வெடிக்கும் வீரமணி விவகாரம்..! ஜான் பாண்டியனுக்கு என்ன தொடர்பு.? வீடியோ காண்பித்த சாந்தி..! காங். ரஞ்சன் குமார் பரபரப்பு விளக்கம்..!

சிறுமிகளை சீரழித்த ஜெம் வீரமணி குறித்து 2024 ஆம் ஆண்டு புகார் கொடுத்தேன் என்று காங்கிரஸ் எஸ்சி பிரிவு மாநில தலைவர் ரஞ்சன் குமார் தெரிவித்துள்ளார். நான் கொடுத்த புகாரில் நடவடிக்கை எடுக்காமல் 2025 இல் புகார் வந்ததாக போலீஸ் கூறுகிறது என்றும் ஆனால் 2024 ஆம் ஆண்டிலேயே தான் புகார் அளித்தேன் எனவும் குறிப்பிட்டுள்ளார். கூடுதல் ஆணையர் கண்ணன் என்பவரிடம்தான் நேரடியாக சென்று புகார் அளித்தேன் என்று குறிப்பிட்டுள்ளார்.

 ஜெம் வீரமணி மற்றும் சாந்தி ஆகியோரின் பெயர்களை குறிப்பிட்டு புகார் அளித்ததாகவும் தெரிவித்துள்ளார். புகார் அளித்த சில நாட்களில் whatsapp மூலமாக இன்ஸ்பெக்டர் மகேஷ் தொடர்பு கொண்டு ஆதாரங்களை கேட்டபோது அனுப்பியதாகவும் கூறினார். தொடர்ந்து விபச்சார தடுப்பு பிரிவு கூடுதல் ஆணையரையும் சந்தித்து ஜெம் வீரமணி குறித்து பேசியதாக ரஞ்சன் குமார் குறிப்பிட்டார். 

ஜெம் வீரமணி விவகாரத்தில் உங்களுக்கு ஏன் இத்தனை அக்கறை என்று கூடுதல் ஆணையர் தன்னிடம் கேட்டதாக ரஞ்சன் குமார் தெரிவித்தார். ரியல் எஸ்டேட் விவகாரம் தொடர்பாகவே நான் சாந்தியை முதலில் சந்தித்தேன் என்றும் 2024 ஆம் ஆண்டு செப்டம்பரில் சாந்தி தன்னை தொடர்பு கொண்டார் என்றும் கூறினார். தனக்கும் வீரமணிக்கும் பணத்தகராறு இருப்பதாக சாந்தி தன்னிடம் கூறியதாக தெரிவித்துள்ளார். ஜான் பாண்டியனை சந்திக்க ஏற்பாடு செய்ய வேண்டும் என்று சாந்தி தன்னிடம் தெரிவித்ததாக ரஞ்சன் குமார் குறிப்பிட்டு பேசினார். ஜான் பாண்டியன் சாந்தி சந்திப்பிற்கு நான் தான் ஏற்பாடு செய்தேன் என்றும் இருவரும் பேசியபோது தான் விவகாரம் வேறு என்று தெரிந்தது என்றும் குறிப்பிட்டுள்ளார். 

இதையும் படிங்க: 2029 தேர்தலுக்கு இப்போவே குறி! தமிழகம் வரும் ராகுல் காந்தி... மாணவர்களுடன் நடக்கப்போகும் மெகா சந்திப்பு!

ஒரு சில வாரங்களுக்கு பின்னர் மீண்டும் தொடர்பு கொண்டு தன்னை சந்திக்க வேண்டும் என சாந்தி கேட்டதால் சந்தித்தேன் என்றும் தெரிவித்தார். சாந்தியை சந்தித்தபோது வீரமணி வீடியோவை அவரது வீட்டு டிவியில் ஒளிபரப்பி விட்டு சாந்தி வெளியேறியதாகவும் டிவியில் ஓடிய வீடியோவை செல்போனில் ரெக்கார்ட் செய்தேன் என்றும் ஆதாரங்கள் கிடைத்ததுமே புகார் அளித்து விட்டேன் எனவும் கூறினார். புகார் அளித்த என்னை வழக்கில் சேர்த்து விசாரணைக்கு அழைக்காதது ஏன் என்று காவல்துறை தரப்பிடம் ரஞ்சித் குமார் கேள்வி எழுப்பி இருக்கிறார். வீரமணி விவகாரம் எனக்கு தெரிவதற்கு முன்பே ஜான் பாண்டியனுக்கு தெரிந்திருக்கிறது என்றும் கூறினார். 

இதையும் படிங்க: ராகுல் Vs விஜய் விவகாரம்! தமிழக காங்கிரஸில் மீண்டும் பரபரப்பு! கோஷ்டி பூசலை முடிவுக்கு கொண்டு வர 3 நாள் ஆலோசனை!