"மாப்பிள்ளை போல் அலங்காரம்"..! சிறுமிகள் பாலியல் வன்கொடுமை..!! ஜெம் வீரமணியின் குரூர புத்தி..!

ஜெம் கிரானைட்ஸ் நிறுவனத்தின் நிறுவனர் மற்றும் ஜெம் குழுமத்தின் தலைவரான வீரமணி, சிறுமிகளை பாலியல் ரீதியாக துன்புறுத்தியதாகக் கூறப்படும் குற்றச்சாட்டின் அடிப்படையில் கைது செய்யப்பட்டார். இவர் இந்திய கிரானைட் தொழில்துறையில் நீண்ட காலமாக செல்வாக்கு மிக்க தொழிலதிபராக அறியப்பட்டவர். அவரது வயது எண்பத்து நான்கு. இந்த வழக்கு 2025 ஆம் ஆண்டு அக்டோபர் மாதம் தொடங்கியது.

சென்னையில் உள்ள ஒரு குழந்தை உரிமை ஆர்வலர், ஒரு பென் டிரைவை காவல்துறையிடம் ஒப்படைத்தார். அதில் ஒரு வயதான நபர் சிறுமியை பாலியல் வன்கொடுமைக்கு உட்படுத்தும் காட்சிகள் இருந்தன. இந்த ஆதாரத்தின் அடிப்படையில் போக்சோ சட்டத்தின் கீழ் வழக்குப் பதிவு செய்யப்பட்டது. ஆரம்ப விசாரணையில் சிறுமியை அடையாளம் காண முடியவில்லை என்றும், வீடியோ 2019 ஆம் ஆண்டைச் சேர்ந்தது என்றும் காவல்துறை தரப்பு தெரிவித்து, வழக்கை முடித்து வைக்கும் அறிக்கையை சிறப்பு போக்சோ நீதிமன்றத்தில் தாக்கல் செய்தது. ஆனால் 2026 ஆகஸ்ட் 19 ஆம் தேதி சிறப்பு நீதிமன்றம் அந்த அறிக்கையை நிராகரித்து, மேலும் விசாரணை நடத்த உத்தரவிட்டது.

இதைத் தொடர்ந்து காவல்துறை விசாரணையை தீவிரப்படுத்தியது. வீடியோவில் தோன்றிய நபர் ஜெம் வீரமணி தான் என்பது உறுதி செய்யப்பட்டது. அவர் தேனாம்பேட்டையில் ஒரு வீட்டை வாடகைக்கு எடுத்து, அதன் நிர்வாகத்தை தனது தொழில் தொடர்புடைய சாந்தி மற்றும் அவரது கணவர் மகேந்திர சிம்ஹன் ஆகியோரிடம் ஒப்படைத்திருந்தார். அந்த வீட்டில் சிறுமிகளை அழைத்து வந்து வன்கொடுமை செய்ததாகக் குற்றச்சாட்டு எழுந்தது. 2026 ஆகஸ்ட் 29 ஆம் தேதி சென்னை மத்திய குற்றப் பிரிவின் விபச்சார தடுப்புப் பிரிவு காவல்துறையினர் வீரமணி, சாந்தி மற்றும் மகேந்திர சிம்ஹன் ஆகிய மூவரையும் கைது செய்தனர். 

இதையும் படிங்க: "ஜோசியர் தான் சொன்னாராமே".? யார் ஆசைக்காக பட்டினப்பாக்கத்தில் தலைமைச் செயலகம்.? ஸ்டாலின் சரமாரி கேள்வி.!!

பாலியல் வழக்கில் கைதான தொழிலதிபர் ஜெம் வீரமணி குறித்து வெளியாகும் அதிர்ச்சி தகவல்கள் வெளியாகியுள்ளன. கல்வி தந்தையாக அறிமுகமாகி சிறுமிகளை பாலியல் வன்கொடுமை செய்ததது அம்பலம் ஆகியுள்ளது. ஜெம் வீரமணியால் பாதிக்கப்பட்டவர்களில் பெரும்பாலானவர்கள் பட்டியலின சிறுமிகள் என தகவல் வெளியாகி உள்ளது. கைதாவதற்கு சில நாட்கள் முன்பு வரை சிறுமிகளை வீரமணி வேட்டையாடியது அம்பலமாகி உள்ளது. மேலும், பாதிக்கப்பட்ட சிறுமிகள் மற்றும் பெண்களை தேடும் பணியில் போலீசார் தீவிரம் காட்டி வருகின்றனர். குடிசையில் வசிக்கும் சிறுமிகளை குறிவைத்து ஜெம் வீரமணி பாலியல் வன்கொடுமை என புகார் எழுந்துள்ளது. மாப்பிள்ளை போல அலங்காரம் செய்து கொண்டு சிறுமிகளை வன்கொடுமை செய்ததாக தகவல் வெளியாகி இருக்கிறது.

இதையும் படிங்க: எந்தக் குற்றவாளியையும் தப்பவிடக்கூடாது.. ஜெம் வீரமணி வழக்கில் காவல்துறைக்கு CM விஜய் நேரடி உத்தரவு..!!