ஸ்டாலினுக்கு அழகிரி டீம் அதிர்ச்சி வைத்தியம். எதிர்பாராத ட்விஸ்ட்!! மதுரை அரசியலில் பெரிய திருப்பம்!!

2014ஆம் ஆண்டு மதுரையில் அழகிரி பிறந்தநாள் போஸ்டர் சர்ச்சை காரணமாக, அழகிரி மற்றும் அவரது ஆதரவாளர்கள் திமுகவிலிருந்து நீக்கப்பட்டனர். அன்று முதல் ஸ்டாலின் - அழகிரி இடையே நீண்ட மோதல் நீடித்தது. காலப்போக்கில் ஓரளவு சமரசம் ஏற்பட்டாலும், முழுமையான இணக்கம் ஏற்படவில்லை.

சில மாதங்களுக்கு முன், துணை முதல்வர் உதயநிதி ஸ்டாலின் வீட்டுக்கு வந்தபோது, அழகிரி தனது ஆதரவாளர்களை மீண்டும் திமுகவில் சேர்க்க வேண்டும் என வலியுறுத்தினார். ஆனால் ஸ்டாலின் எந்த ஆதரவாளரையும் கட்சியில் சேர்க்கவில்லை. இதனால், திமுகவை நம்பி இருந்தால் அரசியல் எதிர்காலம் இல்லை என அழகிரி ஆதரவாளர்கள் முடிவு செய்தனர்.

தொழிலதிபர் ஒருவர் மூலம் அதிமுக பொதுச்செயலாளர் எடப்பாடி கே.பழனிசாமி தரப்பில் பேச்சு நடத்தினர். பழனிசாமி கிரீன் சிக்னல் கொடுத்ததால், ஜெயலலிதா பிறந்தநாள் அன்று பழனிசாமி முன்னிலையில் அழகிரி ஆதரவாளர்கள் முறையாக அதிமுகவில் இணைய உள்ளனர்.

இதையும் படிங்க: ஆட்சி, அதிகாரத்தில் பங்கு! காங்கிரசுக்கு அவசியம்! திமுக கூட்டணிக்கு வேட்டு வைக்கும் பிரவீன் சக்ரவர்த்தி!

அழகிரி ஆதரவாளர் ஒருவர் கூறியதாவது: “வேறு கட்சிகளுக்குச் சென்றவர்களை ஸ்டாலின் திரும்ப சேர்க்கிறார். வைகோவுடன் கூட்டணி வைத்துள்ளார். ஆனால் 12 ஆண்டுகளாக திமுக விசுவாசியாக இருந்த எங்களை புறக்கணித்தார்.

மதுரை முன்னாள் அவைத்தலைவர் இசக்கிமுத்து, முன்னாள் துணை மேயர் மன்னன் ஆகியோர் ஸ்டாலினை சந்தித்து மனு கொடுத்தும் பலன் இல்லை. இப்போது அதிமுகவுடன் பேசுவது உண்மை. அழகிரி சம்மதமின்றி எந்த முடிவும் எடுக்க மாட்டோம். சட்டசபை தேர்தலுக்கு முன் முக்கிய முடிவு எடுப்போம்.”

இந்த நகர்வு திமுகவுக்கு பெரும் அதிர்ச்சியை ஏற்படுத்தியுள்ளது. மதுரை பகுதியில் அழகிரி செல்வாக்கு குறிப்பிடத்தக்கது. அவரது ஆதரவாளர்கள் அதிமுகவில் இணைந்தால், 2026 தேர்தலில் தென் மாவட்டங்களில் அதிமுகவுக்கு வலு சேரும். திமுக தரப்பில் இதுவரை எந்த அதிகாரப்பூர்வ பதிலும் இல்லை. அழகிரி தரப்பில் இருந்து இதுவரை உறுதிப்படுத்தல் வரவில்லை என்றாலும், ஆதரவாளர்களின் பேச்சு பரபரப்பை ஏற்படுத்தியுள்ளது.

தமிழக அரசியல் களத்தில் பழைய எதிரிகள் இணைவது புதிய சூழலை உருவாக்கும் என எதிர்பார்க்கப்படுகிறது. ஜெயலலிதா பிறந்தநாள் அன்று இணைப்பு நடந்தால், அது அதிமுகவுக்கு பெரும் உற்சாகத்தை அளிக்கும்.

இதையும் படிங்க: தேமுதிகவுடன் கூட்டணியா? மார்ச் 1ல் மோடி வருவார்! அதுவரை பொறுங்க! நயினார் நாகேந்திரன் சூசகம்!