சைக்கிளில் ஜாலியாக வலம் வந்த முதல்வர் மு.க.ஸ்டாலின்... 3வது நாளாக கொடைக்கானலில் நடைபயிற்சி..!

தமிழக சட்டமன்ற தேர்தல் கடந்த 23 ஆம் தேதி முடிந்தது. தேர்தலுக்காக அனல் பறக்க பிரசாரம் செய்த அரசியல் தலைவர்கள் தற்போது ஓய்வில் உள்ளனர். முதல்வர் மு.க ஸ்டாலின் தனது குடும்பத்தினருடன் கொடைக்கானலில் ஓய்வு எடுத்து வருகிறார். துணை முதல்வர் உதயநிதி ஸ்டாலினும் தனது மனைவி மற்றும் மகளுடன் துபாய் சென்றுள்ளார். 

தமிழக சட்டப்பேரவை முடிந்த நிலையில், கடந்த 25-ந்தேதி  தமிழக முதல்வர் மு.க.ஸ்டாலின் தன்னுடைய குடும்பத்துடன் கொடைக்கானலுக்கு சென்றார். கொடைக்கானல் பாம்பார்புரத்தில் உள்ள நட்சத்திர ஓட்டலில் அவர்கள் தங்கியுள்ளனர். முதலமைச்சர் ஸ்டாலினுக்கு கொடைக்கானலில் மக்கள் தினந்தோறும் ஏகபோக வரவேற்பு அளித்து வருகின்றனர். கொடைக்கானலில் தினமும் நடைபயிற்சி மேற்கொண்டு வரும் முதலமைச்சர் மு.க.ஸ்டாலினிடம் பொதுமக்கள் செல்ஃபி எடுத்தும், கை குலுக்கியும் உற்சாகமடைந்து வருகின்றனர். 

கடந்த இரண்டு நாட்களாக காலை வேளையில்  ஏரி சாலை மற்றும் மனோரஞ்சிதம் நீர்த்தக்கத்தை சுற்றி நடைபயிற்சி மேற்கொண்டார். மூன்றாவது நாளான இன்று கொடைக்கானல் ஏரி சாலையில் சுமார் 2 கிலோ மீட்டருக்கு நடை பயணம் மேற்கொண்ட தமிழக முதல்வர் திடீரென்று சைக்கிளில் சவாரி செய்து ஏரிச்சாலை முழுக்க சுற்றி வந்தார். மேலும் திடீரென்று சைக்கிள் ஓட்டிச் சென்ற முதல்வரை பொதுமக்கள் ஆரவாரமாக உற்சாகமாக வரவேற்ற  நிலையில் ஏரி சாலையை சுற்றி நடை பயிற்சி சென்ற முதல்வருடன் ஏராளமான சுற்றுலா பயணிகள் மற்றும் பொதுமக்கள் செல்ஃபி எடுத்தனர். முதல்வரை பின்தொடர்ந்து சுமார் 500க்கும் மேற்பட்டோர் நடைபயிற்சி மேற்கொண்டனர். 

இதையும் படிங்க: பணியில் இருக்க வேண்டிய நேரத்தில் ஓய்விற்கு செல்கிறார்கள்..!! முதல்வர் ஸ்டாலினை வம்பிழுத்த தமிழிசை..!!

இந்நிலையில் முதலமைச்சர் முக ஸ்டாலின்கடந்த முறையும் தேர்தல் வாக்குப்பதிவு முடிந்த கையேடு கொடைக்கானல் சென்றிருந்தார். தற்போது இந்த தேர்தலிலும் வாக்குப்பதிவு முடிந்த கையோடு கொடைக்கானல் சென்றுள்ளார் முதலமைச்சர்.இதை வைத்து சிலர் இதில் ஏதேனும் செண்டிமெண்ட் உள்ளதா ? என்றும் கேட்டு வருகின்றனர்.

இதையும் படிங்க: கொடைக்கானலில் ஜாலி வாக்கிங்..!! முதல்வர் ஸ்டாலினை சூழ்ந்துகொண்ட மக்கள்..!! ஒரே செல்ஃபி க்ளிக்ஸ் தான்..!!