சசிகலாவுடன் ராமதாஸ் கூட்டணி..! அதிருப்தியில் MLA அருள்..!! கட்சியை விட்டு விலக இருப்பதாக தகவல்..!!

பாட்டாளி மக்கள் கட்சியில் தற்போது நிலவும் உட்கட்சி பிளவு மற்றும் தேர்தல் கூட்டணி முடிவுகளால் ஏற்பட்டுள்ள பதற்றத்தின் ஒரு பகுதியாக, சேலம் மேற்கு தொகுதி எம்எல்ஏ அருள் தரப்பில் அதிருப்தி எழுந்துள்ளது. சமீபத்தில் பாமக நிறுவனர் டாக்டர் ராமதாஸ் தலைமையிலான அணி, வி.கே. சசிகலா தொடங்கிய அனைத்திந்திய புரட்சித்தலைவர் மக்கள் முன்னேற்றக்கழகம் (அ.இ.பு.ம.மு.க) உடன் 2026 சட்டமன்றத் தேர்தலுக்கான கூட்டணி ஒப்பந்தம் செய்துள்ளது.

இந்த ஒப்பந்தம் தைலாபுரத்தில் ராமதாஸ் இல்லத்தில் கையெழுத்தானது, இது தமிழக அரசியலில் புதிய திருப்பத்தை ஏற்படுத்தியுள்ளது. இந்த கூட்டணி முடிவு பாமகவின் ராமதாஸ் தரப்பு ஆதரவாளர்களிடையே பெரும் அதிர்ச்சியையும் அதிருப்தியையும் ஏற்படுத்தியுள்ளது. குறிப்பாக, ராமதாஸுக்கு நெருங்கிய ஆதரவாளராகவும், கட்சியின் முக்கிய நிர்வாகியாகவும் இருந்து வந்த சேலம் மேற்கு எம்எல்ஏ அருள் இந்த முடிவால் கடும் அதிருப்தி அடைந்துள்ளார்.

அருள் நீண்டகாலமாக ராமதாஸ் தரப்பில் இருந்து கட்சியின் உள் பூசல்களில் குறிப்பாக அன்புமணி ராமதாஸ் தரப்புடனான மோதல்களில் ராமதாஸுக்கு ஆதரவாக செயல்பட்டு வந்தவர். ஆனால், சசிகலாவுடனான இந்த கூட்டணி அறிவிப்பு அவரது எதிர்பார்ப்புக்கு மாறானதாக அமைந்துள்ளது.

இதையும் படிங்க: திமுக ஆட்சி செய்ய தகுதி இல்ல... கடலூரில் நடந்த ஆர்ப்பாட்டத்தில் அன்புமணி காட்டம்..!!

இதனால், அருள் தனது ஆதரவாளர்களுடன் சேர்ந்து பாமகவிலிருந்து விலகுவதற்கான நகர்வுகளை மேற்கொள்ள இருப்பதாக தகவல்கள் வெளியாகியுள்ளன. கட்சியின் உள் மோதல்களால் ஏற்கெனவே அன்புமணி தரப்பால் அவர் கட்சியிலிருந்து நீக்கப்பட்ட நிலையில், ராமதாஸ் தரப்பில் தொடர்ந்து நிலைத்திருந்த அருள், இப்போது இந்த கூட்டணி முடிவால் மீண்டும் குழப்பத்திற்கு ஆளாகியுள்ளார். 

இதையும் படிங்க: பாமக-வோட இந்த நிலைமைக்கு அன்புமணிதான் காரணம்! கொந்தளித்த ராமதாஸ்! 18 பக்க பதில் மனு தாக்கல்!