விஜய் ஆட்சிக்கு 6 மாசம் டைம் கொடுங்க! மதுரை விமான நிலையத்தில் கமல்ஹாசன் பேட்டி!

தனது புதிய திரைப்படமான 'செய்யோன்' படத்தின் தொடக்க விழாவில் பங்கேற்பதற்காக இன்று அதிகாலை 1.00 மணிக்கு மதுரை வந்தடைந்த மக்கள் நீதி மய்யம் தலைவரும் உலகநாயகனுமான திரு. கமல்ஹாசன் அவர்கள், மதுரை விமான நிலையத்தில் செய்தியாளர்களைச் சந்தித்தார். அப்போது தற்போதைய தமிழக அரசியல் சூழல், புதிய தவெக அரசு, ரஜினியின் பேட்டி மற்றும் மும்மொழிக் கொள்கை குறித்துத் தனது பாணியில் சுவாரசியமாகவும் அதிரடியாகவும் பதிலளித்தார்.

தமிழகத்தில் முதலமைச்சர் விஜய் தலைமையிலான புதிய தவெக அரசு அமைந்துள்ளதைக் குறித்துக் கேட்கப்பட்ட கேள்விக்குக் கமல் கூறியதாவது. அவர்கள் பொறுப்பேற்று இரண்டு நாட்கள்தான் ஆகிறது. அதற்குள் ஆட்சியைப் பற்றிக் கருத்துச் சொன்னால் அது ஜோசியமாகத்தான் இருக்க முடியும். புதியவர்கள் நிறைய பேர் ஆட்சிக்கு வந்துள்ளனர், அவர்களுக்குக் குறைந்தது 6 மாத காலமாவது அவகாசம் கொடுக்க வேண்டும்.

அரசியலுக்குப் புதியவர்கள் என்று சொல்வது சரியல்ல. நமக்குச் சுதந்திரம் கிடைத்தபோது ஆட்சியில் அமர்ந்த அனைவரும் புதியவர்கள்தான். நீங்கள்தான் ஓட்டுப் போட்டீர்கள், எனவே நீங்கள்தான் கவனிக்க வேண்டும்; நாங்களும் உங்களைப்போலக் கண்காணிப்போம். திராவிடக் கட்சி இல்லாத புதிய ஆட்சி வந்திருப்பதாகச் சொல்கிறார்கள். ஆனால், தமிழ்நாட்டில் பிறந்து, தமிழ் பேசும் ஒருவர் கட்சி ஆரம்பித்து ஆட்சி நடத்தினாலே அது திராவிட ஆட்சிதான் எனத் தத்துவார்த்தமாகப் பதிலளித்தார்.

இதையும் படிங்க: என் மனைவியின் உயிரை காப்பாற்றுங்கள்! கலங்கிய நடிகர் முத்துக்காளைக்கு முதலமைச்சர் விஜய் செய்த பேருதவி!

தனது புதிய பட வேலைகளுக்காக மதுரை வந்துள்ள உலகநாயகன் கமல்ஹாசனின் இந்த அரசியல் கலந்த செய்தியாளர் சந்திப்பு, தற்போதைய தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.

இதையும் படிங்க: விஜய் காட்டிய அன்பு நெகிழ வெச்சுடுச்சு... முதல்வரிடம் 6 கோரிக்கைகள்... கமல்ஹாசன் MP உருக்கம்..!