ஒவ்வொரு ஓட்டும் ரன் போல..! இந்திய தேர்தல் ஆணையம் நூதன விழிப்புணர்வு...!

டி20 உலகக் கோப்பை தொடரின் லீக் சுற்றில் இந்திய அணி பாகிஸ்தானை அபாரமாக வீழ்த்தி வெற்றி பெற்றது. அந்த வெற்றி நாடு முழுவதும் பெரும் உற்சாகத்தை ஏற்படுத்தியது. இதைப் பயன்படுத்திக்கொண்டு, தேர்தல் ஆணையம் தனது அதிகாரப்பூர்வ சமூக ஊடக பக்கங்களில் ஒரு அற்புதமான பதிவை வெளியிட்டது. "ஒவ்வொரு ரன் போலதான் ஒவ்வொருவரின் ஓட்டும் முக்கியம்" என்று எழுதி, கிரிக்கெட்டின் ரன்களை ஜனநாயகத்தின் வாக்குகளோடு ஒப்பிட்டிருந்தார்கள்.

கிரிக்கெட்டில் ஒரு ரன் கூட அணியின் வெற்றிக்கு எவ்வளவு முக்கியமோ, அதேபோல் ஒவ்வொரு வாக்கும் நாட்டின் எதிர்காலத்தைத் தீர்மானிக்கும் என்ற செய்தியை அழகாகக் கொண்டு சேர்த்திருந்தார்கள். இந்த பதிவு வெறும் வார்த்தைகளாக மட்டும் இல்லை. இந்திய அணியின் வெற்றிப் புகைப்படங்களோடு, வாக்காளர் பதிவு செய்ய வேண்டியதன் அவசியத்தை நினைவூட்டும் வகையில் வடிவமைக்கப்பட்டிருந்தது. கிரிக்கெட் ரசிகர்கள் மத்தியில் இது மிகுந்த வரவேற்பைப் பெற்றது.

ஏனென்றால், கிரிக்கெட் என்பது இந்தியாவில் உணர்வு பூர்வமான ஒன்று. கோடிக்கணக்கான இளைஞர்கள், இளம் வாக்காளர்கள் கிரிக்கெட்டை ஆர்வமாகப் பின்தொடர்பவர்கள். அவர்களைத் தொடும் வகையில் தேர்தல் ஆணையம் இந்த அணுகுமுறையைத் தேர்ந்தெடுத்திருப்பது மிகவும் புத்திசாலித்தனமானது. டி20 உலகக் கோப்பை கிரிக்கெட் தொடரின் லீக் போட்டியில் பாகிஸ்தானை வீழ்த்திய இந்திய அணிக்கு தேர்தல் ஆணையம் வாழ்த்து தெரிவித்தது 

இதையும் படிங்க: புதுவையில் இறுதி வாக்காளர் பட்டியல் வெளியீடு...! தேர்தல் ஆணையம் அதிகாரப்பூர்வ அறிவிப்பு..!

கிரிக்கெட்டில் எப்படி ஒவ்வொரு ரன்னும் முக்கியமோ அதுபோல் தான் ஜனநாயகத்திற்கு ஒவ்வொரு ஓட்டும் முக்கியம் என்றும் படிவம் 6-ஐ நிரப்பி உங்களின் வாக்களிக்கும் உரிமையை இன்றே பதிவு செய்யுங்கள் எனவும் கூறி உள்ளது. கிரிக்கெட் அணிக்கு வாழ்த்து கூறி வாக்களிக்கும் உரிமை குறித்து நூதன பிரச்சாரம் செய்த இந்திய தேர்தல் ஆணையத்தின் செயல் கவனத்தைப் பெற்றுள்ளது.

இதையும் படிங்க: ஓயாத பிரச்சனை..! அன்புமணிக்கு ஏன் அங்கீகாரம்? டெல்லி ஐகோர்ட்டில் தேர்தல் ஆணையம் விளக்கம்..!