PINK PATROL மீது ஸ்டிக்கர் ஒட்டிய TVK அரசு..! முதல்வர் விஜய் மீது கனிமொழி எம்.பி. விமர்சனம்.!

தமிழ்நாட்டில் பெண்களுக்கு எதிரான குற்றங்கள் ஒரு நீண்டகால பிரச்னையாக உள்ளது. அரசுகள் மாறினாலும், இந்தப் பிரச்னை அரசியல் களத்தில் பெரும் விவாதத்தை ஏற்படுத்தி வருகிறது. சமீபத்தில் தமிழக வெற்றிக் கழக தலைவர் ஜோசப் விஜய் முதலமைச்சராகப் பொறுப்பேற்ற பிறகு, எதிர்க்கட்சியான திமுகவின் கனிமொழி எம்.பி.யின் பேச்சு பெரும் கவனத்தைப் பெற்றுள்ளது. 

திமுக ஆட்சியில் 2025-ம் ஆண்டு நவம்பரில் பிங்க் பேட்ரோல் திட்டம் வலுவாக முன்னெடுக்கப்பட்டது. சென்னை, தாம்பரம், ஆவடி, சேலம், கோயம்புத்தூர், திருப்பூர், திருச்சி, திருநெல்வேலி, மதுரை ஆகிய எட்டு மாநகராட்சிகளில் 80 புதிய பிங்க் பேட்ரோல் வாகனங்கள் ரூ.12 கோடி செலவில் அறிமுகப்படுத்தப்பட்டன. பெண் போலீஸார் நடத்தும் இந்த வாகனங்கள் பெண்கள் மற்றும் குழந்தைகளுக்கு எதிரான தொல்லைகள், பாலியல் துன்புறுத்தல் போன்றவற்றுக்கு உடனடி பதிலளிக்கும் வகையில் வடிவமைக்கப்பட்டன.

இது முன்பு இருந்த அம்மா பேட்ரோல் திட்டத்தின் விரிவாக்கமாகவும், பெயர் மாற்றமாகவும் பார்க்கப்பட்டது. திமுக அரசு இதைப் பெண்கள் பாதுகாப்பில் ஒரு முக்கிய நடவடிக்கையாக முன்வைத்தது. த.வெ.க ஆட்சி பொறுப்பேற்ற பிறகு, முதலமைச்சர் விஜய் சிங்கப் பெண் சிறப்பு அதிரடிப்படை எனும் திட்டத்தை அறிவித்தார். 2026 ஜூன் முதல் வாரத்தில் சென்னையில் இதை முறைப்படி தொடங்கி வைத்தார்.

இதையும் படிங்க: தவெக அமைச்சரவை விழாவில் தமிழ்த்தாய் வாழ்த்து 3-வதாக பாடப்பட்டதற்கு எம்பி கனிமொழி கண்டனம்!

இது பெண்களின் பாதுகாப்புக்கு மட்டுமே அர்ப்பணிக்கப்பட்ட அனைத்து பெண் போலீஸ் படைப்பிரிவு. ரூ.354 கோடி நிதி ஒதுக்கீடு செய்யப்பட்டு, 2,545 பணியிடங்கள் உருவாக்கப்பட்டுள்ளன. முழு மாநிலத்திலும் இந்தப் படை நிலைநிறுத்தப்படும். இந்தப் புதிய திட்டத்தை திமுக தரப்பு கடுமையாக விமர்சித்தது. கனிமொழி எம்.பி. உள்ளிட்ட தலைவர்கள், “பிங்க் பேட்ரோல் வாகனங்களுக்கு ஸ்டிக்கர் ஒட்டி பெயர் மாற்றி அறிவித்திருக்கிறார்கள். இது புதிய திட்டம் அல்ல, நகல் அரசு” என்று குற்றம் சாட்டினர். முன்பு திமுக கொண்டுவந்த திட்டத்தை மறுபெயரிடுவதாகவும், உண்மையான புதிய முயற்சி இல்லை என்றும் விமர்சனம் எழுந்தது.

இதையும் படிங்க: யார் முதல் பெண் அமைச்சர்..? Instagram, வாட்ஸ் அப்பை நம்பாதீங்க..! MP கனிமொழி அறிவுறுத்தல்..!