பூதாகரமாக வெடிக்கும் பாலியல் வழக்கு..! ஜெம் வீரமணிக்கு சொந்தமான இடங்களில் அதிரடி ரெய்டு..!

சென்னை மத்திய குற்றப்பிரிவு காவல்துறையின் விசாரணையில் பெரிய அதிர்ச்சி அலை உருவாகியுள்ளது. பிரபல கிரானைட் தொழிலதிபரும் ஜெம் குழும நிறுவனங்களின் தலைவருமான ஆர். வீரமணி மீது சிறுமிகளைப் பாலியல் வன்கொடுமை செய்ததாக கடுமையான குற்றச்சாட்டுகள் எழுந்துள்ளன. இந்த வழக்கு போக்சோ சட்டத்தின் கீழ் பதிவு செய்யப்பட்டுள்ளது. தற்போது அவரது தொடர்புடைய இடங்களில் காவல்துறை ரெய்டு நடத்தி வருகிறது.இந்த வழக்கு கடந்த ஆண்டு அக்டோபர் மாதம் வெளிச்சத்துக்கு வந்தது.

ஒரு குழந்தைகள் நல ஆர்வலர் காவல்துறையிடம் ஒரு பென் டிரைவை ஒப்படைத்தார். அதில் ஒரு முதியவர் சிறுமியைப் பாலியல் ரீதியாகத் துன்புறுத்தும் காணொளி இருந்தது. ஆரம்பத்தில் பாதிக்கப்பட்ட சிறுமியை அடையாளம் காண முடியாமல் போலீசார் வழக்கை முடிக்க முயன்றனர். ஆனால் சிறப்பு போக்சோ நீதிமன்றம் அந்த அறிக்கையை நிராகரித்து மேலும் விசாரணை நடத்த உத்தரவிட்டது. இதையடுத்து விசாரணை தீவிரமடைந்தது.விசாரணையில் காணொளியில் தெரிந்த நபர் ஜெம் கிரானைட்ஸ் நிறுவனத்தின் நிறுவனர் வீரமணி என்பது உறுதியானது.

அவர் சுமார் 84 வயதானவர். தேனாம்பேட்டையில் வாடகைக்கு எடுக்கப்பட்ட ஒரு வீட்டில் இந்த சம்பவங்கள் நடந்ததாகக் கூறப்படுகிறது. அந்த வீட்டின் நிர்வாகத்தை சாந்தி என்ற பெண்ணும் அவரது கணவர் மகேந்திர சிம்ஹனும் கவனித்து வந்தனர். வீரமணி அடிக்கடி அங்கு சென்று வந்ததாகவும், ஏழைக் குடும்பங்களைச் சேர்ந்த சிறுமிகளுக்குக் கல்வி உதவி செய்வதாகக் கூறி அவர்களை அழைத்து வந்ததாகவும் புகார்கள் எழுந்துள்ளன.ஆகஸ்ட் மாத இறுதியில் காவல்துறை வீரமணி, சாந்தி மற்றும் மகேந்திர சிம்ஹன் ஆகியோரை கைது செய்தது. அவர்கள் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர். தொடர்ந்து நடைபெற்ற விசாரணையில் மேலும் பல சிறுமிகள் அடையாளம் காணப்பட்டுள்ளனர். அவர்களிடம் வாக்குமூலங்கள் பதிவு செய்யப்பட்டுள்ளன. குறைந்தபட்சம் ஒன்பது சிறுமிகள் பாதிக்கப்பட்டிருக்கலாம் என விசாரணை அதிகாரிகள் தெரிவிக்கின்றனர்.

இதையும் படிங்க: ஜெம் வீரமணி விஷயத்தில் அரசியல் கட்சித் தலைவர்களுக்கு தொடர்பு.? கட்டப்பஞ்சாயத்து, மிரட்டல்..! பூதாகரமாகும் பிரச்சனை.!!

சில சம்பவங்கள் பல ஆண்டுகளுக்கு முன்பே நடந்திருக்கலாம் எனவும் தகவல்கள் வெளியாகியுள்ளன.வீரமணியின் வீடுகள் மற்றும் அலுவலகங்களில் காவல்துறை சோதனை நடத்தியபோது புகைப்படங்கள் மற்றும் பிற ஆதாரங்கள் கைப்பற்றப்பட்டன. சாந்தியின் வீட்டிலும் மின்னணு சாதனங்களில் இருந்து கூடுதல் ஆதாரங்கள் கிடைத்தன. ஆதாரங்களை அழிக்க முயற்சி நடந்ததற்கான அறிகுறிகளும் கண்டறியப்பட்டன. சமீபத்தில் இந்த வழக்கில் நான்காவதாக மேலும் ஒருவர் கைது செய்யப்பட்டுள்ளார். ஜெம் கிரானைட்ஸ் நிறுவனத்தில் நீண்டகாலம் பணியாற்றிய கணேசன் என்பவரின் செல்போனில் சர்ச்சைக்குரிய காணொளி இருந்ததாகக் குற்றம் சாட்டப்பட்டுள்ளது. அவர் அதைக் காவல்துறையிடம் தெரிவிக்காமல் வைத்திருந்ததாகக் கூறப்படுகிறது.

இதையும் படிங்க: சிறுமிகளை சீரழித்த வீரமணி வழக்கில் திடீர் திருப்பம்... தோண்ட தோண்ட வெளியாகும் அதிர்ச்சி தகவல்கள்...!