நேற்று ஆய்வு... இன்று ஆணை..! மெட்ரோ நிர்வாகத்துக்கு முதல்வர் விஜய் போட்ட அதிரடி உத்தரவு..!!

தமிழ்நாடு முதலமைச்சர் ஜோசப் விஜய் நேற்று சென்னை மெட்ரோ ரயில் இரண்டாம் கட்டப் பணிகளை நேரில் ஆய்வு செய்தார். அரசினர் தோட்டம் மெட்ரோ நிலையத்தில் இருந்து தனது ஆய்வைத் தொடங்கிய அவர், பொதுமக்களுடன் இணைந்து மெட்ரோ ரயிலில் பயணம் மேற்கொண்டு, பல்வேறு நிலையங்கள் மற்றும் கட்டுமானப் பணிகளைப் பார்வையிட்டார். இந்த ஆய்வின்போது பொதுமக்கள் முதல்வருக்கு உற்சாக வரவேற்பு அளித்தனர்.

முதலமைச்சர் ஜோசப் விஜய் மதியம் சுமார் 3 மணியளவில் அரசினர் தோட்டம் மெட்ரோ நிலையத்திற்கு வந்தார். அங்கு அவர் சாதாரண பயணியைப் போல டிக்கெட் எதிர்பார்த்து, காகித QR டிக்கெட் வாங்கி, மெட்ரோ ரயிலில் ஏறினார். நந்தனம் மெட்ரோ நிலையம் வரை பயணம் செய்த அவர், பயணிகளுடன் உரையாடினார். பல பயணிகள் செல்போன்களை உயர்த்திப் புகைப்படம் எடுக்க முயன்றனர். முதல்வர் கையசைத்து மக்களுக்கு பதிலளித்தார். இந்தப் பயணம் முதல்வரின் முதல் மெட்ரோ பயணமாக அமைந்தது. 

நந்தனம் மெட்ரோ நிலையத்தில் இறங்கிய முதல்வரை சென்னை மெட்ரோ ரயில் நிறுவன அதிகாரிகள் வரவேற்றனர். அங்கு மெட்ரோ தலைமை அலுவலகத்திற்குச் சென்ற அவர், செயல்பாட்டுக் கட்டுப்பாட்டு மையம் உள்ளிட்ட இடங்களை ஆய்வு செய்தார். மெட்ரோவின் முன்னேற்றம், பாதுகாப்பு ஏற்பாடுகள், பயணிகள் வசதிகள், கடைசி மைல் இணைப்பு மற்றும் எதிர்கால விரிவாக்கத் திட்டங்கள் குறித்து அதிகாரிகளிடம் விரிவாகக் கேட்டறிந்தார். நிதி, திட்டம் மற்றும் மேம்பாட்டுத் துறை அமைச்சர் என். மரி வில்சன், முதன்மைச் செயலாளர் உள்ளிட்டோர் உடன் இருந்தனர்.

இதையும் படிங்க: வாத்தி ரெய்டு.. இன்று சென்னையில் அதிரடியாக களமிறங்கப்போகும் விஜய்... எங்கே, எப்போது தெரியுமா?

மெட்ரோ ரயில் திட்டங்களை விரைந்து முடிக்கும் நோக்கில் பணிகளை துரிதப்படுத்த வேண்டும் என்ற முதல்வர் விஜய் மெட்ரோ நிர்வாகத்துக்கு ஆணை பிறப்பித்துள்ளார். கத்தி பாரா மெட்ரோ, ரயில் கட்டுமானம் மற்றும் ஆளில்லா மெட்ரோ ரயில் திட்டங்கள் சிறப்பாக இருக்கிறது என்று பாராட்டியுள்ளார். நேற்றைய தினம் முதல்வர் விஜய் மெட்ரோ ரயில் நிலையங்களில் ஆய்வு மேற்கொண்டிருந்த நிலையில் இந்த உத்தரவு பிறப்பிக்கப்பட்டிருக்கிறது. 

இதையும் படிங்க: விடிந்ததுமே சென்னை மக்களுக்கு குட்நியூஸ்... மெட்ரோ ரயில் சேவையில் காத்திருக்கும் சர்ப்ரைஸ்...!