#BREAKING திக்.. திக்..!! வேகத்தை கூட்டிய ‘டிட்வா’ புயல்... சென்னைக்கு இவ்வளவு பக்கத்திலா?

இலங்கை கடலோர பகுதிகளை ஒட்டிய தென்மேற்கு வங்கக்கடலில், நிலவி வரும் டித்வா புயல், மணிக்கு 8 கி.மீ வேகத்தில், வடக்கு வடமேற்கு திசையில் நகர்ந்து வருகிறது. இன்று அதிகாலை 2.30 மணி நிலவரப்படி  7 கி.மீ வேகத்தில் நகர்ந்த புயல், தற்போது வேகம் அதிகரித்துள்ளதாக இந்திய வானிலை ஆய்வு மையம் தெரிவித்திருக்கிறது.

புயல் முன்னெச்சரிக்கை நடவடிக்கை: 

வங்கக்கடலில் நிலைகொண்டுள்ள 'டிட்வா' புயலின் காரணமாக, தமிழ்நாடு மற்றும் புதுச்சேரியின் கடலோர மாவட்டங்களில் கனமழை நீடித்து வரும் நிலையில், முன்னெச்சரிக்கை நடவடிக்கைகள் தீவிரப்படுத்தப்பட்டுள்ளது. மேலும் இந்த புயல் நாளை (ஞாயிற்று கிழமை) கரையை கடக்கும் என்று கூறப்பட்டுள்ளதால், தமிழகத்தில் கடலோர மாவட்டங்களுக்கு கனமழை எச்சரிக்கை விடுக்கப்பட்டுள்ளது. 

இதையும் படிங்க: சென்னை மக்களே உஷார்... ஒரே நேரத்தில் செம்பரம்பாக்கம், புழல், பூண்டி ஏரிகளில் ஏற்பட்ட திடீர் மாற்றம்...!

புதுக்கோட்டை, கடலூர், நாகப்பட்டினம், கள்ளக்குறிச்சி, மயிலாடுதுறை, திருவாரூர் உள்ளிட்ட மாவட்டங்களுக்கு பள்ளி மற்றும் கல்லூரிகள் விடுமுறை அளிக்கப்பட்டுள்ளது. மேலும் பாரதிதாசன் பல்கலைகழக தேர்வுகள் ஒத்திவைக்கப்பட்டுள்ளது. இந்த புயலின் காரணமாக,  ராமநாதபுரம், சிவகங்கை உள்ளிட்ட 5 மாவட்டங்களில் மிக கனமழை பெய்யும் எனவும் இந்திய வானிலை ஆய்வு மையம் கணித்துள்ளது.

பொதுமக்கள் தேவையின்றி வீடுகளை விட்டு வெளியே வர வேண்டாம் என்றும், பூங்காக்கள், கடற்கரைகள் போன்ற பகுதிகளுக்குச் செல்ல வேண்டாம் என்றும் அந்தந்த மாவட்ட நிர்வாகம் சார்பில் அறிவுறுத்தப்பட்டுள்ளது. 

வேகத்தை கூட்டிய டிட்வா:

சென்னைக்கு 400 கிலோமீட்டர் தொலைவில் நகர்ந்து வரும், இந்த புயலானது வடமேற்கு நோக்கி நகர்ந்து நாளை அதிகாலையில் வட தமிழ்நாடு, புதுச்சேரி அருகே தெற்கு ஆந்திரா பிரதேச கடல்களுக்கு அருகே வந்தடையும் என கணிக்கப்பட்டுள்ளது. காரைக்காலிருந்து 110 கிலோமீட்ட தொலைவிலும் புதுச்சேரியிலிருந்து 300 கிலோமீட்ட தொலைவிலும் சென்னையிலிருந்து 400 கிலோமீட்டர் தொலைவிலும் தற்பொழுது இந்த புயலானது மையம் கொண்டிருக்கிறது. இன்று காலை 2:30 மணி நிலைவரப்படி அந்த வேகத்தை ஒப்பிடும் பொழுது தற்பொழுது அதனுடைய வேகம் என்பது சற்று அதிகரித்திருக்கிறது. 

இதனால் வடகடலோர பகுதிகளை ஒட்டியுள்ள மாவட்டங்கள்ல் காற்றுடன் கூடிய கடல் சீற்றம் அதிகமாக இருக்கும் என்றும், வடகடலோர பகுதிகளில் ஒட்டி இருக்கக்கூடிய மாவட்டங்களில் கனமழைமுதல் மிக அதிக கனமழை பெய்யும் என்றும் இந்திய வானிலை ஆய்வு மையம் எச்சரித்துள்ளது. திருவள்ளூர் மாவட்டம் பொன்னேரி, மீஞ்சூர், பழவேற்காடு, தச்சூர், சோழவரம், செங்குன்றம், புழல், கும்மிடிப்பூண்டி சுற்றுவட்டார பகுதிகளில் பரவலாக மிதமான மழை பெய்து வருகிறது.

இதையும் படிங்க: ‘டிட்வா’ புயல் எதிரொலி..!! தமிழகத்திற்கு 'ரெட் அலர்ட்'..!! இன்று 54 விமானங்கள் ரத்து..!!