அது என் பொண்ணுடா... குழந்தை திருமணத்தை நிறுத்தியவருக்கு தர்மஅடி கொடுத்த அதிர்ச்சி சம்பவம்

குழந்தை திருமணம் என்பது உலகளவில் மனித உரிமைகள் மீறலாகக் கருதப்படும் ஒரு சமூகப் பிரச்சினையாகும். இது குழந்தைகள், குறிப்பாக பெண் குழந்தைகளின் எதிர்காலத்தைப் பாதிக்கும் ஒரு ஆழமான சிக்கலாகும், இது அவர்களின் கல்வி, ஆரோக்கியம், மனநலம் மற்றும் வாழ்க்கைத் தரத்தைப் பறித்துவிடுகிறது. குழந்தை திருமணம் என்பது 18 வயதுக்கு உட்பட்ட ஒரு நபர் திருமணம் செய்யப்படுவதைக் குறிக்கிறது, மேலும் இது பல நாடுகளில் சட்டவிரோதமாக இருந்தாலும், கலாச்சார பழக்கவழக்கங்கள், பொருளாதார நிர்ப்பந்தங்கள் மற்றும் சமூக அழுத்தங்களால் இன்னும் பல இடங்களில் நடைமுறையில் உள்ளது.

குழந்தை திருமணத்தின் விளைவுகள் மிகவும் ஆழமானவை. முதலாவதாக, இது கல்வியை பாதிக்கிறது. திருமணமான பெண் குழந்தைகள் பெரும்பாலும் பள்ளியை விட்டு வெளியேற வேண்டிய கட்டாயத்துக்கு உள்ளாகின்றனர், இதனால் அவர்களின் அறிவு வளர்ச்சி மற்றும் சுயாட்சி பெறும் வாய்ப்புகள் குறைக்கப்படுகின்றன. இரண்டாவதாக, இளம் வயதில் கர்ப்பம் தரிப்பது உடல் ஆரோக்கியத்துக்கு பெரும் ஆபத்தை ஏற்படுத்துகிறது. இளம் பெண்களின் உடல் முழுமையாக வளர்ச்சியடையாத நிலையில், கர்ப்பம் மற்றும் பிரசவத்தின் போது ஏற்படும் சிக்கல்கள் மரணத்திற்கு கூட வழிவகுக்கலாம். மனநலப் பிரச்சினைகளும் குறிப்பிடத்தக்கவை. 

இந்தியாவில், குழந்தை திருமணத் தடுப்புச் சட்டம் 2006இல் அமல்படுத்தப்பட்டது, இது 18 வயதுக்கு உட்பட்ட பெண்களின் திருமணத்தை தடை செய்கிறது. குழந்தை திருமணம் தொடர்பாக புகார்கள் கொடுக்கப்படும் பட்சத்தில் நிகழ்வு இடத்திற்கு சென்று போலீசார் குழந்தை திருமணத்தை தடுத்து நிறுத்துவது உண்டு. இதை போல் கள்ளக்குறிச்சியில் குழந்தை திருமணம் நடைபெற இருந்ததை போலீசார் தடுத்து நிறுத்தியுள்ளனர். இது தொடர்பாக புகார் கொடுத்த நபரை அந்தப் பெண்ணின் பெற்றோர் சரமாரியாக தாக்கிய சம்பவம் அதிர்ச்சியை ஏற்படுத்தியது. கள்ளக்குறிச்சி மாவட்டம் சங்கராபுரம் அருகே வசித்து வரும் லியாகத் அலி என்பவருடைய 16 வயது மகளுக்கு திருமண ஏற்பாடு செய்யப்பட்டு இருந்தது.

இதையும் படிங்க: செங்கோட்டையனுக்கு எதுக்கு இந்த வேலை? அமித்ஷா தான் முடிவெடுப்பாரா! விளாசிய ஆ.ராசா…

இது தொடர்பாக பக்கத்து வீட்டில் வசிக்கும் அலி முல்லா என்பவர் குழந்தைகள் நல அதிகாரிகளுக்கு தகவல் தெரிவித்ததாக கூறப்படுகிறது. குழந்தை திருமணம் தொடர்பாக புகார் அளித்த அலி முல்லாவை சிறுமியின் பெற்றோர் சரமாரியாக தாக்கியுள்ளனர். அதுமட்டுமல்லாது அந்த சிறுமையை திருமணம் செய்ய இருந்த மணமகனும் அலிமுல்லாவை தாக்கியதாக தெரிகிறது. இந்த தாக்குதல் சம்பவம் தொடர்பாகவும், குழந்தை திருமணம் நடத்தப்பட இருந்தது தொடர்பாகவும் போலீசார் விசாரித்து வருகின்றனர்.

இதையும் படிங்க: யுபிஐ பரிவர்த்தனை வரம்பு ரூ.10 லட்சம் வரை உயர்வு.. எதுக்கெல்லாம் தெரியுமா..??