உதயசூரியன் உதித்ததும் சூறாவளியாய் கிளம்பிய சி.எம். ஸ்டாலின்... வாக்கிங்கில் வாக்கு வேட்டை...!

தமிழக சட்டமன்ற தேர்தல் ஏப்ரல் 23ம் தேதி நடைபெற உள்ளதால் அரசியல் களம் கனலாய் தகித்து வருகிறது. கட்சிகளின் தலைவர்களும், வேட்பாளர்களும் தேர்தல் களத்தில் வரிந்து கட்டிக்கொண்டு வேட்பு மனு தாக்கல் செய்வதிலும், தங்களது கூட்டணி வேட்பாளர்களுக்கு ஆதரவாக தேர்தல் பிரசாரம் செய்வதிலும் தீவிரம் காட்டி வருகிறார்கள். 

கடந்த மார்ச் 30ம் தேதி கொளத்தூரில் வேட்புமனு தாக்கல்  செய்த கையோடு முதலமைச்சர் மு.க.ஸ்டாலின் தனது சூறாவளி பிரசாரத்தை தொடங்கியுள்ளார். திருச்சி, கரூர், ஈரோடு, கோயம்புத்தூர்,மதுரை, தஞ்சாவூர், திருநெல்வேலி, சேலம், திண்டுக்கல் உள்ளிட்ட பகுதிகளில் சூறாவளி பிரச்சாரம் மேற்கொண்ட முதலமைச்சர் மு.க.ஸ்டாலின், இன்று கன்னியாகுமரியில் பிரசாரம் மேற்கொள்ள உள்ளார். 

அதன்படி நேற்று நெல்லை மாவட்டத்தில் நடந்த தேர்தல் பிரசார கூட்டத்தில் கலந்து கொண்டு பேசினார். அங்கு பிரசாரத்தை முடித்ததும் நேற்று இரவு குமரி மாவட்டம் வந்தார். அவருக்கு கன்னியாகுமரியில் உள்ள ஒரு தனியார் ஓட்டலில் தி.மு.க.வினரும், கூட்டணி கட்சியினரும் பிர மாண்ட வரவேற்பு அளித்தனர். வரவேற்பை ஏற்றுக்கொண்ட முதலமைச்சர் மு.க.ஸ்டாலின் அந்த ஓட்டலில் தங்கி ஓய்வெடுத்தார். 

இதையும் படிங்க: நிறுத்துங்க சார்...!! - மு.க.ஸ்டாலின் காருக்குள் நுழைந்த பறக்கும் படை அதிகாரிகள்... முதல்வர் வாகனத்திற்குள் அதிரடி சோதனை...!

இந்நிலையில் கன்னியாகுமரியில் முக்கடல் சங்கமம் பகுதியில் காலையிலேயே முதலமைச்சர் மு.க.ஸ்டாலின் நடைபயிற்சி மேற்கொண்டார். நடைபயிற்சியின்போது வீடு வீடாக சென்று மக்களை சந்தித்து பேசிய அவர் தீவிர வாக்கு சேகரிப்பில் ஈடுபட்டார். 

கன்னியாகுமரி சட்டமன்ற தொகுதியில் திமுக மற்றும் கூட்டணி கட்சிகள் சார்பாக போட்டியிடும் மகேஷ் அவர்களுக்கு உதயசூரியன் சின்னத்தில் வாக்களிக்க வேண்டி முதல்வர் வீடு வீடாக பரப்புரை செய்தார். முதல்வருடன் வேட்பாளர் மகேஷ் மற்றும் திமுகவினர் நடைபயிற்சி மேற்கொண்டு வாக்கு சேகரித்தனர்.

இதையும் படிங்க: என்னா ஸ்பீடு...!! - நாளை திருச்சி வரும் விஜய்... இன்றே ஒட்டுமொத்த சீனையே மாற்றிய முதலமைச்சர் மு.க.ஸ்டாலின்...!