"மிஷன் 2029"..! ராகுல்காந்தியை பிரதமராக்கும் அடித்தளம்... மாணிக்கம் தாகூர் அறிவிப்பு..!
காங்கிரஸ் கட்சியின் பயிற்சி முகாம் நடைபெற இருப்பதாக மாணிக்கம் தாகூர் அறிவித்துள்ளார்.
by
தமிழ்நாடு காங்கிரஸ் கமிட்டியின் வரலாற்றுச் சிறப்புமிக்க முதல் முயற்சியாக, மாவட்ட காங்கிரஸ் கமிட்டி தலைவர்களுக்கான 10 நாள் தீவிர பயிற்சி முகாம் ஜூலை 23 முதல் ஆகஸ்ட் 1 வரை மாமல்லபுரத்தில் நடைபெற உள்ளது. இதனை அறிவித்த தமிழ்நாடு காங்கிரஸ் கமிட்டி தலைவர் மாணிக்கம் தாகூர், “2026 ஜனவரியில் மாவட்ட காங்கிரஸ் கமிட்டி தலைவர்கள் மறுசீரமைப்பு செய்யப்பட்டு புதிய தலைவர்கள் நியமிக்கப்பட்ட பிறகு, கட்சியின் வரலாற்றில் இது முதல்முறையாக நடைபெறும் தீவிர பயிற்சி முகாம்” என்று தெரிவித்தார்.
இந்த முகாம், நாடு முழுவதும் காங்கிரஸ் கட்சியின் அமைப்பை வலுப்படுத்தும் இயக்கத்தின் ஒரு முக்கிய அங்கமாகும். இதற்கு முன்பு சத்தீஸ்கர், மத்தியப் பிரதேசம், தெலங்கானா-ஆந்திரப் பிரதேசம் மற்றும் குஜராத் உள்ளிட்ட மாநிலங்களில் இத்தகைய பயிற்சி முகாம்கள் வெற்றிகரமாக நடைபெற்றுள்ளன. எதிர்க்கட்சித் தலைவர் ராகுல் காந்தி, மாவட்டத் தலைவர்களுடன் நேரடியாக கலந்துரையாடி வழிகாட்டியுள்ளதும் இந்த முயற்சியின் முக்கிய அம்சமாகும்.
பத்து நாட்கள் நடைபெறும் இந்த பயிற்சி முகாமில், அகில இந்திய காங்கிரஸ் கமிட்டியின் பொதுச் செயலாளர் கே.சி. வேணுகோபால், மூத்த தலைவர்கள் ப. சிதம்பரம், செல்லக்குமார், கே.எஸ். அழகிரி, கே.வி. தங்கபாலு, திருநாவுக்கரசர், ஈ.எம்.எஸ். நாச்சியப்பன், பீட்டர் அல்போன்ஸ், சசிகாந்த் செந்தில், சச்சின் ராவ், வம்ஷி ரெட்டி உள்ளிட்டோர் பங்கேற்று, மாவட்ட காங்கிரஸ் தலைவர்களுடன் நேரடியாக கலந்துரையாடி வழிகாட்டுவார்கள். மத்திய அமைச்சர்கள் ராஜேஷ் குமார் மற்றும் விஸ்வநாதன் ஆகியோரும் இந்த முகாமில் கலந்துகொள்கின்றனர். அமைப்புரீதியான உத்திகள், நிபுணர்களின் சிறப்புரைகள், கள ஆய்வுப் பயணங்கள் மற்றும் செயல்விளக்க அமர்வுகள் உள்ளிட்ட பல்வேறு அம்சங்கள் இந்தப் பயிற்சியில் இடம்பெறும்.
இதையும் படிங்க: தப்பிக்கவே முடியாது... பிரதமர் மோடி மன்னிப்பு கேட்க வேண்டும்... ராகுல் காந்தி வலியுறுத்தல்..!
இதன் மூலம் மாவட்டத் தலைவர்கள் பூத் மட்ட அமைப்பை வலுப்படுத்தும் திறனையும், மக்களின் பிரச்சினைகளை நேரடியாக எதிர்கொள்ளும் திறமையையும், காங்கிரஸ் கட்சியின் கொள்கைகளை ஒவ்வொரு வீட்டுக்கும் கொண்டு செல்லும் உத்வேகத்தையும் பெறுவார்கள் என்று மாணிக்கம் தாகூர் வலியுறுத்தினார். இந்த முயற்சி, எதிர்க்கட்சித் தலைவர் ராகுல் காந்தியின் அடிமட்டத் தொண்டர்களை வலுப்படுத்தும் பார்வையை நடைமுறைப்படுத்தும் முக்கிய முன்னெடுப்பாக அமையும். வரவிருக்கும் உள்ளாட்சித் தேர்தலுக்கான தயாரிப்பை உறுதிப்படுத்துவதோடு, “மிஷன் 2029” இலக்கை நோக்கிய உறுதியான அடித்தளத்தையும் தமிழ்நாடு காங்கிரஸ் கமிட்டி அமைக்கும்.
இதையும் படிங்க: நீட் எதிர்ப்பு... காங். இரட்டை வேடம் அம்பலம்..? கொண்டு வந்ததே நீங்க தான...? விளாசிய TTV தினகரன்..!
