தாராபுரத்தில் மண்ணைக் கவ்வும் தவெக... விவசாயிகள் கூட்டாக சேர்ந்து செய்த காரியம்... சி.எம்.விஜய்க்கு செம்ம ஷாக்...!

இடைத்தேர்தல் நடைபெறும் தாராபுரம் தொகுதியில் அரசியல் கட்சிகளின் கவனத்தை ஈர்க்கவும், வறட்சியை போக்க உப்பாறு அணைக்கு தண்ணீர் கேட்டும் விவசாயிகள் தேர்தல் நடத்தும் அதிகாரியான கோட்டாச்சியர் அலுவலகத்தில் திரண்டதால் பரபரப்பு நிலவியது.

தாராபுரம் தொகுதிக்குட்பட்ட குண்டடம் அருகே உள்ள உப்பாறு அணை தண்ணீர் இன்றி வறண்டு கிடப்பதால் இதனை நம்பி உள்ள 4 ஊராட்சிகளின் 30 கிராமங்களில் கடும் வறட்சி நிலவுகிறது.  இதனை போக்க, அமராவதி ஆற்றில் வெள்ள காலங்களில் வீணாக காவிரியில் கலக்கும் உபரிநீரை நீரேற்றம் செய்து உப்பாறு அணைக்கு கொண்டு வர வேண்டும், அல்லது பரம்பிகுளம் ஆழியாறு திட்டத்தின் தொகுப்பில் உள்ள இந்த உப்பாறு அணைக்கு அரசூரில் இருந்து குழாய் வழியாக அரை டிஎம்சி தண்ணீர் வழங்க வேண்டும் என வலியுறுத்தி வருகின்றனர்.

இடைத்தேர்தலில் மாநில அளவில் கவனம் பெற்றுள்ள தாராபுரம் தொகுதியில் நிலவும் பிரச்சனையை வெளிப்படுத்துவதற்காக உப்பாறு அணையை சுற்றி உள்ள கிராமங்களில் இருந்து திரளாக வந்த விவசாயிகள் தேர்தல் நடத்தும் அலுவலரான வருவாய் கோட்டாச்சியரை சந்திக்க சென்றனர்.

இதையும் படிங்க: செல்லும் இடமெல்லாம் எதிர்ப்பு - சத்தியசோதனை தாங்காமல் சத்யபாமா எடுத்த அதிரடி முடிவு...!

ஆனால் தேர்தல் நடத்தை விதிகள் இருப்பதால் அவர் சந்திக்க மறுத்து பெட்டியில் மனுவை அளிக்க அறிவுறுத்தினார். இதனையடுத்து அரசியல் கட்சி்பிரமுகர்களை சந்தித்து மனு அளிக்க இருப்பதாக விவசாயிகள் தெரிவித்தனர். 

கடும் வறட்சி நிலவுவதால் குடியிருக்கும், கால்நடைகளுக்கும் விலை கொடுத்து தண்ணீரை வாங்கி பயன்படுத்துவதாகவும், விவசாயம் பொய்த்து ஊரை காலி செய்யும் நிலை இருப்பதாகவும் வேதனை தெரிவித்தனர்.

வறட்சி காரணமாக தங்கள் பகுதி இளைஞர்களுக்கு திருமணத்திற்கும் பெண் தருவதில்லை என அவர்கள் கூறினர்.  நீர்பாசன திட்டத்தை நிறைவேற்றினால், தற்போது 2 ஆயிரம் அடிக்கும் கீழாக உள்ள நிலத்தடி நீர்மட்டம் உயர்ந்து தாராபுரம் தொகுதியின் பெருமளவு மக்கள் பயன் பெறுவார்கள் எனவும் கூறினர். இடைத்தேர்தலின் போது கவனத்தை ஈர்ப்பதற்காக தற்போது  கோரிக்கை மனுவை அளிக்க வந்ததாக விவசாயிகள் தெரிவித்தனர்.
 

இதையும் படிங்க: தவெக, திமுக, அதிமுக மூலதன கொள்ளைக்கு எதிரா பேசாது! தாராபுரத்தில் சிபிஐ வீரபாண்டியன் ஆவேச பேட்டி!