நாளை முதல் அமலாகிறது 'வெற்றி பயணத்திட்டம்' - இதெல்லாம் நோட் பண்ணிக்கோங்க...!

தமிழக வெற்றிக் கழகம் ஆட்சி அமைப்பதற்கான 2026 தேர்தல் அறிக்கையில், தமிழ்நாட்டில் பெண்களுக்கான கட்டணமில்லா பேருந்து பயணத் திட்டத்தை விரிவுபடுத்துவோம் என்றும், அதற்கு ‘வெற்றி பயணம் திட்டம்’ என பெயரிடப்படும் என்றும் குறிப்பிடப்பட்டிருந்தது.

அதன்படி, வரும் அக்டோபர் 2ஆம் தேதி, மகாத்மா காந்தியின் பிறந்தநாளை முன்னிட்டு, இந்தத் திட்டத்தை தமிழ்நாடு முதலமைச்சர் முறைப்படி தொடங்கி வைக்கிறார்.

தற்போது மாநகர மற்றும் நகரங்களில் இயக்கப்படும் சாதாரண அரசு பேருந்துகள், அதாவது ‘வெள்ளை போர்டு’ என குறிப்பிடப்படும் பேருந்துகளில் பெண்களுக்கு கட்டணமில்லா பயணச் சலுகை நடைமுறையில் உள்ளது. புதிய ‘வெற்றி பயணம்’ திட்டத்தின் மூலம் எக்ஸ்பிரஸ், எல்.எஸ்.எஸ்., டீலக்ஸ் மற்றும் புறநகர் சாதாரண அரசு பேருந்துகளிலும் பெண்கள் கட்டணமின்றி பயணிக்க இந்தத் திட்டம் வழிவகை செய்கிறது.

இதையும் படிங்க: “மக்களே நாளை திருவிழாவாக கொண்டாட தயாராகுங்கள்...” - விடிந்ததுமே சி.எம்.விஜய் வெளியிட்ட முக்கிய அறிவிப்பு...!

இந்தத் திட்டத்தைப் பொறுத்தவரை, கடந்த ஆட்சியில் பெண்களுக்கு கட்டணமில்லா பேருந்து பயணத் திட்டம் அறிமுகப்படுத்தப்பட்டபோது, பெண்கள் தங்களது பணிகளுக்காகவோ, கல்லூரிகளுக்காகவோ தினசரி பயணம் செய்யும்போது, பேருந்து கட்டணம் என்பது அவர்களது மாதாந்திர செலவில் கூடுதல் சுமையாக இருந்தது. அந்தச் சுமையைக் குறைக்கும் வகையில், ‘வெள்ளை போர்டு’ பேருந்துகளில் மட்டும் பெண்கள் கட்டணமின்றி பயணம் செய்யும் திட்டம் கடந்த திமுக ஆட்சியில் கொண்டு வரப்பட்டது.

தற்போது அந்தத் திட்டம் அனைத்து வகையான பேருந்துகளுக்கும் விரிவுபடுத்தப்படுகிறது. அதன்படி, சென்னை மாநகரைப் பொறுத்தவரையில் ஏசி பேருந்துகளைத் தவிர்த்து, மற்ற அனைத்து பேருந்துகளிலும் பெண்கள், மாற்றுத்திறனாளிகள், முதியவர்கள் மற்றும் திருநங்கைகள் கட்டணமின்றி பயணிக்க முடியும் என்பதே இந்த ‘வெற்றி பயணம்’ திட்டத்தின் நோக்கமாகும்.

உழைக்கும் பெண்கள் தங்களது பணியிடங்களுக்கும், மாணவிகள் தொலைதூரத்தில் உள்ள கல்வி நிறுவனங்களுக்கும் எவ்வித கட்டணச் சுமையும் இன்றி பாதுகாப்பாகச் சென்று வர இந்தத் திட்டம் உறுதுணையாக இருக்கும் என்ற அடிப்படையில், அக்டோபர் 2ஆம் தேதி ‘வெற்றி பயணம்’ திட்டத்தை தமிழ்நாடு முதலமைச்சர் தொடங்கி வைக்கிறார்.

இதற்கான காணொளியையும் முதலமைச்சர் இன்று வெளியிட்டுள்ளார். அதில், “தமிழ்நாட்டின் மதிப்புமிகு மகளிரான நம் பாட்டி, அம்மா, அக்கா, தங்கைகள், பெண் குழந்தைகள் மற்றும் திருநர் அனைவருக்கும் கட்டணமில்லா வெற்றி பயணத் திட்டம் அக்டோபர் 2 முதல்” எனக் குறிப்பிடப்பட்டுள்ளது.

தமிழ்நாட்டின் மதிப்புமிகு மகளிரான நம் பாட்டி, அம்மா, அக்கா, தங்கைகள், பெண் குழந்தைகள் மற்றும் திருநர் அனைவருக்கும் கட்டணமில்லா வெற்றிப் பயணம் திட்டம்
அக்டோபர் 2 முதல் pic.twitter.com/UbmjaElVi0

— CMOTamilNadu (@CMOTamilnadu) October 1, 2026

இதையும் படிங்க: விலைவாசி உயர்வுதான் விஜய் அரசின் சாதனை! மதுராந்தகம் பிரச்சாரத்தில் கனிமொழி எம்.பி ஆவேசம்!