கரீபியன் நாடுகளை புரட்டிப்போட்ட மெலிசா! 170 ஆண்டுகளில் இல்லாத பேரழிவு! 30க்கும் மேற்பட்டோர் பலி!

பசிபிக் பெருங்கடலில் உருவான மெலிசா புயல், கரீபியன் தீவு நாடுகளை கடுமையாகத் தாக்கியுள்ளது. ஜமைக்கா, ஹைதி, கியூபா ஆகிய நாடுகளில் சூறைக்காற்று, கனமழை, வெள்ளம் ஆகியவற்றால் பெரும் அழிவு ஏற்பட்டுள்ளது. இதுவரை 30-க்கும் மேற்பட்டோர் உயிரிழந்துள்ளனர். 170 ஆண்டுகளில் இல்லாத அளவு இந்தப் புயல் தாக்கம் கடுமையானது என்று அந்தப் பகுதி நாடுகள் தெரிவித்துள்ளன.

மெலிசா புயல் அக்டோபர் 28 அன்று ஜமைக்காவில் கேட்டகிரி 5 புயலாக (மணிக்கு 185 கிமீ வேக சூறைக்காற்று) கரையைத் தாக்கியது. இது அட்லாண்டிக் புயல்களில் ஒன்று என்று அமெரிக்க தேசிய புயல் மையம் (NHC) கூறுகிறது. ஜமைக்காவின் தெற்கு பகுதியான பிளாக் ரிவர் நகரம் மிகவும் பாதிக்கப்பட்டது. அங்கு வீடுகள் சேறும் சக்தியும் ஆகி விட்டன. மணிக்கு 200 கிமீ வேகத்தில் வீசிய காற்றால் மரங்கள், மின் கம்பங்கள் சாய்ந்தன. 77 சதவீத இடங்களில் மின்சாரம் துண்டிக்கப்பட்டது. 

12 முதல் 24 அங்குலம் (30-60 செ.மீ) வரை மழை பெய்ததால் வெள்ளம் ஏற்பட்டது. இதில் 5 பேர் உயிரிழந்தனர். அவர்களில் ஒரு குழந்தை மரம் விழுந்ததில் இறந்தது. 25,000 வெளிநாட்டு சுற்றுலாப்பயணிகள் பாதுகாப்புடன் இருப்பதாக ஜமைக்கா அரசு தெரிவித்துள்ளது. ஆனால், போக்குவரத்து முடக்கத்தால் மக்கள் தவிக்கின்றனர். நார்மன் மான்லி விமான நிலையம் மூடப்பட்டது. இப்போது உதவிகளை அனுப்ப படுகிறது.

இதையும் படிங்க: புயலின் மையம்!! மெலிசாவின் மைய பகுதிக்குள் நுழைந்த விமானம்! உறைய வைக்கும் காட்சி!

ஜமைக்காவைத் தொடர்ந்து, புயல் ஹைதியை பாதித்தது. லா டிக் ஆற்றில் வெள்ளம் ஏற்பட்டு 25 பேர் உயிரிழந்தனர். அவர்களில் 10 குழந்தைகள் உள்ளனர். 30 செ.மீ மழை பெய்ததால் 160க்கும் மேற்பட்ட வீடுகள் வெள்ளத்தில் மூழ்கின. 13 பேர் காணாமல் போயுள்ளனர். ஹைதியின் தெற்கு பகுதியில் 8 நாட்களாக தொடர்ந்து கனமழை பெய்கிறது. இதனால் மக்கள் பள்ளிகளில் தஞ்சமடைந்துள்ளனர். டொமினிக்கன் ரிபப்ளிக்கிலும் ஒருவர் உயிரிழந்தார். மொத்தம் 32 பேர் பலியாகியுள்ளனர்.

பின்னர், அக்டோபர் 29 அன்று கியூபாவின் சாந்தியாகோ டி கியூபா அருகில் கேட்டகிரி 3 புயலாக (மணிக்கு 120 கிமீ வேகம்) கரையைத் தாக்கியது. 900,000க்கும் மேற்பட்டோர் வெளியேற்றப்பட்டனர். சாலைகள் சேற்றால் முடக்கம், வீடுகள் சேதம், மலைப்பாங்கான பகுதிகளில் நிலச்சரிவும் ஏற்பட்டன. கியூபா அதிபர் மிகுவல் டயாஸ் கேனல், "அழிவு பெரியது. மக்கள் எச்சரிக்கையுடன் இருக்க வேண்டும்" என்றார். புயல் இப்போது பகம்பாஸ் நோக்கி செல்கிறது. அங்கு கேட்டகிரி 1 ஆக வலுவடைந்துள்ளது.

ஜமைக்கா, ஹைதி, கியூபா, டொமினிக்கன் ரிபப்ளிக் ஆகியவற்றில் சர்வதேச விமானங்கள் ரத்து செய்யப்பட்டு. போக்குவரத்து முற்றாக ஸ்தம்பித்தது. கரீபியன் நாடுகள், "இது 170 ஆண்டுகளில் இல்லாத பேரழிவு" என்று கூறுகின்றன. காலநிலை மாற்றம் காரணமாக கடல் சூடாகி புயல்கள் வலுவடைந்துள்ளன என்று நிபுணர்கள் சொல்கின்றனர். அமெரிக்கா, பிரிட்டன் உதவி அனுப்புகின்றன. அமெரிக்க கடற்படை குவாண்டானாமோவில் இருந்து உதவி செய்கிறது. ஜமைக்கா அமைச்சர், "இது நம் நாட்டின் மோசமான காலம்" என்றார்.

இந்தப் புயல், காலநிலை மாற்றத்தின் தீவிரத்தை உலகுக்கு நினைவூட்டுகிறது. கரீபியன் நாடுகள் மீட்பு பணிகளில் ஈடுபட்டுள்ளன. மக்கள் பாதுகாப்புடன் இருக்குமாறு அறிவுறுத்தப்படுகின்றனர்.

இதையும் படிங்க: வரலாற்றியே அதிக சக்தி வாய்ந்த புயல்! ஜமைக்காவை புரட்டிப்போட்ட மெலிசா! நடுங்கும் கியூபா!