நெருங்கும் இடைத்தேர்தல்... திமுக வேட்பாளர் சுகன்யா வேட்பு மனுத் தாக்கல்..!! பரபரக்கும் தாராபுரம்..!!

தாராபுரம் தனி சட்டமன்றத் தொகுதிக்கான இடைத்தேர்தலில் திமுக சார்பில் போட்டியிடும் வழக்கறிஞர் சுகன்யா இன்று வேட்பு மனுவை தாக்கல் செய்துள்ளார். இந்நிகழ்வு தொகுதியில் பெரும் உற்சாகத்தை ஏற்படுத்தியுள்ள நிலையில், முன்னாள் அமைச்சர் எம்.ஆர்.கே. பன்னீர்செல்வம் இதுகுறித்து விரிவாகக் கருத்து தெரிவித்துள்ளார்.

எம்.ஆர்.கே. பன்னீர்செல்வம் பேசுகையில், “தாராபுரம் தொகுதியில் திமுகவின் வேட்பாளராக அறிவிக்கப்பட்ட சுகன்யா இன்று வேட்பு மனுவை தாக்கல் செய்திருப்பது கட்சிக்கு மட்டுமல்ல, முழு தொகுதி மக்களுக்கும் மகிழ்ச்சியான செய்தியாகும். இவர் வழக்கறிஞராக பணியாற்றி வருபவர்.

மக்களின் பிரச்சினைகளை நேரடியாக அறிந்து, அவற்றை தீர்க்கும் வகையில் செயல்படும் அனுபவம் கொண்டவர். கட்சியின் அடித்தட்டு அளவில் நீண்டகாலமாக பணியாற்றி, மக்கள் மத்தியில் நல்ல பெயர் எடுத்துள்ளார். தலைவர் மு.க. ஸ்டாலின் அவர்களின் தலைமையில் இத்தகைய இளம் மற்றும் திறமையான தலைவர்களை களம் இறக்குவது திமுகவின் வலிமையை மேலும் உயர்த்தும்” என்று குறிப்பிட்டார்.

இதையும் படிங்க: அடுத்தடுத்து திமுக தலையில் இறங்கும் பேரிடி... சேகர்பாபு, ஆ.ராசாவை அடுத்து சிக்கலில் சிக்கிய முக்கிய புள்ளி...!

சுகன்யாவின் வேட்பு மனு தாக்கல் நிகழ்வுக்குப் பிறகு தொகுதியில் கட்சி நிர்வாகிகளும் தொண்டர்களும் பெரும் உற்சாகத்துடன் வரவேற்றுள்ளனர். மக்கள் மத்தியில் சுகன்யாவுக்கு நல்ல ஆதரவு இருப்பதாகவும், அதனை மேலும் வலுப்படுத்தும் வகையில் பிரச்சாரப் பணிகள் தீவிரமாக நடைபெறும் என்றும் கட்சி வட்டாரங்கள் தெரிவிக்கின்றன. தாராபுரம் தொகுதியில் திமுகவின் இந்த முயற்சி மக்களின் நம்பிக்கையை வென்றெடுக்கும் என்பதில் எம்.ஆர்.கே. பன்னீர்செல்வம் உள்ளிட்ட மூத்த தலைவர்கள் உறுதியாக உள்ளனர்.

இதையும் படிங்க: நாங்க திமுக மாதிரி கிடையாது! தப்பு பண்ணினால் யாராக இருந்தாலும் விடமாட்டோம்! அமைச்சர் விக்னேஷ் அதிரடி!