வாயை வாடகைக்கு விட்ட ஆர்.பி.உதயகுமாருக்கு தக்க பாடம் புகட்டப்படும் ... திமுக நிர்வாகி எச்சரிக்கை...!

மூன்று துறை அமைச்சராகவும், எம்எல்ஏவாகவும் இருந்த அதிமுக ஆர் . பி. உதயகுமார் , இதுவரை பொதுமக்களுக்கும், இளைஞர்களுக்கும் எந்தவித வேலை வாய்ப்பையும் ஏற்படுத்தவில்லை - மக்களுக்கான அடிப்படை வசதியும் செய்து தரவில்லை - தனது வாயை வாடகைக்கு விட்டு திமுக தலைவரையும், நிர்வாகிகளையும் அவதூறாக பேசி வருவதை வாடிக்கையாக கொண்டுள்ளார் - கலைஞர் கருணாநிதியின் 102 வது பிறந்த நாளை முன்னிட்டு, நலத்திட்ட உதவிகள் வழங்கும் விழாவில் சேடப்பட்டி மணிமாறன் சாடினார்.

 மதுரை மாவட்டம் திருமங்கலம் அருகே கே. வெள்ளாகுளம் கிராமத்தில், மறைந்த முன்னாள் முதல்வரும், கலைஞர் கருணாநிதியின் 102 வது பிறந்த நாளை கொண்டாடும் வகையில், திருமங்கலம் தொகுதி முழுவதும் ஒரு லட்சத்து 50 ஆயிரம் குடும்பங்களுக்கு நலத்திட்ட உதவிகளை நேற்று முதல் துவக்கி வைத்து, கிராமம் கிராமமாக திமுக நிர்வாகிகள் பல்வேறு நலத்திட்ட உதவிகளை வழங்கி வருகின்றனர்.

இதையும் படிங்க: சாத்தான் வேதம் ஒதுவது போல் உள்ளது... ஸ்டாலினை வெளுத்து வாங்கிய எடப்பாடி பழனிசாமி!!

இன்று கே. வெள்ளா குளம் கிராமத்தில் நடைபெற்ற நலத்திட்ட உதவிகள் வழங்கும் விழாவில் பேசிய , மதுரை தெற்கு மாவட்ட திமுக செயலாளர் சேடப்பட்டிமணிமாறன், கடந்த மூன்று முறை எம்எல்ஏவாகவும், மூன்று துறைகளில் அமைச்சராகவும் இருந்து வந்த ஆர். பி .உதயகுமார் இதுவரை திருமங்கலம் தொகுதியில் எந்தவித அடிப்படை வசதிகளோ, பொதுமக்களின் பிரச்சனைகளுக்கும், எவ்வித வேலைவாய்ப்பையும் செய்து கொடுக்காமல், தனது வாயை வாடகைக்கு விட்டு எதிர்க்கட்சியைச் சார்ந்த திமுக நிர்வாகிகளையும் , தமிழக முதல்வர் திமுக தலைவரையும் அவதூறாக பேசி வருவதை வாடிக்கையாக கொண்டுள்ளார்.

இதற்கு தக்க பாடத்தினை வரும் தேர்தலில் பொதுமக்கள், ஆர்.பி உதயகுமாரை தொகுதியை விட்டு விரட்டி யடிக்கும் வகையில் வாக்களிப்பார்கள் என சேடப்பட்டி மணிமாறன் பேசினார்.  இதனை தொடர்ந்து,  கே. வெள்ளா குளம் கிராம மக்களுக்கு நலத்திட்ட உதவிகளையும் வழங்கி மகிழ்ந்தார்.

இதையும் படிங்க: எப்படியாவது கூட்டணியை உடச்சிடலாம்னு நினைக்கிறீங்க.. ஆனால்... நயினார் நாகேந்திரன் அதிரடி!!