“வெல்லும் படை இது.. விலகிடு விலகிடு”!! தேர்தல் பிரச்சார பாடலை வெளியிட்டார் கமல்ஹாசன்..!!

தமிழ்நாட்டில் அடுத்த சட்டமன்றத் தேர்தல் வருகிற ஏப்ரல் 23-ஆம் தேதி ஒரே கட்டமாக நடைபெற உள்ளது. 234 தொகுதிகளுக்கும் வாக்குப்பதிவு நடைபெறும் இந்தத் தேர்தலில், திமுக தலைமையிலான கூட்டணி, அதிமுக தலைமையிலான கூட்டணி, நாம் தமிழர் கட்சி மற்றும் தமிழக வெற்றிக் கழகம் (தவெக) ஆகியவை இடையே நான்கு முனைப் போட்டி உருவாகியுள்ளது. இது தமிழக அரசியல் வரலாற்றில் மிகுந்த எதிர்பார்ப்பையும் பரபரப்பையும் ஏற்படுத்தியுள்ளது.

தேர்தல் பிரசாரம் தீவிரமடைந்துள்ள நிலையில், அரசியல் கட்சிகளின் பிரசார நடவடிக்கைகள் நாளை (ஏப்ரல் 21) மாலை 5 மணியுடன் நிறைவடைய உள்ளன. இதையொட்டி, மாநிலம் முழுவதும் வீதி வீதியாக, ஊர் ஊராக தீவிர வாக்கு சேகரிப்பு மற்றும் பிரசாரப் பணிகள் மும்முரமாக நடைபெற்று வருகின்றன. வெயில் கொளுத்தும் காலநிலையிலும் தலைவர்கள் மற்றும் தொண்டர்கள் அயராது உழைத்து வருகின்றனர்.

முதலமைச்சர் மு.க.ஸ்டாலின் தலைமையிலான திமுக கூட்டணி, தங்கள் ஆட்சியின் சாதனைகளை முன்னிறுத்தி வாக்கு கேட்டு வருகிறது. அதிமுக பொதுச் செயலாளர் எடப்பாடி பழனிசாமி தலைமையிலான கூட்டணி, எதிர்க்கட்சி அரசியலை வலுவாக முன்வைத்து மக்களிடம் சென்று கொண்டிருக்கிறது. நாம் தமிழர் கட்சியின் தலைமை ஒருங்கிணைப்பாளர் சீமான், தமிழ் தேசிய அடையாளத்தையும் இளைஞர்களின் ஆதரவையும் நம்பி தீவிர பிரசாரத்தில் ஈடுபட்டுள்ளார்.

இதையும் படிங்க: விருப்ப மனுவுக்கு கட்டின காசை கட்சி வளர்சிக்கு வச்சிக்குங்க!! ரூ.12.50 லட்சத்தை வழங்கிய மநீம நிர்வாகிகள்!

தமிழக வெற்றிக் கழகத்தின் தலைவர் விஜய், புதிய அரசியல் சக்தியாக உருவெடுத்து, தனித்து நின்று போட்டியிடும் முடிவுடன் மக்களைச் சந்தித்து வருகிறார். இந்தத் தேர்தல் களத்தில், நடிகரும் மக்கள் நீதி மய்யம் (ம.நீ.ம.) கட்சித் தலைவருமான கமல்ஹாசன் முக்கியப் பங்கு வகித்து வருகிறார். அவரது கட்சி இந்தத் தேர்தலில் போட்டியிடாவிட்டாலும், திமுக கூட்டணியை வலுவாக ஆதரித்து, அதன் வேட்பாளர்களுக்காக தீவிரமாகப் பிரசாரம் செய்து வருகிறார்.

https://x.com/i/status/2046162374953169143

பல்வேறு இடங்களில் நடைபெறும் பொதுக்கூட்டங்கள் மற்றும் சாலைப் பிரசாரங்களில் கமல்ஹாசன் பங்கேற்று, மக்களிடையே உற்சாகத்தை ஏற்படுத்தி வருகிறார். இந்தச் சூழலில், சட்டமன்றத் தேர்தலை முன்னிட்டு கமல்ஹாசன் ஒரு தேர்தல் பிரசாரப் பாடலை வெளியிட்டுள்ளார். “தலைவன் இருக்கின்றான்” என்ற முழக்கத்தை மையமாகக் கொண்டு உருவாக்கப்பட்ட இந்தப் பாடல், திமுக கூட்டணியின் வெற்றியை வலியுறுத்தும் வகையில் அமைந்துள்ளது. இது தொண்டர்கள் மற்றும் ஆதரவாளர்களிடையே பெரும் வரவேற்பைப் பெற்றுள்ளது.

பாடலின் வரிகள், தலைமையின் உறுதியையும், மக்களுக்கான அர்ப்பணிப்பையும் எடுத்துக்காட்டுகின்றன. தமிழகம் முழுவதும் வாக்காளர்களிடையே பெரும் எதிர்பார்ப்பு நிலவும் இந்தத் தேர்தலில், வாக்குப்பதிவு தினமான ஏப்ரல் 23-ஆம் தேதி மக்கள் பெரும் எண்ணிக்கையில் வாக்களிக்க வேண்டும் என்று அனைத்துக் கட்சித் தலைவர்களும் வலியுறுத்தி வருகின்றனர். வாக்கு எண்ணிக்கை மே 4-ஆம் தேதி நடைபெற உள்ளது. இந்தத் தேர்தல் முடிவுகள், தமிழ்நாட்டின் அடுத்த ஐந்தாண்டு ஆட்சியைத் தீர்மானிக்கும் முக்கியமானதாகக் கருதப்படுகிறது.

இதையும் படிங்க: கமலுக்கு எப்படி நன்றி சொல்வது என்றே தெரியவில்லை! முதல்வர் மு.க.ஸ்டாலின் நெகிழ்ச்சி!