"அதிமுக மகளிர் அணி நிர்வாகிகள் கூட்டம்"..! EPS பங்கேற்பு... தலைமைக் கழகம் முக்கிய அறிவிப்பு..!!

2026 ஏப்ரல் 23 அன்று நடைபெற்ற தமிழ்நாடு சட்டமன்றத் தேர்தல் முடிவுகள் தமிழ்நாட்டின் அரசியல் வரலாற்றில் ஒரு திருப்புமுனையை ஏற்படுத்தின. நடிகர் விஜய் தலைமையிலான தமிழக வெற்றிக் கழகம் 108 தொகுதிகளில் வெற்றி பெற்று மிகப்பெரிய கட்சியாக உருவெடுத்தது. திமுக கூட்டணி 73 இடங்களிலும், அதிமுக தலைமையிலான கூட்டணி 53 இடங்களிலும் வெற்றி பெற்றன. இதன்மூலம் தவெக ஆட்சி அமைத்தது, அதிமுக மூன்றாவது இடத்துக்கு தள்ளப்பட்டது. இந்தத் தோல்வி அதிமுகவுக்கு பெரும் அதிர்ச்சியை ஏற்படுத்தியது.

ஜெயலலிதா காலத்துக்குப் பிறகு ஏற்கெனவே பல தேர்தல் தோல்விகளைச் சந்தித்த கட்சி, இந்த முறை மேலும் பலவீனமடைந்த நிலையில், உள்ளார்ந்த நெருக்கடிகளும் தலைமைப் போட்டிகளும் வெளிப்பட்டன. அதிமுக பெரும் சறுக்களை சந்தித்த நிலையில் அதனை மீட்டெடுக்க முயற்சிகள் மேற்கொள்ளப்பட்டு வருகின்றன.

இந்த நிலையில், அனைத்திந்திய அண்ணா திராவிட முன்னேற்றக் கழகத்தின் தலைமைக் கழகம் சார்பில் முக்கிய அறிவிப்பு ஒன்று வெளியிடப்பட்டுள்ளது. அண்ணாத்திந்திய அண்ணா திராவிட முன்னேற்றக் கழக மகளிர் அணியின் செயல்பாடுகள் குறித்தும், கழக வளர்ச்சிப் பணிகளில் மகளிரின் பங்கு குறித்தும் ஆலோசனைக் கூட்டம் நடைபெற உள்ளதாக அறிவிக்கப்பட்டுள்ளது. கழக மகளிர் அணியி மாதிரி நிர்வாகிகள், மாவட்ட மகளிர் அணியின் செயலாளர்கள், கழக அமைப்பு ரீதியாக செயல்பட்டு வரும் மாவட்டங்களின் தேர்ந்த, மாவட்டக் கழக இணைச் செயலாளர்கள், மாவட்டக் கழக துணைச் செயலாளர்கள், தேர்ந்தெடுக்கப்பட்ட மகளிர் கழகப் பொதுக்குழு உறுப்பினர்கள், மகளிர் கழக செய்தித் தொடர்பாளர்கள் பங்கிற்கு அறிவுறுத்தப்பட்டுள்ளது.

இதையும் படிங்க: “ஜோசப் விஜய் பெயரைக் கேட்டாலே...” - எதிர்க்கட்சிகளை எச்சரித்த செங்கோட்டையன்... இபிஎஸுக்கு சொன்ன மறைமுக மெசெஜ்...!

அதிமுக தலைமையகமான எம்.ஜி.ஆர். மாளிகையில், வருகின்ற 01.07.2026 புதன் கிழமை காலை 10 மணியளவில் நடைபெற உள்ளது. அதிமுக பொதுச்செயலாளர் எடப்பாடி பழனிச்சாமி இந்த ஆலோசனைக் கூட்டத்தில் கலந்துகொண்டு பல்வேறு ஆலோசனைகளை வழங்க உள்ளதாக தெரிவிக்கப்பட்டுள்ளது.

இதையும் படிங்க: "ஹெட்லைன் நியூஸ்" ஆகுறதுக்காக-லாம் பேசக்கூடாது.! பேரவை உறுப்பினர்களுக்கு சபாநாயகர் அறிவுரை..!!