1 லட்சம் சூரிய சக்தி மேற்கூரை..! இதான் இலக்கு.! அமைச்சர் நிர்மல்குமார் உறுதி.!
சூரிய சக்தி மேற்கூரை குறித்து அமைச்சர் நிர்மல் குமார் பேசினார்.
by
தமிழ்நாட்டில் மேற்கூரை சூரிய சக்தித் திட்டத்தை விரைவுபடுத்தி, மார்ச் 2027-க்குள் ஒரு லட்சம் வீடுகளில் நிறுவுவதே தங்களது இலக்கு என மின்சாரத்துறை அமைச்சர் நிர்மல்குமார் தெரிவித்துள்ளார்.இதுவரை தமிழகத்தில் சுமார் 97 ஆயிரம் வீடுகளில் மட்டுமே மேற்கூரை சூரிய சக்தி அமைப்புகள் இருந்து வந்த நிலையில், முதல்வர் விஜய் இத்திட்டத்தை ஊக்குவிக்கும் வகையில் கூடுதல் மானியத்தை அறிவித்தார். அதனைத் தொடர்ந்து கடந்த மூன்று வாரங்களில் மட்டும் சுமார் 27,085 விண்ணப்பங்கள் பெறப்பட்டு நடவடிக்கையில் உள்ளன என்று அவர் கூறினார்.
முதல்வரின் இந்த முயற்சியால் பொதுமக்கள் மத்தியில் பெரும் ஆர்வம் ஏற்பட்டுள்ளது. மின்சாரச் செலவைக் குறைப்பதோடு சுற்றுச்சூழல் பாதுகாப்பிற்கும் உதவும் இந்தத் திட்டத்தை மேலும் விரிவுபடுத்த அரசு உறுதியாக உள்ளது. கூடுதல் மானியம் அறிவிக்கப்பட்டதால் குறைந்த செலவில் மேற்கூரை சூரிய சக்தி அமைப்புகளை நிறுவ முடியும் என மக்கள் நம்பிக்கை கொண்டுள்ளனர்.
மார்ச் 2027-க்குள் ஒரு லட்சம் வீடுகளில் இந்த அமைப்பை நிறுவி, தமிழ்நாட்டை சூரிய சக்தி உற்பத்தியில் முன்னணி மாநிலமாக மாற்றும் நோக்கில் அரசு பல்வேறு நடவடிக்கைகளை மேற்கொண்டு வருகிறது. விண்ணப்பங்களை விரைவாக செயல்படுத்தி, தகுதியானவர்களுக்கு விரைவில் நிறுவல் பணிகளை மேற்கொள்ள அறிவுறுத்தப்பட்டுள்ளது.இத்திட்டம் மூலம் வீட்டு உரிமையாளர்கள் தங்களது மின்சாரத் தேவையை பெருமளவு சூரிய சக்தியால் பூர்த்தி செய்துகொள்ள முடியும். அதிகப்படியான மின்சாரம் கட்டமைப்பில் சேர்க்கப்படும்போது வருவாய் ஈட்டவும் வாய்ப்புள்ளது.
இதையும் படிங்க: பயிர் கடன் தள்ளுபடி பிரச்சனை.! விவசாயிகளுடன் அமைச்சர்கள் பேச்சு வார்த்தை..! தீர்வு எட்டுமா.?
மாநில அரசு தொழில்நுட்ப ஆலோசனைகள் வழங்குதல், விரைவான அனுமதி வழங்குதல் உள்ளிட்ட வசதிகளை ஏற்படுத்தியுள்ளது. இதனால் சாதாரண மக்களும் எளிதாக இந்தத் திட்டத்தில் பங்கேற்க முடியும். சுற்றுச்சூழல் பாதுகாப்புடன் பொருளாதார நன்மையும் கிடைக்கும் என்பதால் இது முக்கியமான வளர்ச்சி நடவடிக்கையாகக் கருதப்படுகிறது.
இதையும் படிங்க: "நாகூர் தர்கா விஷயத்தில் அரசியல்"..! அரசாணையைப் பெற்ற அரங்காவலர் குழு..! அமைச்சர் ஷாஜஹான் பேட்டி.!!
