மனவேதனை..! கடலூரில் கோரவிபத்து...! உயிரிழந்தவர்களுக்கு ரூ.3 லட்சம் நிவாரணம்... முதல்வர் விஜய் அறிவிப்பு..!!

கடலூர் மாவட்டத்தில் பண்ருட்டி அருகே உள்ள பணிக்கன் குப்பம் பகுதியில் ஏற்பட்ட சாலை விபத்தில் நான்கு கூலித் தொழிலாளர்கள் சம்பவ இடத்திலேயே உயிரிழந்த சோகம் நிகழ்ந்தது. இந்த விபத்தில் மேலும் எட்டு பேர் படுகாயமடைந்து மருத்துவமனையில் சிகிச்சை பெற்று வருகின்றனர். விவசாயத் தொழிலாளர்களின் அன்றாட வாழ்வில் ஏற்பட்ட இந்த திடீர் சோகம் அப்பகுதியில் பெரும் பரபரப்பை ஏற்படுத்தியுள்ளது. 

விபத்து நடந்தது குறிஞ்சிப்பாடி தாலுகாவில் உள்ள வெங்கடாம்பேட்டை, ஆயிபேட்டை உள்ளிட்ட பகுதிகளைச் சேர்ந்த தொழிலாளர்கள் தொடர்பானது. சுமார் 12 பேர் கொண்ட கூலித் தொழிலாளர் குழு, நாற்று நடும் பணிக்காக சென்று கொண்டிருந்தனர். அவர்களை ஏற்றிச் சென்ற மினி லாரியை 25 வயதான சந்திரகுமார் என்பவர் ஓட்டி வந்தார். அந்த வாகனம் சென்னை-கும்பகோணம் தேசிய நெடுஞ்சாலையில் பணிக்கன் குப்பம் அருகே சென்று கொண்டிருந்தபோது, முன்னால் சென்ற டிராக்டர் டிப்பர் மீது பின்புறமாக மோதியது. இதில் 4 பேர் உயிரிழந்தனர்.

இந்த நிலையில், கடலூர் அருகே நிகழ்ந்த விபத்தில் உயிரிழந்த நான்கு பேரின் குடும்பத்தினருக்கு முதல்வர் விஜய் இரங்கல் தெரிவித்துள்ளதுடன் நிதி உதவி அறிவித்துள்ளார். உயிரிழந்தவர்களின் குடும்பத்தினருக்கு தலா மூன்று லட்ச ரூபாய் நிவாரணம் வழங்கப்படும் என்று அறிவித்திருக்கிறார். டிராக்டர் மீது டாட்டா ஏஸ் வாகனம் மோதியதில் சத்யா, செல்வராணி காந்திமதி ரவிச்சந்திரன் ஆகியோர் பலியான செய்தி கேட்டு வேதனை அடைந்ததாக தெரிவித்துள்ளார்.

இதையும் படிங்க: கரூர் விஷயத்தில் விஜய் குற்றவாளியா.? வறுத்தெடுத்த சுப்ரீம் கோர்ட்..! திமுக மனு வாபஸ்..!!

உயிரிழந்த 4 பேரின் குடும்பத்தினருக்கும் அவர்களது உறவினர்களுக்கும் தனது ஆழ்ந்த இரங்கலை தெரிவித்து ஆறுதல் தெரிவிப்பதாக முதல்வர் விஜய் தெரிவித்திருக்கிறார் விபத்தில் படுகாயம் அடைந்த ஏழு பேருக்கும் படுகாயம் அடைந்த ஒருவருக்கும் சிறப்பு சிகிச்சை அளிக்க உத்தரவிட்டிருப்பதாகவும் கூறியுள்ளார். படுகாயம் அடைந்தவருக்கு ஒரு லட்ச ரூபாய் மற்றும் லேசான காயமடைந்தவர்களுக்கு 50,000 ரூபாய் நிதி உதவி வழங்க உத்தரவிட்டிருப்பதாகவும் முதல்வர் விஜய் குறிப்பிட்டுள்ளார். 

இதையும் படிங்க: முதல்வர் விஜய்க்கு நோட்டீஸ்..! 3 வாரம் தான் டைம்..! ஹைகோர்ட் உத்தரவால் பரபரப்பு..!