலின் மாடல் என்று மார்தட்டிக் கொண்டதாகவும் கூறி உள்ளது.

இந்நிலையில், Foxconn நிறுவனம், அத்தகைய முதலீடு குறித்த பேச்சுவார்த்தைகளை மறுத்துள்ளதாக செய்திகள் வருவதாகவும் பொய் சொன்னாலும் பொருத்தமாக சொல்லுங்க என்ற ஸ்டாலினின் பொன்மொழியை, அவருக்கே நினைவுபடுத்த விழைகிறோம் என்றும் கூறியுள்ளது. ஏனெனில், பொருத்தமற்ற பொய்கள் இப்படி தான் சீக்கிரமே அம்பலப்பட்டுப் போகும் என்றும் சாடியது.

ஆண்டுதோறும் வெளிநாட்டு சுற்றுலா செல்லும் பொம்மை முதல்வர், அதனால் தமிழகத்திற்கு கிடைத்தது என்னவென்று கேட்டால், அதற்கு இவர்களின் பதில், வெற்று பேப்பர் என்றும் அது சரி, சட்டியில் இருந்தால் தானே அகப்பையில் வரும் எனவும் கூறியுள்ளது. அம்பலப்பட்டுள்ள இந்த பொய் என்பது, பொய்களே உருவான இந்த விடியா ஆட்சி விரைவில் அம்பலப்பட்டு வீழப் போவதற்கு சாட்சி என்றும் கூகுள் நிறுவனம் கூட, பல்லாயிரம் கோடி மதிப்பிலான முதலீட்டை ஆந்திர மாநிலம் விசாகப்பட்டினத்தில் அறிவித்து உள்ளதையும் சுட்டிக்காட்டினார்.

இதையும் படிங்க: பொண்டாட்டி FREE... வாயைக் கொடுத்து மாட்டிய சி.வி. சண்முகம்! விளாசிய கீதா ஜீவன்...!

ஆட்சி என்றால் என்னவென்றே தெரியாத, திறமையற்ற பொம்மை முதல்வரிடம் சிக்கித் தவிக்கும் தமிழகத்தை மீட்டு, மீண்டும் வளர்ச்சிப் பாதையில் வளமான தமிழ்நாட்டைக் கட்டமைக்க ஒரே வழி, 2026-ல் அதிமுக ஆட்சி அமைவதே எனவும் திட்டவட்டமாக கூறியுள்ளது.

இதையும் படிங்க: BOMB வெச்சுருக்கோம்... EPS வீட்டுக்கு வெடிகுண்டு மிரட்டல்... பதற்றம்...!