காங்கிரசுக்கு 39+ 1? திமுக - காங்கிரஸ் தொகுதி பங்கீடு பேச்சு வார்த்தை தீவிரம்.!!

திமுக - காங்கிரஸ் இடையேயான கூட்டணி தமிழக அரசியலில் கடந்த இருபது ஆண்டுகளுக்கும் மேலாக ஒரு மிக முக்கியமான அம்சமாக இருந்து வருகிறது. இந்தக் கூட்டணியின் வேர்கள் 2004-ஆம் ஆண்டு தொடங்குகின்றன. அப்போது ஜெயலலிதா ஆட்சியில் இருந்த அதிமுகவுக்கு எதிராக அப்போதைய திமுக தலைவர் கருணாநிதி காங்கிரஸுடன் கை கோர்த்தார். அதற்குப் பிறகு 2006 சட்டமன்றத் தேர்தலில் இந்தக் கூட்டணி வெற்றி பெற்று திமுக ஆட்சியை அமைத்தது. காங்கிரஸ் அமைச்சர்களைப் பெற்றது.

அதன் பிறகு 2011, 2016 தேர்தல்களில் திமுக எதிர்க்கட்சியாக இருந்தாலும் கூட்டணி தொடர்ந்தது. 2019 மக்களவைத் தேர்தலில் இரு கட்சிகளும் இணைந்து அதிமுக-பாஜக கூட்டணியை சந்தித்தன. ஆனால் 2021 சட்டமன்றத் தேர்தலில் தான் இந்தக் கூட்டணி மிகப் பெரிய வெற்றியைப் பெற்றது. திமுக தலைமையிலான கூட்டணி 159 தொகுதிகளில் வென்றது. அதில் காங்கிரஸ் 25 தொகுதிகளில் போட்டியிட்டு பெரும்பாலானவற்றில் வெற்றி பெற்றது. இது இரு கட்சிகளுக்கும் பெரும் நம்பிக்கையை அளித்தது.2024 மக்களவைத் தேர்தலில் தமிழகத்தில் உள்ள 39 தொகுதிகளிலும் இந்தக் கூட்டணி முழுமையாக வென்றது.

காங்கிரஸ் 9 தொகுதிகளில் போட்டியிட்டு 8 இடங்களில் வென்றது. இது தேசிய அளவில் காங்கிரஸுக்கு மிகப் பெரிய ஊக்கமாக அமைந்தது. திமுகவின் தலைமையில் இருந்த இந்த வெற்றி இரு கட்சிகளுக்கும் இடையேயான நம்பிக்கையை மேலும் உறுதிப்படுத்தியது. 2026 சட்டமன்ற தேர்தலையும் காங்கிரஸ்  திமுகவுடன் கூட்டணியில் இணைந்து சந்திக்க இருக்கிறது. இந்த நிலையில் தொகுதி பங்கீடு பேச்சு வார்த்தை இன்று நடைபெறுகிறது.

இதையும் படிங்க: கிராம கோயில் பூசாரிகள் மாநாடு... 11 மாஸ் அறிவிப்புகளை வெளியிட்ட முதல்வர்..!! செம்ம குஷி..!!

முதற்கட்ட தொகுதி பங்கீடு பேச்சுவார்த்தை சென்னை அண்ணா அறிவாலயத்தில் தொடங்கியது. டி.ஆர் பாலு தலைமையிலான திமுக குழுவினருடன் கிரிஷ் ஜோடங்கர் தலைமையிலான காங்கிரஸ் குழுவினர் பேச்சுவார்த்தையில் ஈடுபட்டுள்ளனர். காங்கிரஸ் கட்சி சார்பில் செல்வப் பெருந்தகை, கிரிஷ் ஜோடங்கர் ஆகியோர் சென்றுள்ளனர். காங்கிரஸ் சார்பில் 39 தொகுதிகளையும் ஒரு ராஜிய சபா சீட் கேட்க இருப்பதாக தகவல் வெளியாகி உள்ளது. காங்கிரஸ் கட்சிக்கு 22 தொகுதிகளை மட்டுமே அளிக்க திமுக தலைமை தயாராக இருப்பதாகவும் கூறப்படுகிறது. கட்சி அதிகாரத்தில் பங்கு என்ற கோரிக்கையை திமுக நிராகரித்துவிட்டதாகவும் கூறப்பட்டுள்ளது.

இதையும் படிங்க: திமுக மேல ஓபிஎஸ்- க்கு நம்பிக்கை... அதான் வந்துட்டாரு..!! MP கனிமொழி பேட்டி.!!