எது மத்திய அரசு, எது மாநில அரசுனு கூட வித்தியாசம் தெரியல.. அதிமுகவை விளாசிய கனிமொழி..!

தூத்துக்குடியில் நடைபெற்ற நிகழ்ச்சியில் பேசிய திமுக எம்.பி கனிமொழி, இனிமேல் எந்த காலத்திலும் பாஜகவோடு நாங்கள் கூட்டணி சேர மாட்டோம், அவர்களுடன் கூட்டணி இல்லை என்று கூறிவிட்டு, இப்போது திடீரென்று எல்லாவற்றையும் மறந்துவிட்டு கூட்டணி தேர்தல் வியூகம் அமைக்கிறோம் என்று சொல்லி யார் தமிழ்நாட்டுக்கு துரோகம் செய்கிறார்களோ அவர்களை விட மிகப்பெரிய துரோகிகளாக அதிமுக அவர்களுடன் சேர்ந்துவிட்டது. அதனால் தான் அவர்களை வீடு வீடாக போய் அடையாளம் காட்டக்கூடிய வாய்ப்பு நமக்கு கிடைத்தது என்று கூறினார். 

அதே நேரத்தில் இத்தனை தாக்குதல்கள்... மத்திய அரசு நம் தமிழ் அடையாளங்கள் மீது நம்முடைய சரித்திரத்தை மாற்ற வேண்டும், மொழியை மாற்ற வேண்டும், தொகுதி சீரமைப்பு என்று கூறி பாராளுமன்ற மக்களவை உறுப்பினர்களுடைய எண்ணிக்கையை குறைக்க நினைக்கக்கூடிய ஒரு பாஜக அரசு ஆட்சி நடக்கிறது. இன்று 39 பேராக இருப்பது நாளை 20 பேராக குறைந்தால் அவ்வளவு பெரிய மன்றத்தில் நாம் பேசுவது எடுபடாது. அதனால் அந்த நிலையை நாம் அடைந்துவிடக்கூடாது என்று தொடர்ந்து எதிர்த்து போராடிக்கொண்டிருக்கின்றவர் நம் முதலமைச்சர் மு.க ஸ்டாலின் என்று கனிமொழி தெரிவித்தார். 

இதையும் படிங்க: தொடரும் வெடிகுண்டு மிரட்டல்.. எடப்பாடிக்கு Z+ பாதுகாப்பை வரவேற்கும் R.B.உதயகுமார்

மேலும் புதிதாக அரசியலுக்கு வந்து ஜெயித்து விடுவேன் என்று நினைத்து எது மத்திய அரசு, எது மாநில அரசு என்று வித்தியாசமே தெரியவில்லை. ஆட்சி மாற்றம் டெல்லியில் வரும்போது செய்து தருகிறோம் என்று சொன்னோம். வித்தியாசம் தெரியாமல் பேசக்கூடியவர்கள் எல்லாம் இன்று தேர்தலில் நிற்பதற்கு, வாக்கு கேட்பதற்கு வந்துகொண்டிருக்கிறார்கள். அதை மக்களுக்கு புரிய வைக்க வேண்டும் என்று கூறினார். 

என்ன அழுத்தம் கொடுத்தாலும் தமிழ்நாட்டின் வளர்ச்சியை எந்த இடத்திலும் தடை இல்லாமல் கொண்டு சென்று, அதே நேரத்தில் நம்முடை உரிமைகளையும் பாதுகாக்கக்கூடிய ஆட்சி திமுக ஆட்சி மட்டும்தான் என்பதை எடுத்துச்சொல்லக்கூடிய ஒரு வாய்ப்பு இந்த வாய்ப்பு என்று தெரிவித்தார். 

இதையும் படிங்க: காங்கிரசை விட கூடுதலை தொகுதி வேணும்..! திமுகவிடம் அடம்பிடிக்கும் விசிக! தலைவலியில் ஸ்டாலின்!