பள்ளி மாணவர்களுக்கு விலையில்லா மிதிவண்டி... தவெக அரசு வெளியிட்ட தடாலடி அறிவிப்பு...!

பள்ளி மாணவர்களுக்கான நவீன மிதிவண்டி வழங்கும் டெண்டரில், பொருட்களின் தரத்தை உயர்த்தும் வகையில் அரசு கொண்டு வந்துள்ள புதிய மாற்றங்கள் கவனம் பெற்றுள்ளன.

தமிழ்நாட்டில் பள்ளி மாணவ, மாணவிகளுக்கு நவீன மிதிவண்டிகள், ஹெல்மெட் மற்றும் தண்ணீர் பாட்டில்கள் வழங்குவதற்கான டெண்டர் நிபந்தனைகளில் பல்வேறு முக்கிய மாற்றங்களை பிற்படுத்தப்பட்டோர் நலத்துறை இயக்குநர் அலுவலகம் வெளியிட்டுள்ளது.

இதன்படி, டெண்டர் சமர்ப்பிப்பதற்கான அவகாசம் அக்டோபர் 13ஆம் தேதி வரை நீட்டிக்கப்பட்டுள்ளது.

புதிய விதிகளின்படி, மாணவிகளுக்கான மிதிவண்டிகள் லைலாக் நிறத்திலும், மாணவர்களுக்கான மிதிவண்டிகள் ஆர்மி கிரீன் நிறத்திலும் வழங்கப்பட வேண்டும் என உறுதியாகக் குறிப்பிடப்பட்டுள்ளது.

இதையும் படிங்க: மாணவர்களுக்கு மிதிவண்டி.. தமிழக அரசின் டெண்டரில் மாற்றம்..! அக்.13 வரை நீட்டிப்பு..!!

மேலும், டெண்டரில் பங்கேற்கும் நிறுவனங்களின் ஆண்டு வருவாய் மற்றும் உற்பத்தித் திறன் தொடர்பான நிபந்தனைகள் தளர்த்தப்பட்டுள்ளன.

அதன்படி, இரண்டு வகை மிதிவண்டிகளுக்கும் விண்ணப்பிப்பவர்கள் ஆண்டுக்கு ரூ.300 கோடி வருவாயும், 10 லட்சம் மிதிவண்டிகள் உற்பத்தி செய்யும் திறனும் பெற்றிருக்க வேண்டும் என்றும், அதேபோல் ஒரு வகை மிதிவண்டிக்கு மட்டும் விண்ணப்பிப்பவர்கள் ஆண்டுக்கு ரூ.150 கோடி வருவாயும், 5 லட்சம் மிதிவண்டிகள் உற்பத்தி செய்யும் திறனும் பெற்றிருந்தால் போதுமானது என்றும் மாற்றப்பட்டுள்ளது.

இருப்பினும், தரம் மற்றும் பாதுகாப்புக்கான விதிமுறைகள் மேலும் கடுமையாக்கப்பட்டுள்ளன. அந்த வகையில், மிதிவண்டியின் பிரேம் மற்றும் முன்புற ஃபோர்க் ஆகியவை டெண்டரில் பங்கேற்கும் நிறுவனத்தின் சொந்த உற்பத்தி நிலையிலேயே தயாரிக்கப்பட வேண்டும் என்றும், அவற்றை மூன்றாம் தரப்பிடம் ஒப்படைத்து தயாரிக்கக் கூடாது என்றும் தெரிவிக்கப்பட்டுள்ளது.

குறிப்பாக, ஹெல்மெட் மற்றும் தண்ணீர் பாட்டில்கள் உரிய பிஐஎஸ் மற்றும் என்ஏபிஎல் தரச்சான்றிதழ்களை கட்டாயம் பெற்றிருக்க வேண்டும் என்றும் குறிப்பிடப்பட்டுள்ளது.

மேலும், மிதிவண்டியின் பிரேம் பகுதியில் தமிழ்நாடு அரசின் சின்னம் லேசர் முறையில் பதிக்கப்பட்டிருக்க வேண்டும் என்றும், மிதிவண்டிகள் விநியோகிக்கப்பட்ட 30 நாட்களுக்குள் ஏற்படும் பழுதுகளை சரிசெய்ய வேண்டும் என்றும் புதிய திருத்தங்கள் செய்யப்பட்டுள்ளன.

இதையும் படிங்க: “உங்களுக்கு வெட்கம், மானம், சூடு சொரணை இல்லையா?”... தவெகவுக்கு தாவியவர்களை விளாசித் தள்ளிய பிரேமலதா...!