விஜயின் ரோடு ஷோ பிளாப்.! ஸ்டாலினின் கூட்டம் டாப்.! நீலிக்கண்ணீர் வடிக்கிறார் விஜய்... அப்பாவு விமர்சனம்..!!

தமிழ்நாட்டில் அக்டோபர் 6ஆம் தேதி நடைபெறவுள்ள மதுராந்தகம் மற்றும் தாராபுரம் சட்டமன்றத் தொகுதி இடைத்தேர்தல்களை முன்னிட்டு அரசியல் கட்சிகளின் பிரச்சாரம் இறுதிக்கட்டத்தை எட்டியுள்ளது. தமிழக வெற்றிக் கழகத் தலைவரும் முதலமைச்சருமான விஜய் மதுராந்தகம் தொகுதியில் தனது கட்சி வேட்பாளரை ஆதரித்து பிரம்மாண்ட ரோடு ஷோ மேற்கொண்டார். அதே நேரத்தில் திமுக தலைவர் மு.க.ஸ்டாலின் தாராபுரம் தொகுதியில் தனது கட்சி வேட்பாளரை ஆதரித்து ரோடு ஷோ மற்றும் பொதுக்கூட்டம் நடத்தினார்.

இரண்டு நிகழ்வுகளும் ஒரே நாளில் நடைபெற்றதால் சமூக வலைத்தளங்களில் இரு தரப்பு பிரச்சாரங்களையும் ஒப்பிட்டு பல்வேறு கருத்துகள் பரவின. விஜய்யின் மதுராந்தகம் ரோடு ஷோ பிளாப் என்றும் ஸ்டாலினின் தாராபுரம் கூட்டம் டாப் என்றும் பல பதிவுகள் வெளியாகி மக்கள் மத்தியில் விவாதத்தை ஏற்படுத்தின.இந்த பின்னணியில் தாராபுரத்தில் நடந்த திமுக கூட்டத்தில் மு.க.ஸ்டாலின் தமிழக வெற்றிக் கழக வேட்பாளர் சத்யபாமாவைப் பற்றி குறிப்பிட்டார்.

கட்சி மாறியதைக் குறித்து அவர் ‘பெட்டி பாமா’, ‘பால்டி பாமா’ என்று குறிப்பிட்டு உருவம் தொடர்பான கருத்துகளைத் தெரிவித்ததாகக் கூறப்படுகிறது. இந்தக் கருத்துக்கள் உடனடியாக பெரும் சர்ச்சையை உருவாக்கின. தமிழக வெற்றிக் கழகத் தரப்பில் இது பெண்ணை உருவ கேலி செய்வதாகவும் அவதூறான பேச்சு என்றும் கண்டனம் தெரிவிக்கப்பட்டது. முதலமைச்சர் விஜய் இதைக் கடுமையாக சாடினார்.

இதையும் படிங்க: அவதூரில் திமுக வல்லவர்கள்..! ஸ்டாலினின் அநாகரிக பேச்சு..! முதல்வர் விஜய் வார்னிங்..!!

தமிழ்நாட்டுப் பெண்களின் மகனாகவும் சகோதரனாகவும் இதைக் கண்டிப்பதாகக் கூறிய அவர், திமுகவின் அரசியல் கலாசாரத்தில் ஆபாசம் மற்றும் அவதூறு ஆழமாக வேரூன்றியுள்ளதாக குற்றம்சாட்டினார். தாராபுரம் வாக்காளர்கள் இதற்கு உரிய பதிலடி கொடுப்பார்கள் என்றும் அறிவித்தார். கட்சி சார்பில் தேர்தல் ஆணையத்திலும் புகார் அளிக்கப்பட்டது.இந்தச் சூழலில் சமூக வலைத்தளங்களில் நிரம்பிக் கிடக்கும் ‘மதுராந்தகம் ரோடு ஷோ பிளாப், தாராபுரம் கூட்டம் டாப்’ என்ற செய்திகளைப் பார்த்து மனம் நொந்து போன விஜய், தலைவர் மீது பெண்ணை உருவ கேலி செய்ததாக அவதூறு பரப்பி நீலிக் கண்ணீர் வடிக்கிறார் என்று முன்னாள் சபாநாயகர் அப்பாவு தெரிவித்தார்.

இதையும் படிங்க: உருவக் கேலி...! பெண்ணை இப்படியா பேசுவது..? ஸ்டாலின் மீது தவெக புகார்..!!