உதயநிதி கைது..! வெடிக்கும் பிரச்சனை... திமுக தலைவர் ஸ்டாலின் அவசர ஆலோசனை.!

தமிழ்நாடு சட்டப்பேரவை எதிர்க்கட்சித் தலைவர் உதயநிதி ஸ்டாலின் கைது செய்யப்பட்ட செய்தி மாநிலம் முழுவதும் பரபரப்பை ஏற்படுத்தியுள்ளது. தஞ்சாவூரில் நடைபெற்ற காவிரி நீர் பிரச்சினை தொடர்பான ஆர்ப்பாட்டத்தில் அவர் பேசியதாகக் கூறப்படும் சர்ச்சைக்குரிய கருத்துகளின் அடிப்படையில் காவல்துறை நடவடிக்கை எடுத்தது. முதலமைச்சர் ஜோசப் விஜய் மற்றும் நடிகை தொடர்பாக இரட்டை அர்த்தமுள்ள கருத்துகள் தெரிவிக்கப்பட்டதாக புகார் அளிக்கப்பட்டதைத் தொடர்ந்து பல பிரிவுகளின் கீழ் வழக்குப் பதிவு செய்யப்பட்டது.

இதை அடுத்து சென்னை நீலாங்கரையில் உள்ள அவரது இல்லத்திலிருந்து காவல்துறையினர் அவரை அழைத்துச் சென்றனர்.இந்த நிகழ்வு திமுகவினரிடையே பெரும் அதிர்ச்சியை உண்டாக்கியது. கட்சித் தொண்டர்கள் அண்ணா அறிவாலயம் முன்பும் உதயநிதியின் இல்லம் முன்பும் திரண்டு ஆர்ப்பாட்டத்தில் ஈடுபட்டனர். சிலர் பாதுகாப்பு வளையத்தை உடைக்க முயன்ற நிலையில் காவல்துறை கூடுதல் பாதுகாப்பு ஏற்பாடுகளை மேற்கொண்டது.

உதயநிதி தனது கைது நடவடிக்கையை காமெடியாகப் பார்ப்பதாக தெரிவித்திருந்தார் என்றாலும் கட்சித் தரப்பில் இது அரசியல் பழிவாங்கலாகவே பார்க்கப்படுகிறது.இந்நிலையில் திமுக தலைவர் மு.க. ஸ்டாலின் சென்னை தேனாம்பேட்டையில் உள்ள கட்சித் தலைமை அலுவலகமான அண்ணா அறிவாலயத்திற்கு அவசரமாக வந்தார். உதயநிதி கைது செய்யப்பட்ட செய்தியை அறிந்தவுடன் அவர் அங்கு விரைந்து வந்து மூத்த நிர்வாகிகளுடன் ஆலோசனை நடத்தத் தொடங்கினார்.

இதையும் படிங்க: கர்நாடகா கேட்டை இழுத்து மூடிட்டாங்க..! அனைத்துக் கட்சிக் கூட்டம் நடக்குமா.. நடக்காதா..? ஸ்டாலின் சரமாரி கேள்வி..!

பொன்முடி உள்ளிட்ட முக்கியத் தலைவர்களும் அறிவாலயத்திற்கு வந்து கலந்துரையாடினர். இந்த ஆலோசனையில் அடுத்தகட்ட நடவடிக்கைகள் குறித்து விரிவாகப் பேசப்பட்டது. கைதுக்கு எதிராக மாநிலம் முழுவதும் போராட்டங்களை முடுக்கிவிடுவது, சட்டரீதியான நடவடிக்கைகளை மேற்கொள்வது உள்ளிட்டவை விவாதிக்கப்பட்டன.திமுக தரப்பில் இந்த கைது நடவடிக்கை எதிர்க்கட்சித் தலைவரை முடக்கும் முயற்சியாகக் கருதப்படுகிறது. 

இதையும் படிங்க: விடிந்ததுமே இடியை இறக்கிய திமுக... அதிமுகவில் இருந்து வந்த முக்கிய புள்ளியின் கட்சி பதவி பறிப்பு...!