பச்சை பொய் பேசாதீங்க!! பாக்., மூக்குடைப்பு! இந்தியாவுக்கு ஆதரவாக களம் இறங்கிய பிரான்ஸ்!!

நம் ஜம்மு-காஷ்மீரின் அழகிய ஊர் பஹல்காமில் ஏப்ரல் 22, 2025 அன்று பயங்கரவாதிகள் நடத்திய கொடூர தாக்குதலில் 26 பேர் கொலைபோனார்கள். இந்த சம்பவம் இந்தியாவை அதிர்ச்சியடையச் செய்தது. இதற்கு பதிலடியாக, இந்திய ராணுவம் மே 7 அன்று 'ஆப்ரேஷன் சிந்தூர்' என்ற பெயரில் பெரிய அளவிலான நடவடிக்கையைத் தொடங்கியது. இந்த நடவடிக்கையில், பாகிஸ்தானில் உள்ள ஜெய்ஷ்-இ-மொஹம்மது மற்றும் லஷ்கர்-இ-தொய்பா போன்ற பயங்கரவாத அமைப்புகளின் முக்கிய முகாம்கள் தாக்கப்பட்டு அழிக்கப்பட்டன.

இந்தியாவின் துல்லியமான ஏவுகணை மற்றும் விமானத் தாக்குதல்கள் பயங்கரவாதிகளுக்கு பெரும் சேதத்தை ஏற்படுத்தின. 9 இடங்களில் நடந்த இந்தத் தாக்குதல்கள், பாகிஸ்தானின் பஞ்சாப் மாநிலம் மற்றும் பாகிஸ்தான் கட்டுப்பாட்டிலுள்ள காஷ்மீர் பகுதிகளைத் தாக்கியது. இதில் 80-100 பயங்கரவாதிகள் கொல்லப்பட்டதாக இந்தியா தெரிவித்தது. பயங்கரவாதிகளுக்கு ஆதரவாக இறங்கிய பாகிஸ்தான் ராணுவத்துக்கும் இந்த நடவடிக்கை கடும் அடியைத் தந்தது. 

பாகிஸ்தான் விமானங்கள் 12-13 எண்ணம் அழிக்கப்பட்டன. இறுதியில், பாகிஸ்தான் ராணுவம் சரணடைந்து கெஞ்சி கேட்டதால், இந்தியா இந்த நடவடிக்கையை தற்காலிகமாக நிறுத்தியது. இந்தியாவின் இந்த வெற்றி, பயங்கரவாதத்திற்கு எதிரான உறுதியான நிலைப்பாட்டை உலகிற்கு காட்டியது.

இதையும் படிங்க: இந்தியாவுடன் முழு வீச்சில் போர் வெடிக்கும்!! பாக்., அமைச்சர் திமிர் பேச்சு!! மீண்டும் போர் பதற்றம்!

இந்நிலையில், 'ஆப்ரேஷன் சிந்தூர்' நடவடிக்கையின் போது இந்தியாவின் ரபேல் போர் விமானம் பாகிஸ்தான் ராணுவத்தால் சுட்டு வீழ்த்தப்பட்டதாக பாகிஸ்தானின் பிரபல செய்தி சேனல் 'ஜியோ டிவி' நவம்பர் 21 அன்று ஒரு செய்தியை வெளியிட்டது. இந்த செய்தியில், பிரான்ஸ் நாட்டின் கடற்படை தளபதி 'ஜாக் லானே' என்றவர் இதை உறுதிப்படுத்தியதாகக் கூறப்பட்டது. ரபேல் விமானங்கள் பிரான்ஸ் தயாரிப்பு என்பதால், இந்த செய்தி பிரான்ஸ் அரசை அதிர்ச்சியடையச் செய்தது. 

ஆனால், இந்த செய்தி முற்றிலும் பொய்யானது என பிரான்ஸ் அரசு உடனடியாக கண்டித்தது. 'ஜியோ டிவி' வெளியிட்ட செய்தியில் குறிப்பிட்ட கடற்படை தளபதியின் பெயர் 'ஜாக் லானே' என்று தவறாகக் கூறப்பட்டுள்ளது. உண்மையான பெயர் 'கேப்டன் இவான் லானே' (Captain Yvan Launay) என்பதை பிரான்ஸ் கடற்படை தெளிவுபடுத்தியது. இவர் ரபேல் விமானங்களுக்கு கட்டளைகளை வழங்கும் பணியை மட்டுமே செய்து வருபவர். 'ஆப்ரேஷன் சிந்தூர்' போன்ற இந்தியா-பாகிஸ்தான் மோதலுடன் அவருக்கு எந்தத் தொடர்பும் இல்லை.

பிரான்ஸ் கடற்படை அதிகாரப்பூர்வ அறிக்கையில், "இந்த செய்தி முழுவதுமாக தவறான தகவல்களால் நிரம்பியுள்ளது. கேப்டன் லானே எந்தவித வெளியீடு அனுமதியும் அளிக்கவில்லை. அவர் இந்திய விமானங்கள் வீழ்ச்சியடைந்ததை உறுதிப்படுத்தவோ மறுக்கவோ இல்லை. சீன J-10 விமானங்களைப் பற்றியும் அவர் பேசவில்லை. இது தவறான தகவல் பரப்பலாகும்" என்று கூறியுள்ளது. பிரான்ஸ் அரசு 'ஜியோ டிவி' சேனலை கடுமையாகக் கண்டித்து, இது போன்ற பொய் செய்திகளை பரப்புவதை நிறுத்துமாறு வலியுறுத்தியது.

இந்த சம்பவம், பாகிஸ்தான் ஊடகங்களின் தவறான தகவல் பரப்பல் முறையை மீண்டும் ஒளிரச் செய்துள்ளது. 'ஆப்ரேஷன் சிந்தூர்' போன்ற நடவடிக்கைகளில் இந்திய ராணுவம் பெற்ற வெற்றியை மறைக்க, அந்நாட்டு ஊடகங்கள் இப்படி பொய் கதைகளை உருவாக்குகின்றன. பிரான்ஸ் அரசின் இந்த உறுதிமொழி, இந்தியாவின் நிலைப்பாட்டை வலுப்படுத்தியுள்ளது. உலக நாடுகள் அனைத்தும் பயங்கரவாதத்திற்கு எதிராக இணைந்து நிற்க வேண்டும் என்பதை இது நினைவூட்டுகிறது.

இதையும் படிங்க: டெல்லி கார் வெடிப்புக்கு பின்னணியில் பாக்.,!! பழி தீர்த்த மசூத் அசார்!! கணக்கு முடிக்க காத்திருக்கும் RAW!